Hechos 7:45 - Dios Iwene

⁴⁵ Ikenama, ju'wi möle, Moisés woina okobema, da'dödöminema emijadötö jejuma, isa̧do̧tjö otikwejuma, Dios ejuma. Jejuma lobibökönö ichejebijadötö bemi nijikwö, Josué kweatinanöma. Bemi ajayinö ju̧kwinadönö Diosma da'dödömine tjujuluwobö pjaatajabetjö̧ benada ju̧kwijadötö, tjitebo baibanö. Isa̧do̧tjö otikwejuma, jobadö tjuju̧kwena ji̧jetö lekwe, ja̧ möle baibanö Davidmine ö̧jenanö baibanö.

Hechos 7:45 ပူးပေါင်းရင်းမြစ်များ

1 Reyes 8:4

Kabebajadö, Isabenö Jo̧ iteapjobi, sabana'wotjö otikweju, Dios israel jojodö tjö̧'da̧de ö̧jejubi, okwa ji̧ Dios itea baibanö 'da̧batö tjujunina jawabi tje'ewinobe, Dios eju 'yayeju jo̧bekwö.

1 Crónicas 16:39

Isabenö Jo̧ iteapjo ida̧ökö Jerusalen comunidadnö ji̧najayonö, Isabenö Jo̧ eju, Moises sabana'wotjö otidinejuma ina ju'wi comunidad, Gabaon comunidadnö ji̧nobe. Jo̧kwajabetjö̧ jobadö Jerusalennö ja̧nö tjotidonö, Davidma Diostjö jojodötjö ö'weje pjabato̧ Sadoc mikwo̧nö weinobe, ömöledö ö'weje pjabatadökwö, Isabenö Jo̧nö ösödakwawemi Gabaon comunidadnö ja̧nö, Isabenö Jo̧ ejutjö otidö tjö̧jobö.

1 Crónicas 21:29

Ja̧ möle Moises jojodö deobetjö otidineju, Isabenö Jo̧ eju sabana'wotjö otikwejubi, jwiinö ubinö iyawapjobi Jerusalen comunidadnö ji̧nokobe. Ja̧ möle ja̧ Dios eju jawama Diosnö iyawemi möemi Gabaontjö ji̧nobe,

1 Crónicas 7:27

Ja̧danö Elisama itji̧ma Nun mikwo̧. Ja̧danö Nun itji̧ma Josue mikwo̧.

Hechos 13:19

Ikenama Diosma iyijetö Canaán nijima, ökwödö da'dödöminenöma. Diosma pjabatijetö da'dödöminenöma Canaánnö ju̧kwadönö jwiinö söbebö lotjobö. Jau, Diosma pjabatijetö ökwödö da'dödöminenöma Canaánnö ju̧kwadö jelemutjö du̧ju̧tajanö jenanö bakwaso jojodönö söbebö lotjobö. Ikenama, Canaánnö ju̧kwadö söbebö lotjaja̧ ikena, ja̧ nijima da'dödömine tjiteboda baibijetö. Okobe jwiinö ja̧ da'dödöminenö baledinama, Egiptonö tjö̧jinemi tupakwö Canaánnö tjuju̧kwobö tjichibenanö baibanö cuatrocientos cincuenta o̧biya jenanö baledijetö— yöbawijetö Pabloma.

Deuteronomio 32:49

—Moises, babema Moab niji mösa'o, Abarin mösa'ijutjö Nebo mikwa'o kwönöchobö jo̧be. Jau Moises, ja̧'oma Jerico comunidad badeibösa'o, ja̧danö ja̧'o kwönöcho, nöchajo̧ mötjö israel jojodönö chiyakwa̧ niji canaan niji kwedobö.

Josué 18:1

Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

Josué 23:9

—Jau chömöledö, kwöwaisaduwa, Isabenö Jo̧ma ju'wedö tjitebo jojodönö, inesö juluwadönöbi kwöba a'oduwitjö a'dewö loinobe, jö̧tö? Isabenö jobadötjö bakwo̧bi kwöba a'oduwitjö ö̧jobe jwiinobe, Isabenö Jo̧ otiwanö ökwödönö pjaatinobetjö̧.

Josué 24:18

Ja̧danö Isabenö Jo̧ Diosda okobe deinö bemi nijinö ju̧kwinadö, amorreos jojodönö döba a'otjö a'dewö lobinama, jo̧kwajabetjö̧ ökwö kwösödi̧danö, ökwödöbi bakwainö Isabenö Jo̧ wei̧ a̧ja̧kwö, jo̧banö dösödakwedösa, jo̧bada duluwo̧ Diosobetjö̧, —jö̧ba̧lö tjatadinobe israel jojodöma.

Jueces 18:31

Dios eju, jo̧banö tjösödobö weinejuma Silo comundidadnö ji̧nobe, otiwanö jobetjö jojodö tjösödobö. Jo̧kwaijayonö Dios eju Silo comunidadnö jȩmi baledibanö, Dansaso jojodöma Micaias otidinökwe o̧'wo jawa ösödö tjö̧jinobe, bitema dösödökwe dios jö̧ba̧lö.

1 Samuel 4:4

Jejenö yöba̧lakwawajadö, Silo comunidadbe wetjinobe, tjichejebobö, ja̧danö wetjaja̧danö Dios weina a̧ja̧pjo, Isabenö Jo̧ okobe jwiinö juluwo̧ Dios, angeledö querubines mikwadö tjöwame inesö iteakanö bo̧ Dios iteapjo tje'ewinobe ölakwabikwawadö tjö̧jobekwö. Ja̧danö, Eli i̧tji̧mu du̧ju̧taja Ofni mikwo̧bi, Finees mikwo̧bi japjo isapjokwö tji̧'yinobe.