Hechos 7:36 - Dios Iwene

³⁶ Jo̧ba Moisésma israel jojodönö Egiptotjö labebijetö. Ina Egipto nijinö kwebachöbi, ojwe duwobu pebiböbi, cuarenta o̧biya jojodö deobe kwebachöbi Moisésma i̧sebijetö jojodö edajitjökö jawa, Dios ujulu jawama.

Hechos 7:36 ပူးပေါင်းရင်းမြစ်များ

Éxodo 12:41

Ja̧danö, Egiptonö tjuju̧kwaja̧ cuatrocientos trienta o̧bi̧ya̧ badekwachi̧ möle okobe deinö Israel jojodöma, Isabenö Jo̧ ömöledöma, bakwasokwena labekwijadötö Egiptotjö.

Éxodo 14:21

Jemi ikenama Moisés otokwa'o do̧ba̧lö ömamu kabebö i̧sebijetö o̧pesobu wame i̧sebi̧danö wanekwachö. I̧sebemi Isabenö Jo̧ma webijetö jwa̧lȩ'ȩpjo labinö ichobö ja̧wo̧ laebobekwötjö yö̧te baledibanö jwa̧lȩ'ȩwobö. Labinö jwa̧lȩ'ȩwemi o̧pesobu ö'weje 'da̧bachibö dobulataja baibanö lamatijetö möinö, öwejenö mana li̧nö.

Éxodo 16:35

Ja̧danö, Israel jojodöma lekwe möle, cuarenta o̧bi̧ya̧ baledibanö mölekwena kwiabijadötö ja̧ kwakwawa, maná mikwi̧ma, jojodö tjuju̧kwobekwö, Canaán niji ö'öbö tjichibenanö kabatö.

Éxodo 3:20

Jo̧kwaobetjö̧ chujulu i̧sebö labi jawa baledinö wetocha Egipto jojodönöma. Jejenö baledaja̧ ikena faraónma ökwödönö a'dewö loakobe jobetjöma.

Éxodo 33:1

Isabenö Jo̧ma Moisésnö webijetö: — Moisés, jojodönö, Egiptotjö öbibö lakebinawö̧nö betjöma öbibö kwi̧'yo damötjö̧ Abrahamnö, Isaacnö, Jacobnö ötjöda chiwene yöbawö chujuninemikwö. Jobadönö ötjöda chiwene yöbawö chujunijatö. Bemi nijima ökwötjö tupadanö jojodönö chiyocha, jö̧ba̧lö. Jobekwö kwömöledönö öbibö kwi̧'yo.

Juan 4:48

Jejenö aebökwe Jesúsma jö̧a̧linobe: —Ökwödöma sule chi̧seboböda kwedaduwobö kwisakwaduwa, juluwi̧ jawa i̧sebö, jojodö edajitjökö jawa chi̧seboböma. Ja̧ juluwi̧ jawa chi̧sebökötjö̧ma kwösödaduwökena ötjönöma. Ja̧danö, yöka̧laduwökena, Bitema Dios weinökwe, jö̧ba̧lö, juluwi̧ jawa chi̧sebobe kwedaduwökötjö̧ma— jö̧a̧linobe Jesúsma.

Hechos 13:18

Ikenama cuarenta o̧biya jenanö, jojodö deobe kwebachö ji̧abijadötö. Jobe kwebachö ju̧kwö Dios wei̧ tja̧ja̧kwököjayonö Diosma jobadönö kabatibökönö ina te'ada̧liabijetö, da'dödöminenöma— Pablo yöbawijetö—.

Hechos 7:42

Jejenö tjösödiökwe Diosma jobadönö kabatibijetö. Idöda tjösödi̧da tjösödobö, mölejȩnö lö̧jadönö, möle ja̧wo̧nöbi yö̧te ja̧wo̧nöbi, si̧li̧'i̧dönöbi wainö tjösödobö kabatibijetö Diosma, da'dödöminenöma—yöbawijetö Estebanma. Ina yöbawijetö: —Damötjö Dios yöawi̧ yöbawinama baikwö wȩyudijetö, Dios da'dödöminenö ju'wi möle baledakwa̧ yöawinama: Ökwödö israel jojodöma, ötjönö kwabö juwö iyö kwösödinaduwokobe cuarenta o̧biya kwebachö kwö̧jaduwenama, jojodö deena.

Deuteronomio 8:4

Ja̧danö chömöledö, cuarenta o̧biya baledibanö kwekachinaduwijayonö, kwö̧ka̧miji̧do̧ma suli̧ waekwinokobe, kwömasapiyama 'ye'yeachinokobe, nöinö kwekachinaduwajayonö, jö̧tö?

Hebreos 3:8

kwomajadeduwi̧nö ösödö kwö̧jaduwo. Kwa'dödömineduwi, Moisés Egiptotjö laebinawö̧ tjö̧jinadanö kwö̧jaduwoko. Jobadöma tjomajadenö öpöjödö, ötjö weti̧ a̧ja̧kwökönö tjö̧jinobe. Jojodö deobe ja̧nö, ötjö weti̧ a̧ja̧kwökönö, Aaa, Diosma ökwödönö ölabokojobö dedaduwo, lȩebökena, jö̧ba̧lö, tjö̧jinobe.

Hebreos 3:9

Jobadöma, lekwe, cuarenta o̧biya jenanö ediatjinobe ötjö chujulu chi̧sebi̧ma. Jejenö tjedijayonö, ina a̧ja̧kwökönö tjö̧jinobe, Dedaduwo lȩebökena, jö̧ba̧lö.

Hebreos 8:9

Ja̧danö, ja̧ 'yayi̧ balekwa yöbawö chujunakwa̧ma wainö ja̧kobe, ajayinö yöbawö chujunina, tja'dödömine Egiptotjö labebinadönö yöbawö chujuninadanömaökö. Jobadöma ötjöda pjatatinawö̧, tjömamunö do̧batö tjötöbö Egiptotjö latjebobö öbibö. Ja̧danö, Egiptotjö latjebobö pjatatinajayonö ötjö weti̧ a̧ja̧kwökönö tjuju̧kwinobe. Isabenö jobadöma ötjö ajayinö yöbawö chujuninatjö weti̧ tja̧ja̧kwinokobe. Ja̧danö, a̧ja̧kwökönö tjuju̧kwitjö̧ katatibijatö jobadönöma, jelobekwö jalachibö 'ya̧nö. Jo̧kwaijayonö jobadötjö tupadanö ju̧kwadönöma 'yayi̧ balekwa yöbawö chujuni̧ma chujunakwo̧sa, wainö ji̧ma. Jejenö laebobe Dios iwenetjö.