Hechos 7:15 - Dios Iwene

¹⁵ Jejenöobetjö̧ Jacobma Egiptobe 'yi̧jetö ö̧jobö. Lekwe tjuju̧kwina ikena jobetjö pöe waekwö wobijetö Jacobma. Ja̧danö, i̧tji̧mubi damö waekwö wobijadötö.

Hechos 7:15 ပူးပေါင်းရင်းမြစ်များ

Génesis 46:1

Ja̧danö, Israelma okobe deinö ömöledökwö, ömöayedökwö, a̧jwi̧mu̧kwö, ja̧danö okobe jwiinö u̧kwa tea e'ewö 'yi̧jetö Egiptobe. Ja'ö 'ya̧nö Beersebanö ichibö juwö iyijetö Diosnö ösödö, abe'do Isaac uluwo̧ Diosnöma.

Génesis 47:30

Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 49:33

Ikenama jobadönö yöbawö kabatö kamapjonö kwabibö ö'wö babibijetö Jacobma.

Éxodo 1:6

Jobe Egiptonö lekwe o̧biya tjuju̧kwina ikena José, jwiinö pöema ö'wö babibijetö. Ja̧danö ö̧pö̧ȩdöbi, öjawo̧bi, ja̧danö okobe deinö José ö̧ji̧ ji̧nadöbi ö'wö babibijadötö, o̧biya lekwinemi ikenama.

Éxodo 13:19

Ja̧danö, latjebakwa̧ abönö Moisésma webijetö Josémine iwe'iju jobadö tje'ewobö, José damötjö ö'wö baibakwa̧ abönö aebinadanö. Damötjö José ö'wö baibakwa̧ abönö ömöledönö yöbawö tjujunobö aebinobe, ju'wi möle ökwödötjö tupadanö jojodöma belö latjebakobe, Dios tjö̧jibinö pjaatobetjö̧. Jo̧kwaobetjö̧ isabenö kwiweneduwima yöbawö junaduwi babeda, jobadöma latjebena ötjö chiwe'iju tje'ewakobe, jö̧ba̧lö.

Deuteronomio 10:22

Jau chömöledö, isabenö ökwödönö pjaatajabe kwuluwo̧duwi Isabenö Jo̧ Diosma, damötjö kwa'dödö Egiptobe tji̧yinenama, sule setentabedöda jobe tji̧'yinobe, jö̧tö? Jo̧kwaijayonö o̧bukwedöda tjö̧jinajayonö, ökwödönö kwö̧ba̧jekwachaduwinö pjaatajabe, si̧li̧'idö tjö̧ba̧jȩkwi̧danö kwö̧ba̧jekwachaduwobö, —jö̧ba̧lö yöawinobe Moisesma, israel jojodönö.

Deuteronomio 26:5

—Jemi ikenama, jobe kwuluwo̧duwi Isabenö Jo̧ Dios öba a'o janö, baikwö yökawaduwonö: –Ötjö cha'döminema, arameo jojo eju jwibo̧ jelobetenia kwebachö ji̧na. Jo̧bama ömöledö ina o̧bukwedöda tjö̧jayi, Egipto nijibe i̧'yinobe, jobe ju'wedö tjitebonö ö̧jobö. Ja̧danö, jobe ichibena ömöledöma o̧bukwedöda tjö̧jinajayonö, jobe ja̧nö jwiinö ba̧jȩkwiyaso batjibanö tjö̧ba̧jekwachinobe, ba̧jȩkwadöbi, juluwadöbi batjibanö.

Josué 24:32

Ja̧danö, tja'dömine Jose iwe'iju, Egipto nijitjö tjichejebina iwe'ijuma, Siquen comunidadtjö tjo̧tjinobe. Ja̧ Josenö tjo̧tjinemima, damötjö̧ Jacob Siquen mikwo̧ abedo Jamor mikwo̧tjö midö eminemi. Jacobma cien balada ö̧pibiya imidinobe Jamornö, iteda itea niji baibanö emobö, ja̧danö ja̧ nijima Jose itji̧mu tupadanö jojodö tjitea niji baibinobe.

Josué 24:4

ja̧danö Isaacnö itji̧mu du̧ju̧tajanö 'yaebobö chiyijatö, Jacobnöbi, Esaunöbi. Ja̧danö, Esaunö chiyijatö, Seir mösa'o jȩmi niji ö̧jobö, jo̧babi itji̧mu tupadanö jojodöbi. Ja̧danö Esau jobe ö̧jonö, Jacobbi, itji̧mubi Egipto nijibe tji̧'yinobe, jobe tjö̧jobö.