Hechos 6:4 - Dios Iwene

⁴ Ja̧danö, ökwödöma kabatökönö Diosnö abeböda, Dios iwene yöbawöda duju̧kwakwedösa.

Hechos 6:4 ပူးပေါင်းရင်းမြစ်များ

Lucas 1:23

Jemi ikenama, Zacarías ina otidö ö̧jinobe, ajayinö otidobö tjujuninadanö. Ja̧danö, otidö kaatakwa̧ möle badekwachenama, ejube ȩwa̧jinobe.

Hechos 1:14

Jobadöma bakwainö omukwatö Diosnö abebö ju̧kwiabijadötö. Ja̧danö, ya̧döbi, Jesús ojo'do Maríabi, Jesús ö̧ja̧wo̧döbi jobadökwö Diosnö abebö ju̧kwiabijadötö ba̧kwȩlö̧jatebö.

Hechos 2:42

Ja̧danö, jobadöma kabatökönö Jesús webawedö yötjawobe a̧ja̧kwöbi, Dios jawa yöba̧lakwawöbi ba̧jijadötö. Kwakwawa kwanöbi bakobe ba̧jijadötö. Jesús ö'wöchina omukwatö pan kwanöbi kwijadötö, ubasobu owöbi owijadötö. Ja̧danö, Diosnö abeböbi abebijadötö, bakobe ju̧kwadöma.

Romanos 1:9

Jau chömöledö, ba̧kwȩlö̧jatebö ökwödönö omukwatö Diosnö atebobe. Isabenö abebo̧sa ökwödönöma, omöna yöta̧lökö. Diosda atebobe waiso̧, jo̧bada a̧ja̧kwobetjö̧. Jau chömöledö, ötjö chuluwo̧ma Diosda, jwaikwöda otiwa jawa wene, Dios itji̧ jawa wene yöbawö kwebacho̧sa jo̧ba wei̧danö. Jo̧ba chuluwo̧ Diosma ökwödönö atebobe a̧ja̧kwo̧.

1 Corintios 9:16

Yöbawö chö̧ji̧ omukwatö, Aaa, otiwanö yöbawö chö̧jobe jö̧ba̧lö yöta̧loböma jwia chömöledö. Baikwö yötawa: Yöbawö chö̧ji̧ma, Chuluwo̧ ötjönö weitjö̧, yöbawö chö̧jobe, ötjö chomukwati̧maökö. Ja̧danö, chuluwo̧ yöbawi jö̧ba̧lö weinobetjö̧, yötawökötjö̧ma jwiinö sulena ötjönöma chömöledö.

Filipenses 1:4

Jau chömöledö, ajayinö Jesúsnö kwösödinaduwelö baikwöma, ba̧kwȩlö̧jatebö otiwa jawa wene yötawobö otiwanö pjakatinaduwobe. Jo̧kwajabetjö̧, ba̧kwȩlö̧jatebö Diosnö atebenama, cho̧'wo̧ ösöwanö atebobe ökwödönö.

Colosenses 2:1

Yötawaduwakwö chömöledö, ökwödö Colose jojodöbi, Laodiceanö ju̧kwadö Jesúsnö ösödadöbi, ja̧danö ju'wedöbi ötjönö wajwiköbaduwobe edöma, jo̧kwaijayonö ina ökwödönö chedököjayonö, isabenö nöinö chotidobe, ökwödönö pjabatö.

Colosenses 4:12

Ja̧danö, ökwödö Colose jojodötjö jojo ja̧danö Cristo Jesús ömöayo̧ Epafras mikwo̧ma ökwödönö deawobedanö dokwa jö̧ba̧lö aebobe. Jo̧bama kabatökönö ökwödönö omukwatö nöinö Diosnö aebobe chömöledö, kwo̧'wo̧ luwo̧duwi da̧peachö kwö̧jaduwakobetjö̧, ja̧danö dötölatajanö omukwatökönö, jwaikwöda Dios ösödi̧ jawada ja̧bö kwö̧jaduwakobetjö̧.

Colosenses 4:17

Ja̧danö Arquipo mikwo̧nö baikwö yökawaduwo chömöledö, Dios jo̧banö otidobö weinama, tupakwö kaatenanö baibanö ja̧ otidö ö̧jobö yökawaduwonö.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.