Hechos 6:10 - Dios Iwene

¹⁰ Jejenö jwöjwötjakwawijayonö jobadöma atadakwawa jwiinö ji̧jadötö, Dios O̧'wo̧ Luwo̧ öba̧ja̧da̧lonö Esteban waisanö yöa̧lobetjö̧.

Hechos 6:10 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 32:18

Jau Job, ötjöbi nöinö yöta̧lakwa̧ chujuna̧la, ja̧danö cho̧'wo luwo̧ma ötjönö weobe, ökwönö yöta̧lobö.

Diosnö ösödo̧ Job mikwo̧ usula emawina jawa 32:8

Jejenö omukwatö 'wii̧nö chö̧bijatö chömöledö. Jo̧kwaijayonö isabenö jojodö waisanö omukwatadö batjibobö pjaati̧ma, lekwe o̧bia tjö̧ji̧maökö, Okobe Jwiinö Juluwo̧ Dios o̧'wo luwo̧ jojodökwö ö̧ji̧da, jojodö okwa jawa waisachibanö tjomukwatobö pjaati̧ma.

Éxodo 4:12

Jo̧kwaobetjö̧ Egiptobe kwi̧'yo. Ökwönö pjabatö chi̧'yakwo̧sa Moisés. Yöka̧lonö yöta̧lakwo̧sa, ökwönö pjabatö— jö̧ba̧lijetö Isabenö Jo̧ma Moisésnö.

Isaías 54:17

Ja̧danö, ötjö jobadönö otidinada ökwönö tjöbeba̧lo pjatatobetjö̧, okobe jwiinö ölakwabikwawa jawa tjotidi̧teniama, kwöba a'otjö suli̧ waekwakobe, ju'wi jawabi ökwönö suli̧ waedobö jwiakobe. Ja̧danö lȩekwa luwedö tjöba a'otjö, ju'wedö ökwönö wanedö yötja̧litjö̧ma, okobe deinö jobekwö wanedö yöba̧ladö yötja̧li̧ otiwanö i̧sȩbö kwatadakwujuja, —Omöna, lȩekwa yötjawobö jwia, —jö̧ba̧lö. Jobekwö pjabato̧sa ötjöda chömöayedönö Jerusalen, ja̧danö wene jwibadö tjö̧ji̧ i̧sȩkwama, ötjö tjuluwo̧ Isabenö Jo̧ Diostjö ichi̧, jö̧ba̧lö wanedö yöa̧lobe Diosma, Jerusalen comunidad jojodönö.

Lucas 1:17

Jo̧bama damötjö ji̧na Dios yöawi̧ yöbawo̧ Elías mikwo̧ juluwinö yöbawö ö̧jinadanö, Duluwo̧ abönö i̧'yakwo̧. Abönö 'ya̧nö, jo̧bama tjabe'dodö tji̧tji̧mukwö wene tjujuna̧li̧ pjaatakobe, tji̧tji̧munö yemidanö otiwanö omukwatö tjösödobö. Ja̧danö ju'wibi Dios wei̧ a̧ja̧kwöködönö pjaatakobe, Dios öba a'otjö otiwanö ja̧bö ju̧kwadö tjomukwati̧danö tjomukwatobö. Jejenö pjaatakobe kwitji̧ma, jojodö Duluwo̧ ichakwa̧ otiwanö te'ada̧ladö batjibakobetjö̧— jö̧ba̧lö yöawinobe ángelma, Zacaríasnöma.

Juan 7:46

jejenö abebö tja̧ja̧kwiawö̧: —Duluwedö, otiwanö yöawi̧tjö do̧datoböma jwiatö. La'akatjöda da̧ja̧kwinokobe jo̧ba yöawi̧danö yöawi̧ma— tjatadinobe jobadöma, Dios eju te'ada̧ladö guardia jojodöma.

Hechos 5:39

Jo̧kwaijayonö, Dios jawaitjö̧ma yelösöda 'dö̧ibajokobe. Dios jawaitjö̧ma ökwödöma dujuluwökena jobadönöma. ¿Tijidöda Dios jawa 'dö̧ibajobö juluwadöma? Deobe chömöledö. Jo̧kwaobetjö̧ yöta̧la, tjöbeba̧lö̧jönö deda̧laduwo—yöbawijetö Gamalielma judío jojodötjö la'aka luwedönöma.

Hechos 6:11

Jo̧kwaobetjö̧, jobadöma jojodö wajwitjonö ju'wedönö abeba̧lijadötö omöna yöbawö jwötjeba̧lobö Esteban yöawi̧ma. Yötjawobö abeba̧lijadötö, Bite Estebanma Moisésnöbi Diosnöbi sulabenö yöa̧lobe da̧ja̧kwijatö, jö̧ba̧lö.

Hechos 6:9

Ja̧ mölema, Esteban ö̧jena ju'wedö ju̧kwijadötö, judío jojodötjö ju'wedöma. Jobadöma, midö tjeminawö̧ tjö̧jibinö latjebinawö̧, ötjabinawö̧. Jobadöma jeleju, yötjawejunö tebachiabijadötö. Ja̧danö, jobadöma jelobetjö ichinadö, Cirenetjöbi, Alejandríatjöbi, Ciliciatjöbi, Asia nijitjöbi. Jobadöma Esteban Dios ujulu i̧sebiawö̧ öpöjödijadötö Estebannöma. Jo̧kwaobetjö̧ Esteban ö̧jobekwö 'ya̧jadö wene juna̧lijadötö Estebankwö, labinö jwöjwöbakwawö.

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

1 Corintios 2:4

Ja̧danö, ökwödönö chöba̧ja̧dena, ja̧danö ökwödönö yötawenama, böjȩ jojodö waisanö yötjawi̧danöma böjȩ jawa waisakwawa ji̧ jawa yötawijökötö. Wainö yötawijatö, öwaetjöda Dios O̧'wo̧ Luwo̧ ujulu i̧sebö yötawijatö.