Hechos 6:1 - Dios Iwene

¹ Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

Hechos 6:1 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 29:13

Jejenö otiwanö pjatatiawö̧, ö'wö batjibo jö̧ba̧ladöma otiwanö yötja̧linobe ötjönö, –Otiwanö pjabato̧ Jobma, –jö̧ba̧lö, ja̧danö otiwanö pjatatiawö̧, tjilekwamu wobekwinadö ya̧döma, tjo̧'wo ösöwachibanö lo̧tjinobe.

Diosnö ösödo̧ Job mikwo̧ usula emawina jawa 31:16

—Ju'wibi, jwibadö tjujuna̧lapji jö̧ba̧lö tjöteba̧linatjö̧bi, tjilekwamu wobekwinadönö pjabatökönö, –Dakwö dö̧jakwajö, –jö̧ba̧lö tjö̧jobö wetinatjö̧bi,

Isaías 1:17

Otiwa jawa ja̧bö ja̧kwawa kwöwaisachibaduwo, ja̧danö jweinö lȩekwa weköbaduwo. Ju'wedö sulabenö ja̧tja̧wö̧nö pjabatö, tjo̧'wo ösöwachibanö pjakataduwo. Löyödöbi, tjilekwamunö wobekwinadöbi lȩekwa luwedö tjöba a'o tjö̧jenama, tjöbeba̧löjönö pjakataduwo, jobadönö suli̧ tjöwaedapji jö̧ba̧lö, yöawobe Diosma.

Isaías 27:6

Chömöledö, yadakwö baledakwa̧ma baikwö wanedö yötawaduwakwö, israel jojodö otiwanö tjö̧ja̧kwa̧ma: Jacobnö wanekwachowi towima, bö'diya otiwanö yutinö ja̧kwowi, ja̧danö israel jojodönö wanekwachowi towima otiwanö bo̧akobe, ja̧danö öjiyama otiwanö pjoawakobe, ja̧danö waji̧ma otiwanö wa̧jakwowi, waji̧tjö bö̧jȩ su̧'be baibenanö baibanö.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Hechos 11:20

Jobadöma judío jojodönöda yötjawijayonö jobadötjö ju'wedöma, Chipre jojodöbi, Cirene jojodöbi Antioquíabe 'ya̧jadö jobetjöma judío jojodöböködönöbi yöbawiabijadötö, Duluwo̧ Jesús pjaatina wenema.

Hechos 11:26

'Ya̧jo̧ma, Saulonö badekwajö öbibö ȩwa̧jijetö Antioquíabe, Saulobi Dios iwene yöawobö jobetjöma. Jemi tupakwöma Bernabékwö Saulokwö Antioquíanö bakwöta o̧ba ja̧nö ba̧jekwadönö, Jesúsnö ösödadönö ba̧ja̧dijadötö Dios iwene. Ja̧danö, jobetjöma Jesúsnö ösödadönöma, ajayinö jamatö öbabijadötö, Cristo ömöayedö, jö̧ba̧lö.

Hechos 11:29

Ikenama Dios yöawi̧ yöbawo̧ Agaboma, jejenö yöawiawö̧: —Balada pjabatakwawö wedo— jö̧ba̧lijadötö Jesúsnö ösödadöma. Jejenö jö̧ba̧lajadö balada ko̧ko̧dijadötö, bakwo̧nökwena tjujuna̧li̧tjö Judea nijibe wetjobö.

Hechos 2:41

Ikenama Pedro yöawi̧ a̧ja̧kwö ba̧jekwadö ösödijadötö. Ja̧danö, ösödadöma ojwenö ubu̧datobö abebijadötö, Jesúsnö tjo̧'wo̧ tjöwana̧li̧ i̧sebö. Ja̧ mölema tres mil jenanö jojodöma Jesúsnö ösödijadötö.

Hechos 2:45

Ja̧danö, tju̧kwa nijitjöbi teatjöbi midö balada tjemaja̧ma iyiabijadötö usula jojodönöma.

Hechos 2:47

Kabatökönö, Diosma otiwanö jo̧, jö̧ba̧lö, ju̧kwiabijadötö. Ju'wedö jobe ju̧kwadöma tjo̧'wo̧ ösödinö edijadötö jobadönöma. Ju'wi möle jwiinö Duluwo̧ma ju'wedönöbi, ju'wedönö tjö̧jibinö pjaatawö̧ batjibanö pjabatijetö.

Hechos 4:4

Ja̧danö, jobadönö ka̧lena ba̧kwaweju okwa tjödobö tje'ewaja̧ okobema, ba̧jekwadö Pedro, Juan yötjawaja̧ a̧ja̧kwajadöma Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, jobadökwö Jesúsnö ösödadöma, ömadöma, cinco mil jenanö babibijadötö.

Hechos 5:14

Yayonö kabatökönö ju'wi möle ju'wedö, ju'wi möle ju'wedö, ba̧jekwadö, ömadöbi, ya̧döbi, Jesús ö̧jina yötjawi̧ a̧ja̧kwö ösödijadötö, Jesúsma dö̧jibinö pjabato̧, jö̧ba̧lö.

Hechos 5:28

—Ökwödöma ¿tajawedö yelösöda kwa̧ja̧kwaduwököda? Labinö lȩdebijatö ökwödönöma, Jesús ö̧jina jawa yökawaduwoko, jö̧ba̧lö. Jejenö lȩdebinajayonö ökwödöma okobe jwiinö Jerusalén nijinö yökawaduwobe. Ju'wibi yöka̧laduwobe, ökwödönö waneda̧lö, Jesús woinama ökwödöda wedinobe, jö̧ba̧lö— jö̧ba̧lijetö.

Hechos 6:2

Jejenö jö̧tja̧liawö̧ Jesús webawedöma a̧li̧nösamutjö du̧ju̧tajanö jojodöma jwöbijadötö okobe deinö Jesúsnö ösödadönö, tjichobö. Ichajadönö jö̧ba̧lijadötö: —A̧ja̧kwaduwitjö. Ökwödö Dios iwene döba̧ja̧di̧tjö kabatibö iyabikwawa diyaboböma otiwökö— jö̧ba̧lijadötö—.

Hechos 6:7

Ja̧danö, Jesúsnö ösödadöma kabatökönö yöbawiabijadötö Dios iwenema. Jerusalénnö ju̧kwadöma kabatökönö ju'wedö ju'wedöbi Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, Jesúsnö ösödadö baibanö, ba̧jekwadö babibijadötö. Ba̧jekwadö Diostjö jojodötjö ö'weje pjabatadöbi Jesúsnö ösödadö Dios iwene yötjawobe a̧ja̧kwö do̧batö emijadötö Jesúsnöma.

Hechos 9:29

Ja̧danö, Sauloma ju'wedökwöbi yöba̧lakwawijetö. Jobadöma judío jojodöjayonö griego tjiwene yöba̧ladö. Jobadöma Saulo, Jesús jawa yöawi̧ öpöjödö labinö yöba̧lijadötö. Öpöjödö jwiinö labijadötö, Saulonö kwabö lotjobö omukwatö.

Hechos 9:39

Jejenö wetjajawö̧ 'ya̧nö Pedronö yötjawiökwe juluwanö 'yi̧jetö Jopebe. Ichibajo̧nö ö'wö babibajaju jömöledöma öbibö nöchijadötö mösȩko̧nö, tjödajȩko̧nö. Ja̧danö, jȩko̧nö tji̧lȩkwa̧munö wobekwinadö budekwabinö ji̧jadötö. Jobadöma Pedronö edö 'ya̧wibö i̧sebijadötö Dorcas iyö pjabatiajinado̧ jobadönöma, ina 'yajayi 'dö̧jinado̧.

Hechos 9:41

Ikenama Pedroma jömamunö do̧batö a̧lapedijetö jobujunöma. Ikenama jwöbijetö tji̧lȩkwa̧munö wobekwinadönö, ja̧danö, okobe deinö Jesúsnö ösödadönöbi yemidanö tetjachobö. Tetjachajadönö i̧sebijetö 'yabibajunö.

Romanos 12:7

Ju'wedönö pjaato jö̧ba̧lö iyinatjö̧ma, ju'wedönö pjaatobö jo̧be. Ju'wedönö öba̧ja̧do jö̧ba̧lö iyinatjö̧ma, ju'wedönö öba̧ja̧dobö jo̧be,

1 Corintios 10:10

Ja̧danö, Diosnö öpöjödö yöda̧lakwawoko chömöledö, Diosma sulabenö iyo̧ jö̧ba̧lö. Jobadö ajayinö ji̧nadö jejenö sulabenö öpöjödö yötja̧liökwe, Diosma ángelso̧ kwabawo̧nö weinobe, jobadönö kwabö loo jö̧ba̧lö.

2 Corintios 11:22

Baikwö yöta̧la: Jobadöma Hebreo jojodödobetjö̧ otiwadösa jö̧ba̧lö yötja̧lobe, jo̧kwaijayonö jobadödamaökö, ötjöbi bakwainö Hebreo jojosa. Ja̧danö jobadöma Israel jojodödobetjö̧ otiwadösa jö̧ba̧lö yötja̧lobe, jo̧kwaijayonö jobadödamaökö, ötjöbi bakwainö Israel jojosa. Jobadöma Abraham i̧tji̧mu tupadanö jojodödobetjö̧ otiwadösa jö̧ba̧lö yötja̧lobe, jo̧kwaijayonö jobadödamaökö, ötjöbi bakwainö Abraham itji̧ tupadanö jojosa.

Deuteronomio 26:12

Tupakwö yöawinobe Moisesma, israel jojodönö: —Chömöledö, o̧ba wapöbakwa o̧bama, okobe jwiinö kwöbatjoduwi wa̧ji̧tjö 'da̧batö kwujunaduwobö ja̧kobe, kwiteboduwi comunidadnö ju̧kwadö Levisaso jojodöbi, jelobetjö ichadöbi, löyödöbi, tjilekwamu wobekwinadöbi tjukobö. Ja̧ o̧ba, okobe jwiinö kwöbatjoduwi wa̧ji̧ jawa domulataja jawatjö, bakwöta jawa 'da̧batö kwujunaduwobö ja̧kobe, jobadö tju̧kwa baibanö, jobadöbi kwiteboduwi comunidadtenianö ja̧nö, tjomeawinö tjukwakobetjö̧. Ja̧danö, ja̧ jawa 'da̧batö junajadö, okobe jwiinö kwiyaduwaja̧ ikenama,

Filipenses 3:5

Isabenö Dios omudawö ujuninawö̧ Israel jojodötjö jo̧sa chömöledö, ja̧danö Israel jojodötjö Benjamínsasotjö jo̧sa chömöledö. Ja̧danö, Moisés iwȩyudina laebi̧danö chojo'do jemaja̧ ikena jelemutjö wa̧pötakwa möle baledibajenama, chötade bajalesado̧ 'witekwijatö. Jau chömöledö, isabenö Dios omudawinawö̧tjö jo̧sa. Isabenö bakwainö Israel jojosa chömöledö, okobe deinö ötjötjö ajayinö ji̧nadöma, Hebreo jojodötjötjinobe. Ja̧danö, Dios weina Moisés iwȩyudina jawa otiwanö ja̧binasa chömöledö. Jau chömöledö, fariseo jojodöma ju'wedö Israel jojodötjö bajalekwönönö Moisés iwȩyudina ja̧badö, ¿jö̧tö? Ja̧danö, ötjöma fariseo jojodötjö ji̧nasa.

1 Timoteo 5:3

Ya̧dö tji̧lȩkwa̧mu wobekwinadönöma otiwanö omukwatö te'ada̧lö kwö̧jo, isabenö tjömöledö debadönöma.

1 Timoteo 5:9

Ja̧danö, ya̧dö tji̧lȩkwa̧munö wobekwinadönö te'ada̧lakwawa jawa yötawa, Jesúsnö ösödadö jobadönö tjite'ada̧li̧ma. Wobekwinadötjö bidönöda wȩyukwöjanö kwödodönö, Jesúsnö ösödadö tjite'ada̧lobö: Sule sesenta o̧biya, ja̧danö jemi tupakwö juna̧ladönöda. Ja̧danö, tji̧lȩkwa̧mukwöda bi̧nadö wobekwinadönöda,

Hebreos 13:1

Chömöledö yötawaduwakwö. Babe kwö̧ja̧wo̧döduwinö ösödabikwawö kwö̧jaduwi̧danö jemi tupakwöbi jwaikwöda ösödabikwawö kwi̧'yaduwo.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.

Santiago 4:5

Ja̧danö chö̧ja̧wo̧dö, omukwataduwi Dios iteda iwenetjö yöawi̧ma, biya̧: Dios O̧'wo̧ Luwo̧, do̧'wo̧ luwo̧nö tebachibö ö̧jobö weinökwema, ö'wiabinö a̧'dȩlobe ökwödönöma. Jo̧bama böjȩ jawa dösödi̧ junibö Diosnö ösödö dö̧jobö ösödo̧ chö̧ja̧wo̧dö. Jejenö laebobe Dios iwenetjö. Ja̧danö, ja̧ Dios iwenetjö yöawi̧ma ¿omöna yöawobeji̧? Omöna yöawokobe. Chö̧ja̧wo̧dö, Dios O̧'wo̧ Luwo̧ma böjȩ jawa dösödi̧ junibö Diosnöda ösödö dö̧jobö ösödo̧.

Santiago 5:9

Ja̧danö, ju'wedönö yöka̧laduwoko, Sulabenö ja̧tjajabe, jö̧ba̧lö. Ökwödöma lȩbebö yökawaduwobö ¿jo̧beji̧? Jwiobe chö̧ja̧wo̧dö. Bakwo̧da, Duluwo̧ Jesucristoda lȩbebö yöbawo̧. Ju'wedönö lȩbebö yökawaduwoko, Jesucristoma ökwödönö, Sulabenö yökawaduwobe, jö̧ba̧lö, lȩbebö yöawapji jö̧ba̧lö. Ja̧danö, a̧ja̧kwaduwi chö̧ja̧wo̧dö. Inesö lȩebakwo̧ Jesucristo ichakwa̧ma lekwokobe. Kwömöledöso̧ ödötjö ichajo̧, ida̧ökö kweju apjudenö jo̧danö öwanekwachobe Jesucristoma. Ichakwa̧ma lekwokobe.