Hechos 5:21 - Dios Iwene

²¹ Jejenö jö̧a̧liawö̧ Jesús webawedöma juluwanö 'yi̧jadötö Dios ejube. Dewachena ichibijadötö. Jeju tebachajadö ba̧ja̧dijadötö Dios jawa otiwa jawa wene. Ja̧danö, jobadöma Dios eju okwa ba̧nö tjöba̧ja̧donö Diostjö jojodötjö ö'weje la'aka pjabato̧ma ömöayedökwö yöba̧lakwawö ko̧ko̧kwijadötö. Jobadöma israel jojodötjö damönöbi, ju'wedö okobe deinö judío jojodötjö la'aka luwedönöbi jwöbijadötö tjichobö. Ida̧ökö okobe deinö ichö tjoko̧ko̧kwajena guardia jojodönö webijadötö Jesús webawedönö ka̧lena ba̧kwaweju okwatjö jobadö tjö̧bajobekwö tjichejebobö.

Hechos 5:21 ပူးပေါင်းရင်းမြစ်များ

Mateo 5:22

Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.

Lucas 22:66

Ja̧danö, dewachenama, judío jojodötjö lȩekwa luwedöma tjoko̧ko̧kwachinobe, ö'weje pjabatadötjö la'aka luwedöbi, Moisés iwȩyudina ba̧ja̧dadöbi. Ja̧danö, Jesúsnö te'ada̧ladöma Jesúsnö öbibö, jobadö lȩekwa luwedö tjöba a'o tjujuninobe.

Juan 18:35

—¿Dakwö chomukwatobö ökwönöma? Ökwönö wajwita. Judío jojobö̧kö̧sa ötjöma. Ökwö kwömöledöda, ökwödö la'aka luwedöda, Diostjö jojodötjö ö'weje la'aka pjabatadöda ökwönö iyö lotjajabe ötjönöma. ¿Taji ja̧köbinada?—abebö a̧ja̧kwiökwe:

Juan 8:2

Ju'wi dewachö, jobetjö jwibachö, yȩayi, Dios ejube yemidanö yöbawö i̧'yinobe. Jojodöma ba̧jekwadö a̧ja̧kwö tjichinobe. Ja̧danö, Jesúsma ba̧nö ichajadönö yöawinobe.

Hechos 22:15

Ökwöma okobe deinö jojodönö yökawakobe ökwö kwedinabi, kwa̧ja̧kwinabi, jö̧ba̧lö, yöawijatö Ananíasma ötjönöma.

Hechos 22:5

Ökwödötjö la'aka luwedöma, jojodötjö Diostjö ö'weje la'aka pjabato̧bi, okobe deinö weawa yöawakwawa jojodöbi ötjö sulabenö ja̧tinama tjöwaisobe, tjedinobetjö̧. Ja̧danö, jobadöma ötjönö tjiyijatö kwialusöja, Damasconö ju̧kwadö Jesúsnö ösödadönö do̧batö nu'yajo̧ Jerusalénbe öbibö chȩwa̧jobö wȩyukwöjama, inia tjötjinö ja̧tjakwawö̧nö— yöbawijetö—.

Hechos 5:17

Ja̧danö, jejenö balediawö̧ Diostjö jojodötjö ö'weje la'aka pjabato̧ma, saduceo jojodökwö tjo̧'wo̧ sulinö edijadötö Jesús webawedönöma.

Hechos 5:27

Ja̧danö, do̧batajadö öbibö 'yi̧jadötö judío jojodötjö la'aka luwedö ba̧nö yötja̧lakwawȩko̧nö, jobadö tjöba a'o tjöjamatobö. Tjöjamatawö̧nö Diostjö jojodötjö ö'weje la'aka pjabato̧ma abebö a̧ja̧kwijetö:

Hechos 5:34

Jo̧kwaijayonö, jobadötjö bakwo̧, fariseo jojo, Gamaliel mikwo̧, jejenöma omukwatijökötö. Jo̧bama Moisés iwȩyudina ba̧ja̧dö ji̧abina. Ba̧jekwadö, Gamalielma otiwanö omukwato̧, jö̧ba̧lö jö̧tja̧linökwe. Gamalielma jamatö webijetö Jesús webawedönö a̧petukwöchobe labekwibö tjuju̧kwobö, ja'yubeda lekwe.

Hechos 5:41

Ikenama Jesús webawedöma la'aka luwedö tjöba̧ja̧dobetjö labebijadötö. Ja̧danö, jobadöma tjo̧'wo̧ yelösöda ösöwanö jweinö omukwatijadötö, Ökwödöma Jesúsnö yödawobetjö̧ inia tjödajabe, jö̧ba̧lö.