Hechos 3:17 - Dios Iwene

¹⁷ Ina yöbawijetö: —Ja̧danö chömöledö, chöwaisa. Ökwödöbi kwuluwo̧duwibi Jesúsnö wajwibö sulabenö weköbaduwijatö Jesúsnö bȩtjobö.

Hechos 3:17 ပူးပေါင်းရင်းမြစ်များ

Génesis 21:26

Jejenö yöa̧lökwe: —Wajwita tidöda jejenö sulabenö 'döbebinadöma. Ötjöma ja̧ baledinama babeda cha̧ja̧kwa. Ja̧ baledenama yökawinokobe— atadijetö Abimelecma.

Génesis 39:8

Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

Génesis 44:15

Ja̧danö, Josȩma jö̧ba̧lijetö jobadönö: — ¿Tajawedö kwönaukwajaduwada ötjö chu̧kwa dȩja̧'do̧ma? ¿Wajwiköbaduwi̧ji̧? Ötjöma la'aka luwo̧sa, ja̧danö baledakwa̧ waiso̧sa— jö̧ba̧lijetö.

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

Lucas 23:13

Ja̧danö, Jesús yemidanö Pilato öba a'o ö̧jobö tjichejebiökwe, Pilatoma jwöbö oko̧ko̧dinobe ö'weje pjabatadö la'aka tjuluwedönöbi, jojodö tjuluwedönöbi, ju'wedö jojodönöbi,

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Juan 15:21

Jau, ökwödöma ötjö chömöledököbaduwobetjö̧ ötjönö öpöjödadöma inia tjököbaduwinö ja̧tjakwedö ökwödönöma. Ja̧danö, jobadöma, ötjönö webinanö wajwitjobetjö̧ inia tjököbaduwinö ja̧tjakwedö— Jesúsma yöawinobe öba̧ja̧di̧ waisachadönöma.

Juan 16:3

Jobadöma Dabe'do Diosnöbi, ötjönöbi wajwitjobetjö̧ jejenö inia tjököbaduwinö ja̧tjakobe.

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

Hechos 13:27

Ajayinö, Jerusalénnö ju̧kwadöma, jo̧kwadabedöbi, tjuluwedöbi Dios weinökwenöma wajwibijadötö. Jobadöma ba̧kwȩlö̧jatebö, judío jojodö tjotidökö mölekwena Dios yöawi̧ yöbawinadö tjiwȩyudina tja̧ja̧kwijayonö waisachibijöködötö. Dios yöawi̧ yöbawinadö tjiwȩyudinökwema, Jesúsda, jö̧ba̧löma, yelösöda waisachibijöködötö, Biteda, jö̧ba̧lö. Jo̧kwaobetjö̧ Jesúsnö öpöjödö abebijadötö romano jojodö tjuluwo̧nö, Jesúsnö kwabö lotjobö weobö. Ja̧danö, jobadöma Dios yöawi̧ yöbawinadö tjiwȩyudinadanö abebijadötö, Jesúsnö kwabö lotjobö abeböma. Ja̧danö chömöledö, Jesúsnö kwabö lotjobö atjebenama Dios yöawi̧ yöbawinadö tjiwȩyudinama badekwachijetö.

Hechos 22:5

Ökwödötjö la'aka luwedöma, jojodötjö Diostjö ö'weje la'aka pjabato̧bi, okobe deinö weawa yöawakwawa jojodöbi ötjö sulabenö ja̧tinama tjöwaisobe, tjedinobetjö̧. Ja̧danö, jobadöma ötjönö tjiyijatö kwialusöja, Damasconö ju̧kwadö Jesúsnö ösödadönö do̧batö nu'yajo̧ Jerusalénbe öbibö chȩwa̧jobö wȩyukwöjama, inia tjötjinö ja̧tjakwawö̧nö— yöbawijetö—.

Hechos 26:9

Ina jö̧ba̧lijetö Pabloma Agripanö: —Chuluwo̧, ötjöbi belö chomajadenö omukwatiachijatö, Aaa, Jesús, Nazaretnö da̧peachinanö ösödadönö inia tjötjinö ja̧tobö jobe, jö̧ba̧lö, omukwatiachijatö.

Hechos 28:21

Jejenö yöawiawö̧ jobadö Romanö ju̧kwadö judío jojodötjö la'aka luwedöma atadijadötö: —Ökwödöma yelösöda da̧ja̧kwijökötö ökwönö sulabenö jwötjeba̧li̧ma. Judeanö ju̧kwadö judío jojodöma kwialusöjanö wetjijökötö. Jobe 'yi̧nadöbi baikwö ȩwa̧jö yötjawijökötö ökwönö sulabenö ja̧köbina jwötjeba̧linama.

Hechos 7:40

Jobadöma Aarónnö jö̧ba̧lijadötö, Otidi do̧'wo̧ döwana̧lakwawö̧nö jobadö tjö̧kömanö di̧'yo, jö̧ba̧lö. Ja̧danö jö̧ba̧lijadötö, Ökwödönö Egipto nijitjö ladebinö pjaatina, Moisésma, jo̧banö baledaja̧ma wajwida, jö̧ba̧lö.

Romanos 11:2

Diosma iteda ömöledönöma kaatibinokobe, damötjö 'da̧batö ujuninawö̧nöma. ¿Ina Elías ö̧jina wene kwomukwataduwiji̧, Elías Diosnö yöawina wenema? Baikwö laebobe Dios iwene, Elías Diosnö yöawinama:

1 Corintios 2:8

Chömöledö, okobe deinö böjȩ luwedöma ja̧ Dios omukwati̧ma la'akatjöda wajwitjinobe. Isabenö yötawa, tjöwaisinatjö̧ma towisa'onö bȩtjoko jö̧tja̧linobe salöinö juluwo̧ Duluwo̧nö.

2 Corintios 3:14

Jobadö Israel jojodönö kwöwaisaduwa chömöledö, Moisésma otiwanö Dios wei̧ jobadönö yöawijayonö, jwaikwöda sulabenö tjomukwatinobe, ¿jö̧tö? Jau chömöledö, baikwö wanedö yötawa: Moisés umuchekwinado̧ma jobadönö tjöekwado̧danö baibinobe ichejekwa, Moisés iwȩyudina tjedenama jweinö tjomukwatinokobetjö̧. Jau chömöledö, babebi ja̧ muchekwado̧ma Israel jojodö tjomukwati̧ tjöekwado̧danö ichejekwa, jweinö tjomukwatökönö, ja̧danö sule bakwo̧ Cristonö ösödenada, ja̧ tjöekwado̧ kalekwö loobedanö jo̧be.

Efesios 4:18

Jobadöma yȩa'wo okwada ja̧dö, tjo̧'wo̧ luwo̧nöma, tjo̧'wo̧ luwo̧ jawa wajwitjobetjö̧. Ja̧danö, tjomajade 'ditjobetjö̧ Dios jawa tjöwaisachiboböma jwibadö. Jo̧kwaobetjö̧ Dios ba̧kwȩlö̧jatebö ja̧kwawa iyi̧ma jwibadö, wajwitjobetjö̧.

Filipenses 1:22

Ina böjȩnö chö̧jitjö̧ma, ina yadakwö otiwanö chotidakobe chömöledö, jo̧kwaijayonö ja̧kwawatjöbi, woawatjöbi diya̧tjö chomudawakwajö jö̧ba̧löma wajwita chömöledö, dötölataja jawa chomukwatobetjö̧.

1 Timoteo 1:13

Damötjö Cristonö chösödakwa̧ abönö, sulabenö yöba̧liachijatö Cristonöma, sulabo̧ jö̧ba̧lö. Ja̧danö, jo̧banö öpöjödö sulabenö ja̧biachijatö jo̧banöma. Jo̧kwaijayonö, jejenö ja̧tinajayonö, ötjönö ösödö 'da̧batö ujuninobe, Cristo wei̧ chotidobö. Jau, wajwibö chöpöjödijatö Cristonöma, Cristoma Dios weökökwe, jö̧ba̧lö. Ja̧danö, wajwibö chöpöjödiökwe, Diosma lȩlö̧jinö edinobe ötjönöma.