Hechos 28:6 - Dios Iwene

⁶ Jobe ju̧kwadöma omukwatö tjitje'ada̧lijatö, Ömamusako ye'yeachena. Omönanö mebö ö'wö baibena, jö̧ba̧lö. Jo̧kwaijayonö lekwe tjite'ada̧lobetjö̧ ina, tjomukwati̧ma baledijökötö. Jo̧banö suli̧ baledijököwö̧ ju'wi omukwatö jö̧tja̧lijatö, Isabenö bitema jojobö̧kö̧, ökwödö do̧'wo̧ döwana̧lökwenönö luwo̧, jö̧ba̧lö.

Hechos 28:6 ပူးပေါင်းရင်းမြစ်များ

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Mateo 27:22

Tjatadökwe: —¿Jo̧kwajabetjö̧ dakwö ja̧takwa̧da bite Jesucristo ötjabökwenö?— jö̧ba̧lö Pilato abebö a̧ja̧kwinobe. Aebawö̧, okobe deinö tjatadinobe: —Towisa'onö bȩbö kwabö loköbonö— jö̧ba̧lö.

Hechos 12:22

Jobadöma, Herodes yöawonö kabatökönö jwöbeba̧lakwawijadötö, Bitema Diosdanö yöba̧lo̧. Jojobökena, ida̧ökö Diosdanö babibajo̧, jö̧ba̧lö.

Hechos 28:7

Ja'o ö'wejesa'onö dichibajena pjeanö la'aka luwo̧, Publio mikwo̧ itebo ji̧nobe. Jo̧bama ösödö pjabatö öibijatö eju okwa tebachö. Tebachajadönö otiwanö ösödinö pjaatijatö ökwödönöma. Jejunö dabijatö wa̧pötakwa yö̧te.

Hechos 8:10

Okobe deinö, jo̧kwada̧lobedöbi, la'aka luwedöbi jo̧ba meawa boobe eda̧lö, Juluwo̧, Dios ujulunö ja̧bo̧, jö̧ba̧lö, tjöbeba̧lö̧jönö a̧ja̧kwijadötö jo̧ba yöawi̧ma.