Hechos 28:2 - Dios Iwene

² Jobadöma otiwanö pjatjatijatö ökwödönöma. Ojwiyo o̧ba̧lö tiyuwobetjö̧ ökwöla tjujuwijatö 'yödakwobö.

Hechos 28:2 ပူးပေါင်းရင်းမြစ်များ

Mateo 10:42

Ja̧danö, isabenö ökwödönö pjabatadönö pjaatakwo̧ Chabe'doma chömöledö. Baikwö yötawa: Jelo̧ ötjö chöba̧ja̧di̧ waisacho̧nö pjabatö ojwiyo tiyuwobu iyitjö̧ma, chöba̧ja̧di̧ waisachadötjö nijakwönönö mikwawö̧kö̧nöda pjabatö iyitjö̧böbi, otiwanö iyaja̧ mikwa baibanö Diosma isabenö balekwa mikwa iyakwo̧— jö̧ba̧lö yöawinobe Jesúsma.

Juan 18:18

Ja̧danö, jobe tjöekwemi a̧petubetjö Caifás ömöayedöbi, guardia jojodöbi tiyuwawö̧ ökwöla tjujuwinobe. Jola ökwöla ubena 'yöbakwö ba̧nö tjite'ada̧linobe. Pedrobi jobadökwö ba̧nö 'yöakwinobe.

Hechos 27:3

'Ya̧jadöma ju'wi dewachö Sidón comunidadnö ichö dölamatijatö. Jobe lamatajadö, Julioma Pablonö lȩlö̧jino edö weijatö, Kwömöledönö edö yemidanö kwichibo 'ya̧wi, jö̧ba̧lö, Pablo ömöledöma jo̧banö pjatjatobö.

Hechos 28:3

Ja̧danö, Pabloma imiko emibö ökwölanö ödebemi omönanö a̧ko'dama, nibo̧ a̧ko'dama jwiinö tubiökwe imikotjö labeibö Pablo ömamusakonö udaibö yö̧ijatö Pablonöma.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.

Romanos 1:14

Isabenö yötawaduwakwö, okobe deinö böjȩnö ju̧kwadöma Dios iwene tja̧ja̧kwobö jo̧be chömöledö. Ja̧danö, griego jojodönöbi, griego jojodöböködönöbi, waisadö ötjabiwö̧nöbi, wajwibadö ötjabiwö̧nöbi chumusidobe ichejekwökwesa chömöledö. Ja̧ chumusidobe ichejekwi̧ma, ina Dios iwene tja̧ja̧kwokobetjö̧, chumusidobe ichejekwa, jobadönöbi Dios iwene yötawo jö̧ba̧lö.

Romanos 14:1

Chömöledö, ju'wedö Jesúsnö ösödadöma, Jesúsnö tjösödijayonö, ina me'dawadö tjo̧'wo̧ luwo̧nöma ichejekwa chömöledö. Jejenö tjo̧'wo̧ luwo̧nö me'dawadönö kwöpöjödaduwoko chömöledö, ina kwösödaduwo jobadönö kwömöledöduwinö. Ja̧danö, jobadökwö jwöjwököbakwawaduwa chömöledö, tjomukwati̧ jawama.

Romanos 14:3

Chömöledö, okobe jwiinö kwadöma, kwöködönö tjomukwatoko, Bidöma wajwibadö, mikwawöködö, jö̧ba̧lö. Ja̧danö kwöködöma, kwadönö tjomukwatoko, Bidöma sulabedö, Dios öpöjödinö kwadö, jö̧ba̧lö. Jau chömöledö, Diosma ida̧ökö ökwödö Jesúsnö ösödadönö bakwo̧nökwena ida̧ökö yöawinobe, Bitema chösödökwe, bisuma chösödoko, jö̧ba̧lö. Jo̧kwajabetjö̧ ökwödö bidöma sulabedö, mikwawöködö kwomukwataduwoböma jwia yelösöda chömöledö, Diosda jobadönö ösödobetjö̧.

Romanos 2:27

Chömöledö, ökwödö judío jojodöma 'wibekwöködönöma, Sulabedö jö̧ka̧laduwobe, ¿jö̧tö? Jo̧kwaijayonö, jobadö 'wibekwöködö ötjabiwö̧ma, Dios wei̧ ja̧tjitjö̧ma, Diosma jobadönö ösödena, ¿jö̧tö? Ja̧danö, jobadöda Dios wei̧ ja̧tjitjö̧ma, ökwödö Dios wei̧ ja̧böködönö i̧sebö yötjawena, Judío jojodöma sulabedö, Dios wei̧ ja̧böködö, jö̧ba̧lö. Jau chömöledö, ökwödö judío jojodöma Dios wei̧ wȩyukwa'ye juna̧ladöja, ja̧danö 'wibekwadöja ökwödöma. Jo̧kwaijayonö, 'wibekwadö kwö̧jaduwijayonö, ja̧danö Dios wei̧ kwöwaisaduwijayonö, Dios wei̧ma ja̧böködöja.

1 Corintios 14:11

Jo̧kwaijayonö bakwo̧ yöa̧li̧ cha̧ja̧kwökötjö̧ma, yöba̧lo̧ma jelobetjö ichajo̧danö ichejekwena ötjönöma. Ja̧danö jo̧ba yöa̧li̧ cha̧ja̧kwokobetjö̧, ötjöma jelobetjö ichajo̧danö chichejekwena yöba̧lo̧nöma.

2 Corintios 11:27

Ja̧danö, nöinö usula emawö otidiachijatö, ja̧danö nöinö yö̧te abökönö ji̧achijatö, ja̧danö a̧wi̧chi̧tjöbi ojwiyotjöbi, o̧ti̧ tjöbö ji̧achijatö, ja̧danö nöinö kwakwawabi jwibö ji̧achijatö, ja̧danö chejubi jwibö, kamijido̧ otiwado̧bi jwibö, tiyuwobe ji̧achijatö chömöledö.

Colosenses 3:11

Ja̧danö, babema 'yabayedö dö̧jobetjö̧, judío jojodöbi, judío jojodöböködöbi bakwayedöda dö̧jobe babema. Ja̧danö tjötade bajalesado̧ 'wibekwadöbi, 'wibekwöködöbi bakwayedöda dö̧jobe babema. Ja̧danö jelobetjö ichajadö ötjabiwö̧bi, labidö Escita jojodö ötjabiwö̧bi, tjömöayedö batjibanö midö tjeminawö̧bi, tjömöayedöböködöbi bakwayedöda dö̧jobe babema. Jau chömöledö, Cristoda inesö mikwawo̧ma, ja̧danö Cristo O̧'wo̧ Luwo̧ okobe deinö ökwödö jo̧banö ösödadö do̧'wo̧ luwo̧nö ö̧jobetjö̧, okobe deinö bakwayedöbedösa.

Hebreos 13:2

Ja̧danö, jelobetjö ichadönöma otiwanö te'ada̧lö tekataduwo, tjukwa iyö, tjabemibi webö. Ja̧danö damötjö ji̧nadötjö ju'wedöma, Jojodönöda pjabatö tedata, jö̧ba̧lö, tjomukwatijayonö ángelesdönöda tjetjatinobe. Jo̧kwaobetjö̧ chömöledö, Bidö jelobetjö ichadönö pjadatawö̧ma ángelesdöena, jö̧ba̧lö, otiwanö pjabatö kwite'ada̧laduwo.