Hechos 27:7 - Dios Iwene

⁷ Jowinö a̧jö di̧'yemi ja'yubeda lekwe möle, tjo̧'omanö di̧'yijatö nöinö jwa̧lȩ'ewobetjö̧. Ja̧danö, tjo̧'omanö 'ya̧nö bajaliyanö Gnido comunidad badeibö tjolanö dichibijatö. Jobe la̧nö, ja̧wo̧ meajobekwö di̧'yo jö̧da̧lijayonö jwa̧lȩ'epjo ina dichobekwö labinö jwa̧lȩ'ewobetjö̧ waekwijatö. Jo̧kwaobetjö̧ di̧'yobema ju'wi omukwatö u'dakwö di̧'yijatö, Creta mikwa'o lo̧bekwö. Ja'o ö'öbönö di̧'yo jö̧da̧lijatö, jwa̧lȩ'epjo jwiena. Jo̧kwaobetjö̧, ja'o ö'öbönö di̧'yijatö, Salmón comunidad baledö.

Hechos 27:7 ပူးပေါင်းရင်းမြစ်များ

Hechos 2:11

Ökwödötjö ju'wedöma Creta nijitjö, ju'wedö Arabia nijitjö ichinadö. Jejenö, ökwödöma böjȩtjö okobe jwiinö ichinadöma ökwödö diwenekwena da̧ja̧kwa. Jobadö, Dios ujulunö yötjawobe da̧ja̧kwa diwenekwena —jö̧bekwa̧lijadötö.

Hechos 27:21

Ja̧danö lekwe möle ökwödöma a̧wi̧chinö ju̧kwijadötö. Ikenama Pablo jamatö yöawijatö: —Ötjö ajayi yötawi̧, Cretanö lamatö dite'ada̧laduwo, yötawi̧ kwa̧ja̧kwinaduwatjö̧ma otiwena. Jejenö kwa̧ja̧kwinaduwokobetjö̧ biya̧ suli̧ baleda. Teabi, nöinö mikwawi̧ jawa, tjo̧wi̧, ojwe okwa lotjajabe, ötjö yötawi̧ kwa̧ja̧kwaduwinokobetjö̧.

Hechos 27:4

Ikenama, Pablo ömöledö edö tjebachajö ichibena jobetjö labebajadö di̧'yemi jwa̧lȩ'epjo labinö ichobetjö̧ jweinöma di̧'yijökötö. Ö'wejesa'o, Chipre mikwa'o ö'öbönöda di̧'yijatö, jwa̧lȩ'epjo jwienada.

Tito 1:12

Jau Tito, Creta niji jojodötjö bakwo̧ waiso̧ ötjabökwema iteda ömöledönö iwȩyudinobe: Creta niji jojodöma ba̧kwȩlö̧jatebö omöna yöba̧ladö, 'dö̧wekwadö, ja̧danö labidö tebo luwadanö ichejekwadö, idöda tjemotö jö̧ba̧lö isakwö, jö̧ba̧lö iwȩyudinobe.

Tito 1:5

Tito, ina Creta nijinö dö̧jayi, jenada kwö̧jibobö wetijatö, ina kadatinökö jawa kakatobö, ja̧danö Jesúsnö ösödadötjö te'ada̧lakwawa luwedönö kwujunobö, comunidadkwena te'ada̧lakwawa luwedönöma. Ja̧danö, te'ada̧lakwawa luwedönö kwujunenama, ökwönö yötawina kwomukwato, baikwö yötawina: