Hechos 27:42 - Dios Iwene

⁴² Jejenö balediawö̧ guardia jojodöma, Bidö ka̧lena ba̧kwawejunö ba̧jinadönö kwabö lodo, dötjibajapji, jö̧ba̧lö, tjomukwatijatö.

Hechos 27:42 ပူးပေါင်းရင်းမြစ်များ

Proverbios 12:10

Ju'wibi yötawa: Dios wei̧ a̧ja̧kwö jo̧ma lȩ lö̧jinö edö otiwanö ite'ada̧lobe a̧jwi̧mu̧nöma. Jobekwö ite'ada̧lokobe sulabenö omukwato̧ma. Sulabenö omukwato̧ma a̧jwi̧mu̧nöma lȩ lö̧jökönö edo̧, te'ada̧lökönö.

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.

Hechos 27:24

baikwö yöawatö: Pablo, yekabi. Ina debö kwebachö̧kö̧ja. Isabenö ökwöma Roma la'aka luwo̧ César öba a'otjö kwö̧jakobe. Ja̧danö, Diosma ökwönö lȩlö̧jino edö, ökwönöbi ökwökwö kwebachadönöbi pjaatakobe, kwö̧jibaduwinö ja̧bö. Jejenö yöawatö Dios weajökwe ángelma.

Hechos 27:41

Jo̧kwaijayonö jobe di̧'yobema le'dakwobetjö̧, isowi apo bajaletjö omönanö lödekwajijatö so̧bi̧ya̧pu̧nö, 'yö̧könö. Lödekwajabetjö jobe 'yö̧könö la̧nö balawa jwiinö lobö isowi oto'oma ömönanö 'daijatö.

2 Corintios 11:26

Ja̧danö nöinö kwebachö, ojwetjö labi̧ jawa balediachijatö, ja̧danö naukwabidötjö labi̧ jawa balediachijatö, ja̧danö ötjöda chömöledö judío jojodötjö labi̧ jawa balediachijatö, ja̧danö judío jojodöböködötjö labi̧ jawa balediachijatö, comunidadnö ja̧nö, labi̧ jawa balediachijatö, ja̧danö jojodö deobetjö labi̧ jawa balediachijatö, ojwe nöödönö kwebachö, labi̧ jawa balediachijatö, ja̧danö Aaa, ökwödöbi Jesúsnö ösödadösa jö̧ba̧lö omöna yöba̧ladötjöbi labi̧ jawa balediachijatö chömöledö.