Hechos 27:34 - Dios Iwene

³⁴ Yötawaduwakwö, kwaduwi kwujuluwachibaduwo. Ökwödötjö bakwo̧bi debö i̧'yakwo̧ma deobe. Inia tjöinö baledakwo̧bi deobe— jö̧a̧lijatö Pabloma jobadönö.

Hechos 27:34 ပူးပေါင်းရင်းမြစ်များ

1 Reyes 1:52

Jejenö yötja̧liökwe, Salomonma atadinobe: —Isabenö yötawaduwakwö, Adoniasma isabenö chömöayo̧ otiwo̧ ö̧jitjö̧ma, isabenö ja'yubebi sulabenö ja̧tökakwo̧sa jo̧banöma. Jo̧kwaijayonö, chömöayo̧ sulabo̧ ja̧nö, sulabenö jaitjö̧ma, isabenö ö'wö baibakwo̧, —jö̧ba̧lö atadinobe.

Mateo 10:30

Ja̧danö, Diosma isabenö ökwödönö waiso̧ otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö, okobe jwiinö kwöwö'yebi waiso̧ Diosma, dokwa ba̧jekwa'yebiya jö̧ba̧lö.

Mateo 15:32

Ikenama Jesúsma iteda öba̧ja̧di̧ waisachadönö jwöinobe, ja̧danö jobadönö yöa̧linobe: —Bidö jojodönö cho̧'wo̧ tjo̧achobe, ida̧ökö wa̧pötakwa möle baledibanö ötjökwö tjö̧jajabe, ja̧danö kwakwawa tjukwoböma jwibadö. Tjȩwa̧jobö wetoböma chöpöjöda, tjȩwa̧jemi ja'ö a̧wi̧chi̧tjö 'dö̧bachibö metjapji jö̧ba̧lö— yöa̧linobe.

Lucas 12:7

Jobadönö omukwatitjö̧ma ¿ökwödönöbi omukwatökenaji̧? Isabenö ökwödönö omukwato̧ chömöledö, otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö. Okobe jwiinö kwöwö'yebi waiso̧, dokwa ba̧jekwa'yebiya jö̧ba̧lö. Isabenö ökwödönö waiso̧ Diosma chömöledö, jo̧kwajabetjö̧ yekabiduwa, Diosma ökwödönö omukwatökena jö̧ba̧löma. Jau chömöledö Diosma pji̧yu̧nö omukwatö ite'ada̧litjö̧ma, isabenö ökwödönöbi ite'ada̧lakwo̧. Jau chömöledö, Dios edemi, ökwödöma pji̧yu̧ ba̧jekwadötjö bajalekwönönö nöinö mikwawadöja— jö̧ba̧lö yöawinobe Jesúsma.

Lucas 21:18

jo̧kwaijayonö isabenö ja'yubebi suli̧ tjöwaedökakobe ökwödönöma, sule kwiteba'oduwida suli̧ tjöwaedobetjö̧.

Hechos 27:33

Ikenama, iya̧nö dewachena Pablo ösödinö aebijatö okobe deinö tjukwobö: —Ökwödöma kwo̧'wo̧ tjo̧bekwö kwö̧jaduwobetjö̧ dötölataja semana baibanö kwukwaduwijökötö.

Filipenses 2:5

Jau chömöledö, Cristo Jesús omukwatinadanö ju'wedönö pjakataduwobö kwomukwataduwo chömöledö. Baikwö jo̧ba omukwatina yötawa:

1 Timoteo 5:23

Ja̧danö ju'wibi wetakwö Timoteo. Kwukwa'wo kabatökönö sulobe kwö'wöchobetjö̧, ojwiyodama kwowoko, ojwiyokwö, ja'yubeda ubasobu o̧'dobukwö pjabatö kwowo, kwukwa'wo sulobe kwö'wöchapji jö̧ba̧lö.

1 Samuel 14:45

Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.