Hechos 27:21 - Dios Iwene

²¹ Ja̧danö lekwe möle ökwödöma a̧wi̧chinö ju̧kwijadötö. Ikenama Pablo jamatö yöawijatö: —Ötjö ajayi yötawi̧, Cretanö lamatö dite'ada̧laduwo, yötawi̧ kwa̧ja̧kwinaduwatjö̧ma otiwena. Jejenö kwa̧ja̧kwinaduwokobetjö̧ biya̧ suli̧ baleda. Teabi, nöinö mikwawi̧ jawa, tjo̧wi̧, ojwe okwa lotjajabe, ötjö yötawi̧ kwa̧ja̧kwaduwinokobetjö̧.

Hechos 27:21 ပူးပေါင်းရင်းမြစ်များ

Génesis 42:22

Ja̧danö, Rubenma jö̧ba̧lijetö jobadönö: —Ja̧ mölema ötjö yötawi̧ kwa̧ja̧kwaduwijökötö. Sulabenöma ja̧köbaduwanö jwöteba̧lijayonö yelösöda kwa̧ja̧kwaduwijökötö. Babema döjawo̧nö kwabö lodina balekwa mikwa dimidawobe— jö̧ba̧lijetö Rubenma ö̧ja̧wo̧dönöma.

Hechos 27:12

Jobadöma, ju'wedö ba̧jekwadöbi baikwö tjomukwatibijatö, Bena ka̧lenaso jabö akwachajibö dö̧litjö̧ma sulena. A̧li̧kwö, Fenicia tjolanö lamatö di̧'yo, jwa̧lȩ'epjo ichokobekwö badibo. Jobetjöda o̧ba baledenanö dölo, jö̧ba̧lö, tjomukwatibijatö.

Hechos 27:13

Ikenama, jwa̧lȩ'epjo otiwanö, tjo̧'omanö u'datjö ichö jwa̧lȩ'ewena, Tjo̧wi̧ otiwa, di̧'yaduwo, jö̧ba̧lö, akwachibajaso töbebö anibö di̧'yijatö, ö'wejesa'o ö'öbönö.

Hechos 27:20

Ikenama ju'wi mölebi, ju'wi mölebi ina nöinö ojwiyo o̧bijatö jwa̧lȩ'epjokwöda. Yelösöda ojwiyo yȩobetjö̧ möle ja̧wo̧nöbi, si̧li̧'i̧dönöbi dedijökötö lekwe. Ökwödöma, ¡Ayö, tjo̧wi̧ debö di̧'yakwedösa! jö̧ba̧lö domukwatijatö.

Hechos 27:7

Jowinö a̧jö di̧'yemi ja'yubeda lekwe möle, tjo̧'omanö di̧'yijatö nöinö jwa̧lȩ'ewobetjö̧. Ja̧danö, tjo̧'omanö 'ya̧nö bajaliyanö Gnido comunidad badeibö tjolanö dichibijatö. Jobe la̧nö, ja̧wo̧ meajobekwö di̧'yo jö̧da̧lijayonö jwa̧lȩ'epjo ina dichobekwö labinö jwa̧lȩ'ewobetjö̧ waekwijatö. Jo̧kwaobetjö̧ di̧'yobema ju'wi omukwatö u'dakwö di̧'yijatö, Creta mikwa'o lo̧bekwö. Ja'o ö'öbönö di̧'yo jö̧da̧lijatö, jwa̧lȩ'epjo jwiena. Jo̧kwaobetjö̧, ja'o ö'öbönö di̧'yijatö, Salmón comunidad baledö.