Hechos 27:10 - Dios Iwene

¹⁰ —Chedemi di̧'yakwa̧ma yelösöda labobe. Di̧'yoko babema, bowibi 'dabö meajapji jö̧ba̧lö, teabi. Ökwödöbi debö di̧'yapji, jö̧ba̧lö, di̧'yoko babema. Benada dö̧lo— jö̧a̧lijatö.

Hechos 27:10 ပူးပေါင်းရင်းမြစ်များ

Daniel 2:30

Ja̧danö, kwi̧'wi̧dikwina yötawijayonö, ötjönö omukwatökönuwi: Aaa, Danielma ju'wedö böjȩnö ju̧kwadötjö bajalekwönönö waiso̧obetjö̧ yöbawo̧ jö̧ba̧löma. Ju'wedötjö bajalekwönönö waiso̧bö̧kö̧sa, jo̧kwaijayonö Diosma ökwönö i̧sebobö jö̧a̧lobe, ja̧danö ökwö kwöwaiso jö̧ba̧lö, Diosma ötjönö iyajabe, omukwatö kwedina jawa kwöwaisakobetjö̧.

Hechos 21:3

Ja̧danö, Chipre mikwa'otjö u'dakwö di̧'yijatö, Siria nijikwö. 'Ya̧jadöma jobe ichibö dölamatijatö Tiro comunidad tjolanö, tea junö.

Hechos 27:31

Jejenö ja̧tjiökwe Pabloma jö̧a̧lijatö guardia jojodö tjuluwo̧nöbi, ju'wedö guardia jojodönöbi: —Jweinö yöta̧la, jobadöma bowitjö dötjibajitjö̧ma ökwödöma okobe deinö debö kwi̧'yaduwena— jö̧a̧lijatö.

Hechos 27:34

Yötawaduwakwö, kwaduwi kwujuluwachibaduwo. Ökwödötjö bakwo̧bi debö i̧'yakwo̧ma deobe. Inia tjöinö baledakwo̧bi deobe— jö̧a̧lijatö Pabloma jobadönö.

1 Pedro 4:18

Dios iwene laebi̧danö jo̧be chömöledö, baikwö laebobe Dios iwenema: Sulabe jwibadöma Dios lȩebi̧tjö tjö̧jibijayonö usula emawö ju̧kwadö. Ja̧danö, jobadö ji̧badöma usula tjemawitjö̧ma, Diosnö öpöjödadönöma ¿dakwö baledakwa̧jö Diosnö öpöjödö sulabenö ja̧badönöma? ¡Jobadö usula tjemawitjö̧ bajalekwönönö nöinö usula tjemawakwedö! jö̧ba̧lö laebobe.