Hechos 25:7 - Dios Iwene

⁷ Ichejebö tjujunökwenö judío jojodö la'aka luwedöma, Jerusaléntjö ichajadöma, söpödibö ja̧nö, labinö jwöbeba̧lijadötö, Bitema jwiinö sulabenö ja̧biainobe, jö̧ba̧lö. Jejenö jö̧tja̧lijayonö, Pabloma sulabenö ja̧okobetjö̧ bakwo̧bi deijetö, Pablo sulabenö ja̧i̧ edo̧ma.

Hechos 25:7 ပူးပေါင်းရင်းမြစ်များ

Mateo 15:1

Jemi ikenama, ju'wedö fariseo jojodötjöbi, Moisés iwȩyudina jawa ba̧ja̧dadötjöbi Jerusaléntjö Jesús ö̧jobekwö tjichinobe, ja̧danö Jesúsnö abebö tja̧ja̧kwinobe:

Lucas 23:10

Ja̧danö, Jesús Herodes öba a'o ö̧jonö, ö'weje pjabatadö la'aka tjuluwedöbi, Moisés iwȩyudina ba̧ja̧dadöbi jobe yöne ja̧nö labinö wanedö yötja̧linobe, Isabenö sulabo̧ bite Jesúsma, jö̧ba̧lö.

Lucas 23:2

Ja̧danö Pilato öba a'o junajadö Jesúsnö wanedö yötja̧linobe: —Bite Jesúsnö lȩkebo Pilato, sulabo̧obetjö̧. Baikwö sulabenö ja̧obe dedijatö: Ditebo jojodönö sulabenö öbibö yöawinobe, inesö la'aka luwo̧ César mikwo̧nö impuesto jawa balada dimidoko, jö̧ba̧lö. Ja̧danö ju'wibi yöawinobe, Ötjödasa Dios weakwo̧ jö̧a̧linökwe Israel jojodö la'aka tjuluwo̧ma, jö̧ba̧lö. Jejenö yöbawö inesö la'aka luwo̧ César mikwo̧ wei̧ tjöpöjödobö sulabenö öibobe— jö̧ba̧lö Jesúsnö wanedö yötjawinobe Pilatonö.

Hechos 21:28

Ikenama Pablonö do̧batö labinö jwöbeba̧lö jö̧ba̧lijadötö tjömöledö Israelnö ju̧kwadönö: —Chömöledö, ökwödönö a̧ja̧kwaduwi. Bite sulabo̧nö inia tjöinö ja̧dobö pjabataduwi. Bitema okobe jwiinö jojodö tjuju̧kwobe 'ya̧nö sulabenö yöbawo̧ ökwödönöma, judío jojodönöma, Judío jojodöma sulabenö ja̧badö, jö̧ba̧lö. Ju'wibi, Moisés weinama mikwa jwii̧, jö̧ba̧lö, yöbawo̧. Dios ejubi mikwawökeju, jö̧ba̧lö, yöbawo̧ bitema. Ju'wi jawabi ja̧inobe, a̧ja̧kwaduwi. Bitema judío jojodöböködönö teatinobe Dios eju okwa, suli̧ jwiemima sulabeju baibanö ja̧bö— jö̧ba̧lijadötö.

Hechos 24:13

Deobe jweinö yöba̧lo̧ma, Pabloma biya̧ sulabenö ja̧ijatö, jö̧ba̧lö, bakwo̧bi jejenö edinokobetjö̧.

Hechos 25:24

Ikenama Festoma jö̧ba̧lijetö: —Chuluwo̧ Agripa, ju'wedö ko̧ko̧kwajadö dokwa. Bite, Pablo mikwo̧ma judío jojodö jwötjeba̧lökwe, Jerusalénnö ju̧kwadöbi, bemi Caesareanö ju̧kwadöbi. Jobadö judío jojodöma, Kwabö lotjobö weköbo, jö̧ba̧lö, atjebijatö ötjönöma.

1 Tesalonicenses 2:16

Jau chömöledö, judío jojodöböködönö tjö̧jibobö yödawenama, judío jojodöma tjöpöjödobe, judío jojodöböködönöma yökawaduwa jö̧ba̧lö, ja̧danö yödawökönö sulabenö ja̧tjobö tjisakwobe chömöledö. Jau chömöledö, la'akatjöda sulabenö ja̧biatjinadanö, ja̧bi sulabenö ja̧tjajabe judío jojodöma. Ja̧danö wanedö yötawa: Sulabenö ja̧tji̧ma su̧'bȩ baibajabe ida̧ökö. Jo̧kwajabetjö̧, babema bajaliyanö Dios lȩebi̧ma jobadönö badekwachajabe chömöledö.