Hechos 25:5 - Dios Iwene

⁵ Jo̧ba sulabenö ja̧ina jwökeba̧laduwobö jö̧ka̧laduwitjö̧ma ökwödötjö la'aka luwedöma ötjökwö kwichaduwo, jobetjöda jwökeba̧laduwo— jö̧ba̧lijetö.

Hechos 25:5 ပူးပေါင်းရင်းမြစ်များ

Hechos 18:14

Jejenö yötjawiökwe Pablo, ja̧ yötjawi̧ a̧ja̧kwö, atadobö jö̧a̧lijayonö, iya̧nö atadena Galiónma yöbawijetö judío jojodönö: —Bitema, jwiinö sulabenö ja̧inatjö̧ma, ökwödö yökawaduwi̧ a̧ja̧kwö yöta̧lena, Jau otiwanö yökawaduwa, jö̧ba̧lö.

Hechos 23:30

Ikenama madakwobe, ju'wedöma yötjawijatö, Ida̧ökö, judío jojodöma jo̧banö kwabö lotjobö tjomukwatibajabe, jö̧ba̧lö. Jejenö yötjawitjö̧ chomukwatijatö te'ada̧lökönö ökwö kwö̧jobekwöda wetonöcha. Jo̧banö jwöbeba̧ladönöbi wetijatö kwö̧jobekwöda tji̧'yo, ökwökwöda yötja̧lakwawo— jejenö yöbawö wȩyudijetö guardia jojodö la'aka luwo̧ Claudio Lisiasma.

Hechos 24:8

Chuluwo̧, ökwöda jo̧banö abebö a̧ja̧kwinö kwöwaisachibo, okobe jwiinö jo̧banö yödawi̧ma jweinö yödawa— jö̧ba̧lijetö Tértuloma.

Hechos 25:16

Jo̧kwaijayonö jejenöma chöpöjödijatö. Jö̧ta̧lijatö jobadönö, Jejenöma ökwödö romano jojodöma wedokobe. Jwötjeba̧lökwema abönö jo̧bakwö jo̧banö jwöbeba̧ladökwö bakobe ja̧nö, jo̧bama jwötjeba̧li̧ a̧ja̧kwö atadobö wedobe, jö̧ba̧lö.

Hechos 25:25

Jo̧kwaobetjö̧ Pablo jobadö jwötjeba̧li̧ a̧ja̧kwö atadi̧ma cha̧ja̧kwijatö. Cha̧ja̧kwemi chomukwatijatö, Bitenö kwabö lotjobö wetoböma jwiobe, jö̧ba̧lö. Ikenama jo̧bama aebijatö ötjönöma, duluwo̧ César ö̧bobekwö wetobö, jo̧bada a̧ja̧kwö weawa yöawobö. Jejenö aebitjö̧, Jau kwatjö̧ma wetokwöcha, jö̧ta̧lijatö.

Hechos 25:4

Jejenö atjebijayonö Festoma: —Wetökö jejenöma. Jobe Cesareabe ka̧lena ba̧kwaweju okwa Pablonö tjitje'ada̧lobe. Ötjöma juluwanö chȩwa̧jocha jobema.

Hechos 25:6

Ikenama jobe ji̧jetö Festoma judío jojodökwö ja'yubeda lekwa, jelemutjö wa̧pötakwa mölebi domulataja mölebi jenanö. Ikenama ȩwa̧jijetö Cesareabe. Ju'wi dewachö weawa yöawakwawȩko̧nö ba̧nö webijetö Pablonö ichejebö tjujunobö öba a'otjö.