Hechos 24:20 - Dios Iwene

²⁰ Jo̧kwaijayonö detjobetjö̧, bidö ichajadöda jweinö yötjawobö jö̧ta̧la ökwönöma, belö la'aka luwedö yötjawina, tjöba a'otjö junö tje'ewinena. Jobadönö abebö a̧ja̧kwi, Belö judío jojodö weawa yöawakwawa jojodöma ¿dakwö yötjawinada? Pabloma isabenö sulabenö ja̧inobe, jö̧ba̧lö, ¿yötjawinaji̧? Abebö a̧ja̧kwidönö.

Hechos 24:20 ပူးပေါင်းရင်းမြစ်များ

1 Reyes 18:18

Aebökwe, —Ötjöma la'akatjöda israel jojodönö suli̧ waedö̧kö̧sa, ökwöda israel jojodönö suli̧ waedo̧ma, ökwö Acabbi, ju'wedö kwabe'dö ömöledöbi. Jau, ökwödöma Isabenö Jo̧ wei̧ kabatibö, jelobekwö 'ya̧nö Baal ötjabawö̧nö sulabenö ösödö, jobadö wetji̧da ja̧bö̧ ja̧döja, ökwödaja Acab, israel jojodönö suli̧ waedo̧ma.

Daniel 6:5

Jejenö balediawö̧, yötja̧lakwawinobe baikwö: —Bite Daniel sulabenö ja̧aja̧ yödawobö döbadekwajökena, isabenö otiwanö otidobetjö̧. Jo̧kwaijayonö jo̧bama jwaikwöda iteda ösödökwe Dios wei̧ a̧ja̧kwo̧. Jo̧kwajabetjö̧ la'aka luwo̧ wei̧ma Dios wei̧tjö wainö laebitjö̧ma, jo̧banö wene jwödebena, bitema Dios wei̧da a̧ja̧kwö la'aka luwo̧ wei̧ a̧ja̧kwö̧kö̧— jö̧ba̧lö.

Mateo 5:22

Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.

1 Samuel 12:5

Israel jojodö tjatadökwe, Samuel yöa̧linobe, —Jau chömöledö, Isabenö Jo̧bi, omudawö ujuninökwe la'aka luwo̧ kwuluwo̧duwi Saulbi yöka̧laduwaja̧ a̧ja̧kwö waisadö, isabenö ökwödötjö sulabenö eminö̧kö̧sa jö̧ba̧lö, ¿jö̧tö? —Yöa̧lawö, —Jau, Isabenö Jo̧ma a̧ja̧kwö waiso̧, —jö̧ba̧lö tjatadinobe.