Hechos 24:13 - Dios Iwene

¹³ Deobe jweinö yöba̧lo̧ma, Pabloma biya̧ sulabenö ja̧ijatö, jö̧ba̧lö, bakwo̧bi jejenö edinokobetjö̧.

Hechos 24:13 ပူးပေါင်းရင်းမြစ်များ

Daniel 6:5

Jejenö balediawö̧, yötja̧lakwawinobe baikwö: —Bite Daniel sulabenö ja̧aja̧ yödawobö döbadekwajökena, isabenö otiwanö otidobetjö̧. Jo̧kwaijayonö jo̧bama jwaikwöda iteda ösödökwe Dios wei̧ a̧ja̧kwo̧. Jo̧kwajabetjö̧ la'aka luwo̧ wei̧ma Dios wei̧tjö wainö laebitjö̧ma, jo̧banö wene jwödebena, bitema Dios wei̧da a̧ja̧kwö la'aka luwo̧ wei̧ a̧ja̧kwö̧kö̧— jö̧ba̧lö.

Hechos 25:7

Ichejebö tjujunökwenö judío jojodö la'aka luwedöma, Jerusaléntjö ichajadöma, söpödibö ja̧nö, labinö jwöbeba̧lijadötö, Bitema jwiinö sulabenö ja̧biainobe, jö̧ba̧lö. Jejenö jö̧tja̧lijayonö, Pabloma sulabenö ja̧okobetjö̧ bakwo̧bi deijetö, Pablo sulabenö ja̧i̧ edo̧ma.

1 Pedro 3:16

Ja̧danö, okobe jwiinö ja̧bö kwö̧jaduwi̧ma, kwomajadeduwinö otiwanö kwöwaisaduwi̧danö ja̧bö kwö̧jaduwo chömöledö. Ju'wedöma isabenö ökwödönö öpöjödö sulabenö yötja̧lena chömöledö, Cristonö ösödadöma sulabedö, sulabenö ja̧badö, jö̧ba̧lö. Jo̧kwaijayonö kwomajadeduwinö kwöwaisaduwi̧danö ja̧bö kwö̧jaduwitjö̧ma, ökwödönö sulabenö yöba̧ladöma taba lö̧jawö̧ tjö̧jakwedö, otiwanö ja̧bö kwö̧jaduwi̧ öwaetjöda öwawobetjö̧.