Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 23:20 - Dios Iwene

20 Jejenö aebökwe möayo̧ma baikwö atadijetö: —Chuluwo̧, ju'wedö judío jojodöma ötjö chöjaba Pablonö, kwabö lotjakwa̧ma ida̧ökö bakobe tjomukwatinobe. Itekwayi atjebakobe ökwönö Pablonö weköbobö la'aka luwedö tjuju̧kwobekwö, tjöba a'o tjujunobö. Omöna yötjawakobe, Pablonö ina atjeba̧lobö jö̧tja̧la, jö̧ba̧lö.

အခန်းကိုကြည့်ပါ။ ကော်ပီ




Hechos 23:20
8 ပူးပေါင်းရင်းမြစ်များ  

Jo̧kwaobetjö̧ ju'wi dewachö guardia la'aka luwo̧ma, judío jojodö Pablonö jwötjeba̧li̧ jweinö öwaisobö jö̧a̧lobetjö̧, webijetö jojodötjö Diostjö ö'weje pjabatadö tjuluwedönöbi, weawa yöawakwawa jojodönöbi tjoko̧ko̧kwobö. Ikenama, Pablonö ejatibö latjebobö webajo̧ma, jo̧banö öbibö 'yi̧jetö judío jojodötjö la'aka luwedö tjoko̧ko̧kwajobekwö, jobadö tjöba a'o ujunobö.


Ja̧danö, Pabloma, judío jojodötjö la'aka luwedö tjöba a'o ja̧nö, jobadönö jweinö edö yöbawijetö: —Chömöledö isabenö jö̧ta̧la. Ötjöma, la'akatjöda chö̧jinenanö baibanö omukwatiachijatö chomajade okwa, Ötjöma Dios öba a'otjö otiwanö ja̧bö jo̧sa, jö̧ba̧lö— yöbawijetö Pabloma.


Jejenö yöawiökwe, la'aka luwo̧ma, möayo̧nö, ömamunö do̧batö öbibö 'yi̧jetö tupakwö, itedada. Ikenama abebijetö jo̧banö: —Möayo̧, yöbawitjö ja̧ la'aka labi̧ jawa wene— abebijetö.


Ikenama madakwobe, ju'wedöma yötjawijatö, Ida̧ökö, judío jojodöma jo̧banö kwabö lotjobö tjomukwatibajabe, jö̧ba̧lö. Jejenö yötjawitjö̧ chomukwatijatö te'ada̧lökönö ökwö kwö̧jobekwöda wetonöcha. Jo̧banö jwöbeba̧ladönöbi wetijatö kwö̧jobekwöda tji̧'yo, ökwökwöda yötja̧lakwawo— jejenö yöbawö wȩyudijetö guardia jojodö la'aka luwo̧ Claudio Lisiasma.


Ikenama Pablo, la'aka luwedönö edö omukwatijetö, Bidötjö ju'wedö fariseo jojodö, ju'wedö saduceo jojodö, jö̧ba̧lö. Ikenama jobadönö labinö jö̧ba̧lijetö: —Chömöledö, a̧ja̧kwaduwitjö. Ötjöma fariseo jojosa. Chojo'dobi chabe'dobi fariseo jojodö. Fariseo jojochobetjö̧ chomukwata ju'wi möle okobe deinö jojodöma wobajadö yemidanö tjetjachakobe. Jejenö chomukwatawö̧ ökwödöma jwökeba̧laduwobe ötjönöma— jejenö labinö jö̧ba̧lijetö Pabloma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ