Hechos 23:10 - Dios Iwene

¹⁰ Ikenama fariseo jojodökwö, saduceo jojodökwö labijitja o̧penönö labijadötö. Fariseo jojodöma, Pablo jweinö yöba̧lo̧, jö̧ba̧lö, ösödijadötö. Jo̧kwaijayonö saduceo jojodöma, Omöna yöba̧lo̧, jö̧ba̧lö, öpöjödijadötö. Ja̧danö, bakobe bakwachakwadanö do̧batö tötöbijadötö Pablonöma. Guardia jojodö tjuluwo̧ma jobadö tjölabobe edö omukwatijetö, ¡Ayö! Jo̧banö kwabö lotjena, jö̧ba̧lö. Jejenö omukwatö webijetö ömöayedönö Pablonö tetjatobö guardia tjejube. Jejenö weawö̧ma Pablonö do̧batibö öbibö ȩwa̧jijadötö idöda tjejube.

Hechos 23:10 ပူးပေါင်းရင်းမြစ်များ

Hechos 21:37

Ikenama guardia jojodöma Pablonö kabebö e'ewö tetjatibotö jö̧ba̧lö ja̧tjökwe, apjudenö tjichibena Pabloma abebijetö guardia jojodö tjuluwo̧nöma, griego jojodö tjiwenenö: —¿Ökwökwö yöta̧lakwawobö kwösödobeji̧?— abebijetö. Ja̧danö, jejenö griego jojodö tjiwenenö aebiökwe guardia jojodö tjuluwo̧ma: —¡Ayö! Ökwöma griego tjiwene yöka̧lobe.

Hechos 22:24

Jejenö jwötjeba̧liökwe guardia tjuluwo̧ma ömöayedönö webijetö Pablonö tjeju okwa tetjatibobö. Webijetö Pablonö kwakwatjobö, kwakwatjökwe jweinö yöawobö judío jojodö jwötjeba̧li̧ma.

Hechos 23:16

Ja̧danö, ja̧ yötja̧lakwawi̧ma jelo̧, Pablo öjawuju jitji̧ a̧ja̧kwijetö. A̧ja̧kwajo̧ guardia jojodö tjejube 'yi̧jetö Pablonö yöbawö. Ichibö jeju okwa tebachö Pablonö yöbawijetö judío jojodö yötja̧lakwawaja̧ma.

Hechos 23:27

Bite ökwönö wetökwema judío jojodöma belö do̧tjatinökwe, Pablo mikwo̧. Ötjöma, jo̧ba Pabloma romano jojo chöwaisachibena 'ya̧nö chedemi judío jojodöma jo̧banö ida̧ökö kwabö loawa jö̧tja̧lijatö. Jo̧kwaobetjö̧ ötjöma wetijatö chömöayedönö jo̧ba ö̧jibinö pjabatö emibö tjichejebobö.

Hechos 23:28

Ikenama, jo̧banö sulabenö jwötjeba̧li̧ chöwaisobö jo̧banö öbibö chi̧'yijatö judío jojodötjö la'aka luwedö tjö̧jobekwö.

Hechos 23:32

Ju'wi dewachö jobadö guardia jojodötjö ju'wedöma, tjömasapanö 'ya̧jadöma jobetjö ȩwa̧jijadötö tjejube. Jobadö guardia jojodötjö ju'wedöma, ka̧ba̧yu̧dönö wa̧nö 'ya̧jadöda Pablonö öbibö 'yi̧jadötö.

2 Corintios 11:26

Ja̧danö nöinö kwebachö, ojwetjö labi̧ jawa balediachijatö, ja̧danö naukwabidötjö labi̧ jawa balediachijatö, ja̧danö ötjöda chömöledö judío jojodötjö labi̧ jawa balediachijatö, ja̧danö judío jojodöböködötjö labi̧ jawa balediachijatö, comunidadnö ja̧nö, labi̧ jawa balediachijatö, ja̧danö jojodö deobetjö labi̧ jawa balediachijatö, ojwe nöödönö kwebachö, labi̧ jawa balediachijatö, ja̧danö Aaa, ökwödöbi Jesúsnö ösödadösa jö̧ba̧lö omöna yöba̧ladötjöbi labi̧ jawa balediachijatö chömöledö.

Santiago 1:19

Chösödawö̧ chö̧ja̧wo̧dö, biya̧ yötawi̧ma kwomukwataduwo: Ökwödötjö bakwo̧nökwena, Dios iwenetjö isabenö ji̧ jawa yöawobema ösödinö kwa̧ja̧kwa̧laduwo. Ja̧danö, ju'wibi kwomukwataduwo: Ökwödöma yöka̧lakwawaduwena tjo̧'omanö, tiyuwanö yöka̧laduwo. Ja̧danö ju'wibi: Juluwanöma kwölabiduwoko, omukwatökönö.

Santiago 3:14

Jo̧kwaijayonö ökwödötjö bakwo̧ ju'wedönö o̧'wo̧ luwo̧nö jwiinö sulabenö edö, ja̧danö, ö'wiawö edö, ja̧danö, iteda ösödi̧da omukwatö, Ötjödasa, jö̧ba̧lö, omukwato̧ma ¿jweinö omukwatö waiso̧ji̧? Waisö̧kö̧ inesö waisakwawama. Jo̧bama, Waisanö omukwato̧sa, jö̧ba̧lö, yöa̧lobö jwiobe, chö̧ja̧wo̧dö. Jejenö yöa̧litjö̧ma omönada yöa̧lena.