Hechos 21:5 - Dios Iwene

⁵ Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 21:5 ပူးပေါင်းရင်းမြစ်များ

1 Reyes 8:54

Jobekwö abebö, okobe jwiinö ja̧ Isabenö Jo̧nö aekwa aebinobe Salomonma. Jejenö aebonö, Isabenö Jo̧nö iyawöte öba a'o, u̧yu̧kiju̧kunö ja̧nö, ömamu mölȩjȩbekwö kabebö aebinobe, ja̧danö abebö kabatajo̧, jobetjö a̧la̧ibinobe.

Mateo 14:21

Jobe kwajadö ömadöma, cinco milbedö tjukwinobe, ja̧danö ya̧dö ba̧jekwadöbi, tjemu ba̧jekwadöbi tjukwinobe.

Marcos 1:40

Ikenama bakwo̧ma, i̧sȩdo̧ jwiinö 'wabibö, lepra mikwi̧ ö'wöcho̧ma Jesús otidö loobö abebö 'yi̧jetö. Ichibö u̧yu̧ju̧ki̧junö bamatö abebijetö Jesúsnö: —Ökwöma otidö lobo̧ja. Ötjöma otiwanö, chö'wöchi̧ jwiinö chö̧jobö ¿otidö loköbo jö̧ka̧liji̧—abebijetö.

Lucas 22:41

Ja̧danö, jejenö yöbawajo̧, ja'yubenö tupakwönö i̧'yinobe, ödöokobe sule bakwo̧ inawa ikwemi meenanö i̧'yinobe, jo̧dawa'ye Diosnö aebobö. Ja̧danö, u̧yu̧ko̧nö bamatö, Diosnö aebinobe baikwö:

Hechos 15:3

Ja̧danö, webijadötö Pablonö, Bernabénö ju'wedö Antioquíanö ju̧kwadönöbi Jerusalénbe tji̧'yobö. 'Ya̧jadöma ja'ö, Fenicianöbi, Samarianöbi ichibö jobe ju̧kwadönö yöbawijadötö, Judío jojodöböködöbi Jesúsnö tjösödijatö, Jesúsma dö̧jibinö pjabato̧, jö̧ba̧lö. Ja̧danö, jobe ju̧kwadö Jesúsnö ösödadöma ja̧ yötjawi̧ a̧ja̧kwö jwiinö ösödijadötö.

Hechos 17:10

Ikenama yö̧te baibena Jesúsnö ösödadöma Pablonö, Silasnö webö lobijadötö jelobe tji̧'yobö, Berea comunidadbe. Jejenö webö lotjawö̧ma Berea comunidadbe 'yi̧jadötö. 'Ya̧jadöma Berea comunidadnö ichibö judío jojodö yötjaweju okwa yöbawö tebachijadötö.

Hechos 20:36

Ikenama Pabloma Éfesotjö ichajadö Jesúsnö ösödadö te'ada̧lakwawa jojodönö yöbawö kabatibö jobadökwö tju̧yu̧ju̧ki̧junö bamatö bȩbachibö ja̧bö Diosnö abebijadötö.

Hechos 20:38

Jobadöma Pablonö yöawaja̧ omukwatö, Yemidanö ötjönö kwedaduwokobe, jö̧ba̧lö, yöawaja̧ omukwatö jwiinö tjo̧'wo̧ tjo̧tjekwinö babibijadötö. Ikenama jobadöma Pablokwö 'yi̧jadötö i̧'yakwowi lo̧bekwö.

Hechos 9:40

Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Josué 24:15

—Jau chömöledö, Isabenö Jo̧nöda kwösödaduwobö jo̧be, jo̧kwaijayonö, Isabenö Jo̧nö ösödö kwö̧jaduwobö kwöpöjödaduwitjö̧ma, babe möleda omudawö kwujunaduwobö jo̧be, kwösödaduwakwawö̧nöma, damötjö̧ kwa'dödö Eufrates mikwödö tupakwö tjö̧jena tjösidinawö̧maö̧kö̧, bemi niji ju̧kwadö amorreos jojodö tjösödawö̧maö̧kö̧. Jo̧kwaijayonö ökwödö israel jojodöma ju'wedö tjösödawö̧nöda kwösödaduwobö omudawö kwujunadwuitjö̧böbi, ju'wedönö la'akatjöda chösödökakwo̧sa chömöledö. Ötjöbi, yö̧ne chömöledöbi, jwaikwöda Isabenö Jo̧nöda ösödö dö̧jakwedösa, jo̧ba wei̧da a̧ja̧kwö, —jö̧ba̧lö yöawinobe Josuema, israel jojodönö.

Josué 8:35

Isabenö okobe jwiinö yöa̧linobe Josuema, okobe jwiinö Moises weina jawatjö, bakwöta jawabi ji̧bökönö, okobe jwiinö weawasa'yenö laebi̧ma israel jojodö ko̧ko̧kwadönö yöa̧linobe Josuema, ömadö tjöba a'otjöbi, ya̧dö tjöba a'otjöbi, tjemu tjöba a'otjöbi, jelobetjö ichajadö israel jojodö tjö̧'da̧de ju̧kwadö tjöba a'otjöbi, okobe deinö tjöba a'otjö, tja̧ja̧kwa̧lonö yöa̧linobe Josuema.