Hechos 21:40 - Dios Iwene

⁴⁰ Jejenö aebiökwe: —Jau kwatjö̧ma yöbawi— jö̧a̧laja̧ ikena Pabloma, apjude la'aka nöchawakanö jamatö, ömamu kabebijetö, jojodö wi babibö tjö̧jobö, jö̧ba̧lö. Ikenama, wi batjibena Pabloma yöbawijetö jojodönö, hebreo tjiwenenö.

Hechos 21:40 ပူးပေါင်းရင်းမြစ်များ

2 Reyes 9:13

Yöa̧liawö̧, okobe deinö juluwanö tja̧la̧ibinobe, ja̧danö okobe deinö jobadöma tjökamisi wamesa̧do̧ 'yobekwö, o̧do tebachö nöchawemi wame sedatö pjatjinobe, jobe Jehu kweachobö, ja̧danö trompeta pjubö yötja̧linobe, —Jehuma la'aka luwo̧ baibajabe, —jö̧ba̧lö.

Lucas 23:38

Ja̧danö, Jesús uu wame, bȩkwöte ji̧nobe: Bitema judío jojodö la'aka tjuluwo̧, jö̧ba̧lö wȩyukwötema.

Juan 19:13

Pilatoma jejenö a̧ja̧kwaja̧ ikena Jesúsnö tjichejebobö jwöinobe. Ja̧danö, Pilatoma wa̧kwawakanö ö̧binobe, lȩekwa yöbawo̧ wa̧kwawakanö. Jena, ba̧kwawaka jenama, inawiyatjö otikwemi. Griego tjiwenenö, El Enlosado, jö̧ba̧lö, mikwemi. Ja̧danö, hebreo tjiwenenö, Gábata, jö̧ba̧lö, mikwobe.

Juan 19:17

Jejenö weawö̧ guardia jojodöma Jesúsnö öbibö tji̧'yinobe. Jesúsma jobe 'ya̧nö towisa'o e'ewinobe, itenöda bȩbö tjujunakwötema. Jöte e'ewö i̧'yinobe, mö'ösa'obe, hebreo tjiwenenö Gólgota mikwa'obe, tjuusöseba'o, jö̧ba̧lö.

Juan 19:20

Ja̧danö, ba̧jekwadö judío jojodöma, ja̧ iwȩyudaja̧ tjedinobe, jobe Jesúsnö ösötenö bȩbö tjujuninenama comunidad yöneawinö ji̧nobe. Ja̧danö, ja̧ iwȩyudaja̧ma hebreo tjiwenenöbi, romano jojodö tjiwenenöbi, griego jojodö tjiwenenöbi iwȩyudinobe, ba̧jekwadö edö tjöwaisobö.

Juan 5:2

Jobe, Jerusalénnöma, ojwese'dodanö ji̧nobe, ojwe ibawe'doma. Je'do imima Betzatá, hebreo tjiwenenö. Je'doma töekwemi apjude ji̧nobe, o̧bȩja̧dö teachakwawade mikwade. Ja̧danö, jade tebachö ibawe'do ödökwönönö löwötebiya ji̧nobe, bakwamu jawa ötebiya, jali̧ löwötebiyama.

Hechos 1:19

Okobe deinö Jerusalénnö ju̧kwadöma ja̧ baledaja̧ yötjawi̧ a̧ja̧kwö ja̧ nijima tjimidinobe, jobadö tjiwenenö, Akelda, jö̧ba̧lö. Akelda jö̧ba̧löma, tjökwösobu ebawemi niji, jö̧ba̧lö— yöbawijetö Pedroma.

Hechos 12:17

Jejenö jwötjeba̧liökwe Pedroma ömamu kabebijetö jobadönö, Ö'wainö ju̧kwaduwi, jö̧ba̧lö. Ikenama Duluwo̧ pjaataja̧ma yöbawijetö, weajökwe ángelma ka̧lena ba̧kwawejutjö öbibö laebaja̧ma. Ikenama webijetö: —Yökawaduwo Jacobonöbi, ju'wedö Jesúsnö ösödadönöbi— webijetö. Ikenama jejutjö labebijetö Pedroma jelobe 'ya̧nö.

Hechos 13:16

Jejenö jö̧a̧liawö̧ Pabloma a̧laibö, Jau yötawocha, jö̧ba̧lö, ömamu kabebijetö. Baikwö yöbawijetö: —Chömöledö israel jojodönöbi, ja̧danö, ju'wedönöbi, israel jojodöböködönö, Diosnö otiwanö yebabinö omukwatadönöma yötawa. Yötawi̧ma a̧ja̧kwaduwi.

Hechos 19:33

Ikenama judío jojodöma jibö döbebijadötö jobadötjö bakwo̧nö, Alejandro mikwo̧nö, jojodö tjöba a'o ja̧nö yöa̧lobö. Jo̧bama, yöa̧lakwa̧ abönö ömamu kabebijetö, Wi babibö ja̧nö a̧ja̧kwaduwitjö, jö̧ba̧lö.

Hechos 21:35

Jo̧kwaijayonö judío jojodöma Pablonö yemidanö do̧tjatotö jö̧ba̧lö tjökömanö lubijadötö. Jo̧banö yemidanö do̧batö kwabö lodonö, jwötjeba̧liawö̧ guardia jojodöma, tjeju apjude teachakwawena nöchawemi ichibö Pablonö möakwö kabeibö e'ewijadötö, judío jojodö Pablonö do̧batibö inia tjöinö ja̧tjapji jö̧ba̧lö.

Hechos 22:2

Ja̧danö, jojodöma Pablo hebreo tjiwenenö, jobadöda tjiwenenö, yöa̧liawö̧ yöba̧lökönö, wi babibö ju̧kwijadötö. Ikenama Pabloma yöbawijetö jobadönö:

Hechos 26:14

Jejenö salöi̧ tjösawibitjö̧ ötjöbi ötjökwö ichajadöbi yebaibö mebö döbamatijatö. Ikenama iwene cha̧ja̧kwijatö, hebreo jojodö tjiwenenö. Baikwö ökwöi̧ cha̧ja̧kwijatö: Saulo, Saulo ¿tajawedö sulabenö ja̧köbatjö ötjönöma? Ötjönö sulabenö ja̧köbobema ökwödada sulabenö ja̧köbobe Saulo, jö̧ba̧lö, ökwöi̧ cha̧ja̧kwijatö. Ja̧ ökwöi̧ma ina cha̧ja̧kwijatö: Saulo, ökwöma inia tjöbo̧ja, pakaya uluwo̧ sȩi̧ ö̧'i̧yanö dodobö öibökwe öpöjödö kwebachö̧kö̧nö inia tjöi̧danö ökwöma inia tjöbo̧ja, jö̧ba̧lö, ökwöi̧ cha̧ja̧kwijatö.

Hechos 6:1

Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

Apocalipsis 16:16

Ja̧danö, Awetja ömöayedöma, böjȩ okobe jwiinö ju̧kwadö la'aka luwedökwö, tjömöayedö guardiakwö bakobe ko̧ko̧kwachö tjite'ada̧lobe chedijatö, Armagedón mikwena. Armagedón, jö̧ba̧löma, hebreo tjiwenenö jejenö baledobe.

Apocalipsis 9:11

Jobadö ma̧la̧ka̧yö̧ tjuluwo̧ma sulabo̧ ángelso̧. Jo̧bama böjȩ teebe, laju a'o ja̧nö te'ada̧lo̧. Jo̧bama hebreo tjiwenenö Abadón mikwo̧. Ja̧danö, griego tjiwenenö Apolión mikwo̧, ma̧la̧ka̧yö̧ tjuluwo̧ma.