Hechos 21:4 - Dios Iwene

⁴ Jena lamatajadö wa̧ibö disakwijatö jobe ju̧kwadö Jesúsnö ösödadönö. Jobadönö badekwajadöma jobadökwö dö̧jijatö jelemutjö dötölataja mölenö. Ja̧danö, jobadöma Dios O̧'wo̧ Luwo̧ jobadö tjo̧'wo̧ luwo̧nö öba̧ja̧da̧lonö yötjawijatö Pablonö, Jerusalénbema kwi̧'yoko, jö̧ba̧lö.

Hechos 21:4 ပူးပေါင်းရင်းမြစ်များ

Mateo 10:11

Tupakwö weinobe Jesúsma: —Comunidadbe kwichibaduwenama, jobetjö otiwanö ja̧bö jo̧nö kwisakwaduwo, jo̧ba ejunö kwö̧jaduwobö, ja̧danö jo̧ba ejunö kwö̧jaduwo, ja̧ comunidadtjö lakebaduwenanö kabatö.

Hechos 11:26

'Ya̧jo̧ma, Saulonö badekwajö öbibö ȩwa̧jijetö Antioquíabe, Saulobi Dios iwene yöawobö jobetjöma. Jemi tupakwöma Bernabékwö Saulokwö Antioquíanö bakwöta o̧ba ja̧nö ba̧jekwadönö, Jesúsnö ösödadönö ba̧ja̧dijadötö Dios iwene. Ja̧danö, jobetjöma Jesúsnö ösödadönöma, ajayinö jamatö öbabijadötö, Cristo ömöayedö, jö̧ba̧lö.

Hechos 19:1

Apolos Corintonö ö̧jibonö Pabloma yemidanö Éfesobe 'yi̧jetö, u'dakwöchobe mananö. 'Ya̧jo̧ma Éfesonö ichibö Dios iwene waisachadö edijetö.

Hechos 21:16

Cesareanö ju̧kwadö Jesúsnö ösödadötjö ju'wedöma ökwödökwö tjichijatö Jerusalénbe. Jobe dichibenama ökwödökwö ichajadöma ökwödönö öbibö tji̧'yijatö dabakweju jobekwö, Mnasón mikwo̧ ejube. Jo̧bama, Chipre ö'wejesa'otjö ichina, ajayinö Jesúsnö ösödinadötjö jojobijetö.

Hechos 28:14

Jobema Jesúsnö ösödadönö döbadekwajijatö. Jobadöma da̧debijatö ökwödönöma jobadökwö dö̧jobö bakwöta semana baledibanö. Ikenama jobetjö kwebachö di̧'yijatö dömasapanöda Romabe.

Hechos 9:16

Jo̧bama ötjö jawa wene yöawobetjö̧ yelösöda usula emawakwo̧. Ja̧ usula emawakwa̧ öwaisachibobö chi̧sebocha jo̧banöma— jö̧ba̧lijetö Duluwo̧ma Ananíasnöma.

2 Timoteo 1:17

ja̧danö baikwö Romabe ichinenama, tabakwökönö nöinö isakwinobe, ötjönö öbadekwajenanö baibanö.

Apocalipsis 1:10

Ja̧danö, belö bi'onö ja̧nö, domingo möle baledibajena, Dios O̧'wo̧ Luwo̧ma ötjö cho̧'wo̧ luwo̧ okwanö i̧sebö öba̧ja̧da̧lijatö. Ja̧danö, cha̧ja̧kwijatö labinö ökwöi̧, trompeta pjutji̧danö ökwöobe.