Hechos 20:4 - Dios Iwene

⁴ Ötjö, Lucas, Pablokwö chi̧'yijatö. Ju'wedöbi tjichijatö, bidö, Sópatro mikwo̧, Bereanö jo̧. Jo̧bama Pirro itji̧. Ju'wedö, Aristarcobi Segundobi mikwadö. Jobadöma Tesalónicanö ju̧kwadö. Jelo̧ Gayo mikwo̧. Jo̧bama Derbenö jo̧. Jelo̧, Timoteo. Ju'wedö Tíquicobi Trófimobi mikwadö. Jobadöma Asia nijinö ju̧kwadö.

Hechos 20:4 ပူးပေါင်းရင်းမြစ်များ

Hechos 14:20

Ja̧danö, jobadöma, Tjo̧wi̧ ö'wö baibajabe, jö̧ba̧lö, tjomukwatijayonö, ö'wö babibijökötö. Ikenama Jesúsnö ösödadöma Pablonö tötöbö lotjajobe 'ya̧nö, i̧sȩko̧nö tjuju̧kwachakwaibena Pabloma omönanö a̧laibijetö. A̧laibajo̧ ȩwa̧jijetö yadakwöda. Ikenama ju'wi dewachö jobetjö labebö, Pablo, Bernabé Derbebe 'yi̧jadötö.

Hechos 14:6

Jejenö tjomukwatijayonö Pabloma, Bernabéma, ju'wedö ja̧ tjomukwati̧ yötjawiawö̧ jelobe döbibajijadötö, Licaonia nijibe. Jobe comunidades, Listra mikwenabi, Derbe mikwenabi, jobe ö'öböbi yöbawiabö kwebachijadötö,

Hechos 16:1

Ikenama Pablo, Silas 'ya̧jadöma Derbenö ichibijadötö. Jemi ikenama jobetjö labebö 'ya̧jadö Listranö ichibijadötö. Jobe bakwo̧ ji̧jetö, Timoteo mikwo̧, Jesúsnö ösödo̧ma. Jo̧ba ojo'doma Jesúsnö ösöduju. Jobujuma judío jojosujujijayonö jilekwema, Timoteo abe'doma griegoso̧, judíoso̧bökö.

Hechos 16:6

Ikenama Pablo, Silas, Asiabe yöbawö tji̧'yo jö̧tja̧lijayonö Dios O̧'wo̧ Luwo̧ma webijökötö jobe tji̧'yoböma. Jo̧kwaobetjö̧ jobe kwebachökönö jelobe, Frigia nijibi, Galacia nijibi baledö

Hechos 17:1

Ikenama, Pablo, Silas Filipostjö labebö 'ya̧nö kwebachijadötö Anfípolis comunidadbi, Apolonia comunidadbi. Jobe kwebachajadöma Tesalónica comunidadnö ichibijadötö. Jenama judío jojodö yötjaweju ji̧jetö.

Hechos 17:13

Ikenama Pablo, Silas ajayinö latjebinemi Tesalónicanö ju̧kwadö judío jojodöma ju'wedö yötjawi̧ a̧ja̧kwijadötö, Babema Pabloma Dios iwene yöawobe Berea comunidadnö, jö̧ba̧lö. Jejenö a̧ja̧kwö tjo̧'wo̧ sulinö edö Bereabe 'yi̧jadötö, Pablo, Silas tjö̧jobekwö. Jobe 'ya̧nö, Bereanö ju̧kwadö Pablonö, Silasnö jwiinö tjölabobö jwöbeba̧lö yöbawijadötö.

Hechos 19:29

Ja̧danö, ba̧jekwadö Éfesonö ju̧kwadöma labinö jwöbeba̧lö labijadötö. Jwiinö tjölabobetjö̧ Pablokwö ichinadönö, Macedonia jojodönö, Gayonö, Aristarconö do̧batibö tötöbijadötö jojodö tjö̧bajeju jobekwö. Ichibö tebatijadötö jeju okwa.

Hechos 2:9

Ökwödöma, jelobetjöbi jelobetjöbi dichinobe. Ökwödötjö ju'wedöma Partia nijitjö ichinadö, ju'wedöma Media nijitjö ichinadö ju'wedöma Elam nijitjö ichinadö, Mesopotamia nijitjö ichinadö, Judea nijitjö ichinadö, Capadocia nijitjö ichinadö, Ponto nijitjö ichinadö, Asia nijitjö ichinadö— jö̧bekwa̧lijadötö—.

Hechos 20:16

Jweinö di̧'yijatö Miletobe, Éfeso comunidadbema 'yö̧könö. Pablo ajayinö omukwatinobe, Jerusalénbe juluwanö chȩwa̧jobö jö̧ta̧la, pjiesta, Pentecostes mikwi̧ pjiesta baledakwa̧ abönö, chichibobö, jö̧ba̧lö. Jo̧kwaobetjö̧, Asianöma lekwe kwedachoböma chöpöjöda, jö̧ba̧lö, Éfeso comunidad baledö jweinö di̧'yijatö Miletobe.

Hechos 20:18

Jejenö 'ya̧nö yöawawö̧ ichijadötö Pablo ö̧jobekwö. Jobe ichajadönö Pabloma yöbawijetö: —Dokwa chömöledö. Ökwödönö yötawobö cha̧debijatö kwichaduwobö. Ökwödöma ötjönöma kwöwaisaduwa, belö ökwödökwö otiwanö ja̧bö chö̧jijatö. Ajayinö Asia nijinö chichibina möle tupakwö, chȩwa̧jinanö baibanö otiwanö chö̧jijatö.

Hechos 21:29

Ja̧danö, jobadöma ajayinö Pablonö jelo̧kwö kwetjachobe edijadötö. Jelo̧ma judíoso̧bö̧kö̧, Éfeso jojo, Tropimus mikwo̧. Jejenö tjedinobetjö̧ wajwibö omukwatijadötö, Pabloma Trófimonö teatajakö̧, jö̧ba̧lö, jeju okwa. Jejenö tomukwatijayonö Pabloma la'akatjöda tebatijökötö Trófimonö Dios eju okwa.

Hechos 27:2

Di̧'yowima jelobetjö, Adromitio mikwobetjö ichö tjölamatinowi, Asia niji tjolabiyanö lamatiabö 'yowima. Jowinö a̧jibö di̧'yijatö. Jelo̧, Aristarco mikwo̧ma, Macedoniatjö da̧peachina, Tesalónicanö jo̧ma, ökwödökwö ichijatö.

Romanos 16:21

Ju'wedöbi ökwödönö dokwa atjebobe. Timoteoma ötjökwö otidobe, ja̧danö jo̧ba Timoteoma ökwödö Roma jojodönö dokwa aebobe, ja̧danö chömöledö judío jojodö Luciobi, Jasónbi, Sosípaterbi ökwödö Roma jojodönö dokwa atjebobe.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

2 Corintios 1:1

Dokwa chömöledö. Ötjöma Pablosa, ja̧danö iteda ösödi̧danö Diosda 'da̧batö ujuninökwesa, Cristo Jesús webawo̧ batibanö. Chömöledö, döjawo̧ Timoteokwö ja̧nö, böja kwialusöja wȩyudö weta ökwödö Dios ömöledönö, Acaya nijitjö Corintio comunidadnö ko̧ko̧kwö ba̧jadönöbi, ju'wedö Acaya nijinö ju̧kwadönöbi.

2 Corintios 1:19

Jau chömöledö, Jesús webawo̧ chö̧jobetjö̧, jo̧ba jweinö jö̧a̧li̧danö yöta̧lobö jo̧be. Baikwö yötawa: Jesús jawa wene ökwödönö yödawina wenema dötölatajanö laebokobe, ¿jö̧tö? Jau chömöledö, ötjöbi, Silasbi, Timoteobi Dios itji̧ Jesucristonö yödawijatö ökwödönö, ¿jö̧tö? Jo̧bama jweinö jö̧a̧li̧danö ja̧bo̧, dötölatajanöma yöba̧lö̧kö̧, ¿jö̧tö?

Efesios 6:21

Chömöledö, döjawo̧ Tíquico mikwo̧, Duluwo̧ weina ja̧bo̧ma yöawakobe okobe jwiinö ötjö chö̧ji̧bi, ja̧ti̧bi bena chö̧jobema, kwöwaisachibaduwobö ötjönö baledi̧ma.

Filipenses 2:19

Chömöledö, Duluwo̧ Jesús ösöditjö̧ma, ja'yubeda lekwajabetjö Timoteonö wetobö chösöda, ökwödö kwiteboduwibe pjabatö i̧'yobö. Jejenö chomukwatobe, kwiteboduwibetjö ȩwa̧jenama, ökwödönö a̧ja̧kwö cho̧'wo̧ ösöwachibanö chö̧jakobetjö̧.

Colosenses 4:10

Aristarco mikwo̧ma ötjökwö ka̧lena bo̧ chömöledö, ja̧danö jo̧bama deawobedanö dokwa jö̧ba̧lö aebobe ökwödönö. Ja̧danö, Bernabé ömöledöso̧ Marcos mikwo̧bi deawobedanö dokwa jö̧ba̧lö aebobe ökwödönö. Jo̧ba Marcos mikwo̧nö belö ökwödönö yötawijatö chömöledö, kwiteboduwibe ichibitjö̧ma, kwösodaduwonö jö̧ba̧lö.

Colosenses 4:7

Chömöledö, Tíquico mikwo̧ma kwiteboduwibe i̧'yakwo̧. Jo̧ba Tíquicoma dösödökwe chömöledö, döjawo̧ Jesúsnö ösödo̧ jö̧ba̧lö, ja̧danö ökwödökwö jwaikwöda Duluwo̧ jawa otido̧ jo̧bama. Jo̧bama kwiteboduwibe ichibö ökwödönö yöawakobe okobe jwiinö ötjönö baledi̧ wenema.

1 Timoteo 1:1

Ötjö Pablo mikwo̧sa, Cristo Jesús webawo̧sa, iteda yöawi̧ yötawo jö̧ba̧lö. Do̧'wo̧ döwana̧lökwe Cristo Jesúsbi, ja̧danö dö̧jibinö pjabato̧ Diosbi wetjinobe, Cristo Jesús webawo̧ baibanö chö̧jobö.

2 Timoteo 4:20

Erasto mikwo̧ma Corintio comunidadnö ö̧jibinobe, ja̧danö Trofimo mikwo̧ ö'wöchobetjö̧, Mileto comunidadnö chujunibinobe Trofimonö.

Tito 3:12

Tito, bakwo̧nö wetocha, kwö̧jobe Cretabe i̧'yobö, Artemasnö wetena, Tíquiconö wetena. Ja̧danö, jejenö wetökwe jobe ichibenama, ökwöma Cretatjö labebö, Nicópolisbe kwi̧'yobö omukwati. Ja̧danö, Nicópolisbe kwi̧'yitjö̧ma, bakobe dichibena, ötjöbi jobe chi̧'yobö chomukwatobetjö̧, jobetjö o̧ba chöbaledobö.

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.

3 Juan 1:1

Gayo dokwa. Ötjöma Jesúsnö ösödadö tjuluwo̧sa. Ja̧danö, te'ada̧lakwawa jojosa. Ja̧danö, böja kwialusöjama ökwönö chiwȩyuda Gayo, Jesústjö chöjawo̧ chösödökwenöma. Gayo, ökwönö ile nibebo̧sa bakwainö Dios yöawi̧, isabenö ji̧ iwenema dösödobetjö̧.