Hechos 20:38 - Dios Iwene

³⁸ Jobadöma Pablonö yöawaja̧ omukwatö, Yemidanö ötjönö kwedaduwokobe, jö̧ba̧lö, yöawaja̧ omukwatö jwiinö tjo̧'wo̧ tjo̧tjekwinö babibijadötö. Ikenama jobadöma Pablokwö 'yi̧jadötö i̧'yakwowi lo̧bekwö.

Hechos 20:38 ပူးပေါင်းရင်းမြစ်များ

Hechos 15:3

Ja̧danö, webijadötö Pablonö, Bernabénö ju'wedö Antioquíanö ju̧kwadönöbi Jerusalénbe tji̧'yobö. 'Ya̧jadöma ja'ö, Fenicianöbi, Samarianöbi ichibö jobe ju̧kwadönö yöbawijadötö, Judío jojodöböködöbi Jesúsnö tjösödijatö, Jesúsma dö̧jibinö pjabato̧, jö̧ba̧lö. Ja̧danö, jobe ju̧kwadö Jesúsnö ösödadöma ja̧ yötjawi̧ a̧ja̧kwö jwiinö ösödijadötö.

Hechos 20:25

Ina yöbawijetö: —Jau chömöledö, ökwödönö yöbawö kwetachijatö, Dios La'aka Luwo̧ ö̧ji̧ wene yöbawö. Babema tjo̧wi̧, ötjönö yemidanö kwedaduwökakobe.

Hechos 21:16

Cesareanö ju̧kwadö Jesúsnö ösödadötjö ju'wedöma ökwödökwö tjichijatö Jerusalénbe. Jobe dichibenama ökwödökwö ichajadöma ökwödönö öbibö tji̧'yijatö dabakweju jobekwö, Mnasón mikwo̧ ejube. Jo̧bama, Chipre ö'wejesa'otjö ichina, ajayinö Jesúsnö ösödinadötjö jojobijetö.

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 25:26

Jo̧kwaijayonö babema chomukwata ¿dakwö yöbawö chiwȩyuda duluwo̧nöma, bite ja̧inama? Wajwita, idödada wene tjujuna̧lakwawobetjö̧. Jo̧kwaobetjö̧ ökwödönö kwichaduwobö jwötijatö, judío jojodö jwötjeba̧li̧ jo̧ba a̧ja̧kwö atadi̧ma kwa̧ja̧kwaduwobö. Chuluwo̧ Agripa, ökwö kwa̧ja̧kwobö jwiinö chösödobö jö̧ta̧lijatö. Kwa̧ja̧kwaja̧duwa ikena, pjakataduwotjö kwialusöjanö chiwȩyudi̧ma chöwaisobö.

1 Corintios 16:11

Ja̧danö, ökwödötjö bakwo̧bi jo̧banö öpöjödobö webökönaduwi, Aaa, Timoteoma sulabo̧ jö̧ba̧lö. Ja̧danö, otiwanö pjakataduwonö, juluwanö jobetjö wene jwiinö laebo jö̧ba̧lö, ja̧danö juluwanö ötjökwö yemidanö ichibo jö̧ba̧lö. Jau chömöledö, ju'wedö dömöledö Jesúsnö ösödadökwö Timoteobi baikwö ȩwa̧jobö chite'ada̧lobe.

Gálatas 6:10

Jo̧kwajabetjö̧, otiwanö ja̧dobö ji̧tjö̧ma, otiwanö ja̧bö dö̧jo okobe deinö jojodönö chömöledö, ja̧danö ju'wedönö otiwanö ja̧di̧tjö bajalekwönönö otiwanö ja̧bö dö̧jo dömöledö Jesúsnö ösödadönöma chömöledö.