Hechos 20:31 - Dios Iwene

³¹ Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.

Hechos 20:31 ပူးပေါင်းရင်းမြစ်များ

Mateo 13:25

Jo̧kwaijayonö, yö̧te okobe deinö tjabonö, jo̧ba öpöjojoma ichö, sula'wosa'ye ödebiyabi ikwö ujuninobe, trigosa'ye 'da̧de pokwobö. Ja̧danö ikwajo̧, ȩwa̧jinobe.

Mateo 3:7

Israel jojodö tjuluwedö fariseo jojodö ötjabiwö̧tjöbi, saduceo jojodö ötjabiwö̧tjöbi ju'wedö tjichinobe, jobadönöbi Juan ojwenö ubu̧dato jö̧ba̧lö. Jo̧kwaijayonö, sulabenö tjomukwati̧ kabatibö balewachökönö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja a̧ko̧'dö̧ nibadödanö, ja̧danö sulabenö kwomukwataduwi̧ balewachökönö, Dios lȩebakwa̧tjö kwö̧jibaduwobö omukwatadöja.

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Hechos 19:10

Ja̧danö, jobetjöma döbalataja o̧biya jenanö yöbawijetö. Jejenö lekwe yöawobetjö̧ okobe deinö Asianö ju̧kwadöma, judío jojodöbi, judío jojodöböködöbi a̧ja̧kwijadötö Duluwo̧ iwenema.

Hechos 19:8

Ja̧danö, Pabloma, Éfesonö ja̧nöma ja̧wo̧dö wa̧medukwa luwa jenanö, judío jojodö tjotidökö mölekwena jobadö yötjaweju okwa tebachiabijetö. Tebachajo̧ yebabökönö yöbawijetö Dios iwenema. Jojodö yötja̧li̧ atada̧lö, ösödö yöbawijetö Pabloma, Dios La'aka Luwo̧ ö̧jena baibakwawa wenema. Jejenö yöbawijetö jojodönö, Diosnö tjösödo jö̧ba̧lö.

Hechos 20:11

Ikenama Pabloma yemidanö mösȩko̧be önöchajijatö. Nöchö pan 'di̧jawö iyabinö ukwijatö. Kwanö kabatö lekwe yöawijatö, dewachenanö baibanö. Ikenama ökwödöma jobetjö labebö dȩwa̧jijatö.

Hechos 20:19

Ötjöma, Ökwödötjö o̧penönö jo̧sa, jö̧ba̧lö, la'akatjöda omukwatö chö̧jijökötö, ökwödökwö chö̧jonö. Jejenö, ötjönöda omukwatökönö, Duluwo̧ weina ja̧bö chö̧jijatö. Yelösöda usula chemawijatö judío jojodöma ötjönö kabatökönö, Kwabö lodonö, jö̧ba̧lö, omukwatö tjisakwobetjö̧. Ökwödökwö ja̧nö budekwaböbi chubudekwabijatö usula emawö.

Hechos 20:7

Jobetjöma, domingo möle, ajayi möle mikwi̧ möle, yi̧bena, ökwödöma ju'wedö Jesúsnö ösödadökwö ko̧ko̧kwö döba̧jijatö. Ko̧ko̧kwö ba̧jöma Jesús woina omukwatö ubasobu owö, pan kwanö döba̧jijatö. Kwanö kadatena Pabloma yöawijatö jojodönö, lekwe, yö̧te ja'ö baibanö. Ju'wi dewachö yȩayi ȩwa̧jo jö̧a̧laja̧ma Pabloma lekwe yöawijatö ja̧ yö̧tema.

Hechos 24:17

Ina atadijetö: —Jemi ikenama, ötjöma ja'yubeda lekwe o̧biya baledibanö Jerusalénbe chi̧'yijökötö. Ikenama lekwajabetjö chi̧'yijatö Jerusalénbe balada iyö pjabatö chömöledönö. Diosnö juwö iyöbi chi̧'yijatö.

1 Corintios 4:14

Biya̧ sulabenö kwomukwataduwi̧ chiwȩyudaja̧ma, tabatjö kwo̧'wo̧ tjo̧acho jö̧ba̧löma chiwȩyudökö chömöledö, ökwödönö jwebebö chiwȩyudajabe chömöledö. Jau chömöledö, ökwödöma chösödawö̧ chi̧tji̧mudanöbedöja chömöledö, jo̧kwajabetjö̧ ökwödönö pjatato jö̧ba̧lö ba̧ja̧dö chiwȩyudajabe chömöledö.

Filipenses 3:18

Jo̧kwaijayonö, ökwödö ja̧bö dö̧ji̧danö ja̧böködönöma, jobadö ja̧tji̧danöma ja̧bökönaduwi chömöledö. Ökwödönö yöbawiachinadanö, yemidanö budekwö yötawaduwakwö chömöledö, ju'wedöma Cristo towisa'onö midawö woina wene öpöjojodö tjuju̧kwobe,

Colosenses 1:28

Jo̧kwajabetjö̧, Cristonö yödawobe okobe deinö jojodönö chömöledö. Jau chömöledö waisanö omukwatö okobe deinö jojodönö lȩbebö yödawobe, ja̧danö jobadönö döba̧ja̧dobe, jobadö bakwo̧nökwena Cristokwö dötewanö ja̧nö tjo̧'wo̧ luwo̧nö tjöda̧peacho jö̧ba̧lö, ja̧danö wanedö yötawa jejenö da̧peachajadönö Dios öba a'o öbibö dujuno jö̧ba̧lö.

1 Tesalonicenses 5:14

Ja̧danö, tupakwö wedaduwakwö chömöledö, 'dö̧wekwachibadönöma kwöba̧ja̧daduwo, 'dö̧wekwachibökönö tjö̧jo jö̧ba̧lö. Ja̧danö yebabinö ju̧kwadönöma tjujuluwachibanö pjakataduwo. Ja̧danö me'dawadönöbi pjakataduwo. Jobadö okobe deinö pjabatö kwö̧jaduwenama, kwo̧'wo̧duwi 'dibachibö kwö̧jaduwo chömöledö, jobadönö öpöjödökönö.

2 Tesalonicenses 2:5

¿Kwomukwataduwökiji̧ chömöledö? Ina ökwödökwö chö̧jayi, ja̧ wene ökwödönö yötawijatö chömöledö.

2 Tesalonicenses 3:8

Ja̧danö, bakwo̧ u̧kwabi dukwijökötö midökönöma, ¿jö̧tö? Jau chömöledö, yö̧tebi, mölebi dotidijatö, usula emawö dotidijatö, ökwödö Tesalónica jojodöda nöinö kwotidaduwapji jö̧ba̧lö, du̧kwa kwiyaduwobö.

2 Timoteo 4:5

Timoteo, ba̧kwȩlö̧jatebö jweinö omukwatö kwö̧jo, ja̧danö usula kwemawenama, kwo̧'wo̧ 'dibachibö kwöbaledo. Otiwa jawa wene yöbawö kwotido, ja̧danö ju'wi Dios ökwönö wei̧bi otidö kwö̧jo.

Hebreos 13:17

Ju'wi jawabi chömöledö. Dios iwene yöawakwawa jojodönö yötjawi̧ a̧ja̧kwö kwuju̧kwaduwo, Bidöma waisanö te'ada̧ladö do̧'wo̧ luwo̧nö da̧peachö di̧'yobö, jö̧ba̧lö. Chömöledö, bajaleapo möle baibena Diosma jobadönö yöawakobe, tjite'ada̧linawö̧nö otiwanö tjite'ada̧linojobö, otiwanö tjite'ada̧linokojobö, jö̧ba̧lö. Jo̧kwaobetjö̧ ökwödönö otiwanö te'ada̧lö pjatjatobö jö̧tja̧lobe. Jo̧kwaijayonö yötjawi̧ öpöjödö kwa̧ja̧kwaduwökötjö̧ma jobadö ökwödönö otiwanö pjatjatobö, kwöda̧peachaduwobö pjatjatoböma jwiena chömöledö. Jo̧kwaobetjö̧ jobadö yötjawi̧ a̧ja̧kwö kwuju̧kwaduwo chömöledö.

Apocalipsis 16:15

Damötjö, Duluwo̧ Jesucristoma ja̧ möle baledakwa̧ma baikwö yöawijatö: A̧ja̧kwaduwitjö. Ö'wiawakwawalö̧jönö ja̧nö eda̧lö te'ada̧lakwawö ju̧kwaduwi, ötjö chichakwa̧ma. Ötjöma, naukwabo̧ ichi̧danö chichakwo̧sa, jojodö wajwitjemi okwanö. Wanedö yötawa: Bakwo̧ kamijido̧ jwibo̧, yenada juna̧lo̧ma, ju'wedö tjichitjö̧ma omönanö emibö 'duawena, kamijido̧ jwibo̧ jö̧könö. Jo̧bama taba jwiinö jo̧. Jejenö ö̧jena, bakwo̧ ötjö chichakwa̧ ö'wiawakwawalö̧jönö ja̧nö eda̧löda te'ada̧lo̧ma. Chichenama otiwanö ö̧jakwo̧, taba̧lökönö, jö̧ba̧lö wanedö yöawijatö Jesúsma, damötjöma.