Hechos 2:40 - Dios Iwene

⁴⁰ Pedroma ina nöinö yöbawijetö, jojodönö lȩbebö: —Diosma kwö̧jibaduwinö pjaataduwokwö abebaduwi, Jesúsnö ösötenö bȩbinadö lȩebakwawö̧ tjemi̧danö ökwödöbi kwemaduwapji, jö̧ba̧lö— yöbawijetö.

Hechos 2:40 ပူးပေါင်းရင်းမြစ်များ

Proverbios 9:6

Ja̧danö, duluwuju jweinö omukwatö ja̧kwawa jojosujuma ökwödönö baikwö jwebebö yöbawuju: —Ökwödö ajayinö wajwibö kwö̧jinaduwa kabatibö kwöbalewachaduwo otiwanö kwö̧jaduwakobetjö̧. Jobekwö kwö̧jaduwo kwöwaisaduwakobetjö̧ di̧ya sulojobö jö̧ba̧lö, di̧ya otiwojobö jö̧ba̧lö — jobekwö jwebebö yöbawuju jweinö omukwatö ja̧kwawa jojosujuma ökwödönöma, ichaduwi tekachaduwo jö̧ba̧lö— jobekwö yötjawinobe jweinö omukwatö ja̧kwawa wanekwachuju jömöayedö ya̧döma.

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

Mateo 16:4

Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma sule bakwöta jawada chi̧sebocha, Dios yöawi̧ yöbawo̧ Jonás mikwo̧nö baledinadanö. Jonas ba̧i̧so̧ ukwa'wo okwa a̧jina baledinadanö baledakwa̧da chi̧sebocha— jö̧ba̧lö yöawinobe Jesúsma. Ikenama, jejenö yöbawajo̧, jobadötjö 'da̧bachibö jelobe i̧'yinobe.

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 23:33

Ökwödöma isabenö a̧ko̧'dö̧danöbedöja, ja̧danö a̧ko̧'dö̧danöbedö tji̧tji̧mubedöja. Ökwödöma isabenö ökwöla nöolatjö Dios lȩebi̧tjö kwemaduwakwedöja.

Marcos 8:38

Isabenö yöta̧la, babe ju̧kwadö sulabenö ja̧bö tjuju̧kwobe, Diosnö öpöjödö böjȩ jawada ösödö. Bakwo̧, ötjönö öpöjödinö jo̧ma baikwö baledakwo̧. Ju'winö ötjöma, jojo babibö öwabachinama, yemidanö böjȩkwö chichenama ötjönö öpöjödo̧nö ötjöbi chöpöjödakobe. Isabenö ju'winö, Dios dewinö dejatinö böjȩkwö yemidanö chichena, suli̧ jwibadö ángelesdökwö chichenama, ötjöbi jo̧banö edö chöpöjödakobe— yöbawijetö Jesúsma iteda öba̧ja̧di̧ waisachadönö.

Lucas 16:28

Jau chabe'do Abraham, chö̧ja̧wo̧dö bakwamu jojodö tjö̧jobe, ja̧danö jobadönö yöawobö chösöda, sulabenö tjomukwati̧ kabatibö tjöbalewachökötjö̧ma usula tjemawakwa̧ yöawobö. Jau chabe'do, ötjökwö usula emawö bola ökwölabe tjichibapji jö̧ba̧lö, jobadönö yöawobö ateba, jö̧ba̧lö aebinobe.

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Juan 21:25

Ja̧danö Jesús ja̧inama jwiinö nöobe. Yelösöda ju'wi jawabi, ju'wi jawabi jo̧be. Okobe jwiinö chiwȩyudoböma jwiobe jwiinö nöobetjö̧. Okobe jwiinö Jesús ja̧ina chiwȩyuditjö̧ma, Jesús ja̧ina lödö chiwȩyuda'yebiyama nöobetjö̧ böjȩnö lödawa jwiena. Tjo̧wi̧ta, biya̧da chiwȩyuda.

Hechos 10:42

Ja̧danö, jo̧bama weijatö ökwödönöma jojodönö yödawobö Dios jawa otiwa wenema. Ja̧danö, ju'wibi yödawobö weijatö Jesúsma ökwödönöma. Diosma Jesúsnöda webijetö, ju'wi möle jojodö wobajadöbi, ina 'yaba̧ladöbi tjö̧ji̧ma otiwojobö, sulojobö, jö̧ba̧lö, yöawobö. Ja̧ wenebi yödawobö weijatö Jesúsma ökwödönöma.

Hechos 15:32

Ikenama Judasbi, Silasbi, Dios yöawi̧ yöbawadöma Antioquíanö ju̧kwadö Jesúsnö ösödadö tjo̧'wo̧ ösöwachibanö lekwe yöbawijadötö, tjo̧'wo̧ luwo ujuluwachibanö jemi tupakwö tji̧'yobö.

Hechos 20:11

Ikenama Pabloma yemidanö mösȩko̧be önöchajijatö. Nöchö pan 'di̧jawö iyabinö ukwijatö. Kwanö kabatö lekwe yöawijatö, dewachenanö baibanö. Ikenama ökwödöma jobetjö labebö dȩwa̧jijatö.

Hechos 20:2

Jobe ichibö okobe jwiinö comunidadkwena kwebachö 'yi̧jetö. Ja̧danö, jobe comunidadkwena kwebachö ja̧nö yöba̧lijetö jojodönö, tjo̧'wo̧ ösöwachibanö tjomukwatobö Diosnö. Jejenö yöbawö kwebachöma Grecia nijibe ichibijetö.

Hechos 20:21

Judío jojodönöbi, judío jojodöböködönöbi, bakwaidödanö edö yöbawiachijatö. Sulabe tjomukwati̧ kabatibö tjöbalewacho, jö̧ba̧lö, yöbawiachijatö. Jesúsnö tjösödo jö̧ba̧lö, yöbawiachijatö— yöbawijetö Pabloma.

Hechos 20:24

Jau chömöledö, usula chemawena Jerusalénbe chȩwa̧jobema. Yayonö Jerusalénbe chȩwa̧jocha. Jejenö Jerusaléntjö usula chemawitjö̧ma usula chemawena. Isabenö yöta̧la. Ötjöma böjȩnö chö̧ji̧ wame jawama ba̧wa̧lö̧jinö edökösa. Ja̧ jawa mikwawökö chömöledö. Biya̧da ba̧wa̧lö̧jinö edo̧sa chömöledö: Otiwa wene yötawoböda ba̧wa̧lö̧jökwesa. Dios jojodönö lȩlö̧jino edö tjö̧jibinö pjaatinobe, jö̧ba̧lö, yötawoböda ba̧wa̧lö̧jökwesa chömöledö. Jejenö Duluwo̧ Jesúsma ötjö yötawoböda weijatö. Jo̧kwaobetjö̧ jo̧ba yötawobö weinama ¿dakwö yötawököjö? Yöbawo̧sa chömöledö. Ötjöma wotenanö baibanö yötawocha Dios weinama— yöbawijetö Pabloma.

Hechos 20:9

Jȩko̧tjöma bakwo̧ möayo̧, Eutico mikwo̧ma ventana'donö ba̧nö Pablo yöawi̧ a̧ja̧kwa̧lijatö. Jo̧bama jobe ba̧nö, Pablo lekwe yöawobetjö̧ jo̧bama bö̧ti̧lö̧jachibiökwe abiba̧lijatö. Jejenö bö̧ti̧sinö abibö, omönanö, jobetjöma, tres pisos jenanö möobetjöma nijibe meijatö. Jejenö meiawö̧ ömöledöma juluwanö yutuibö tjedemi ida̧ökö ö'wö babibajo̧nöda tjedijatö.

Hechos 28:23

Jejenö, Ökwödönö yöbawi, jö̧ba̧lö, abebajadö, Pablo yöawakwa̧ möle badedö junijadötö. Ja̧ möle baibena jojodö ba̧jekwadö 'yi̧jadötö Pablo ejube. Ichibajadönö Pabloma möle baledibanö yöbawijetö Dios iwenema. Dios La'aka Luwo̧ ö̧jena wenebi yöbawijetö. Moisés iwȩyudinabi, Dios yöawi̧ yöbawadö damötjö tjiwȩyudinabi eda̧lö labebö lobö yöbawijetö Pabloma. Yöbawijetö, Jesúsma Dios yöbawö ujuninökwe jojodö tjö̧jibinö pjaatobö, jö̧ba̧lö, jojodö tjöwaisachibobö.

Hechos 4:36

Jejenö pjabatijetö bakwo̧, levita jojo, José mikwo̧, Chipre ö'wejesa'onö jo̧ma. Jesús webawedöma jo̧banö öbabijadötö Bernabé. Bernabé jö̧ba̧löma, Ömöledönö tjo̧'wo̧ ösöwanö tjomukwatobö pjabato̧, jö̧ba̧lö.

2 Corintios 5:20

Jo̧kwajabetjö̧, babema Cristo yöa̧lo jö̧a̧laja̧ma, ökwödönöda weajabe, jo̧ba yöa̧li̧ma ökwödöda jojodönö yödawobö. Jo̧kwajabetjö̧ Cristo yöa̧lo jö̧a̧li̧ma, jojodönö yöbawö dö̧jobe chömöledö. Jau chömöledö, ökwödönötjö Diosma jojodönö budekwödanö a̧deba̧lobe, chömöledö bakibaduwo jö̧ba̧lö. Jau chömöledö, sule yöbawödama yödawokobe, budekwödanö jojodönö yödawobe, Jesúsnö kwösödaduwo jö̧ba̧lö.

2 Corintios 6:17

Jo̧kwajabetjö̧ Dios wei̧danö ja̧dobö jo̧be chömöledö, baikwö laebobe Dios iwene: Duluwo̧ wei̧ma baikwö laebobe: ötjönö öpöjödadö tjö'da̧detjö labebaduwi, ja̧danö jobadötjö 'da̧bachibaduwi. Jobadö tjujuna̧li̧ suli̧ jawa mabökönaduwi, ja̧danö ökwödönö chösödocha,

Gálatas 5:3

Yemidanö baikwö labebö lobö yötawa chömöledö: Bakwo̧ Dios jo̧banö ösödo jö̧ba̧lö ötade bajalesado̧ 'wiekwa jawa ja̧itjö̧ma, sule ja̧damaökö chömöledö, ja̧ 'wiekwa jawabi, okobe jwiinö Dios weina Moisés iwȩyudina ja'yubebi junibökönö ja̧obö jȩna, ja̧tjö Dios jo̧banö ösödo jö̧ba̧lö.

Efesios 4:17

Jo̧kwaobetjö̧ chömöledö, Duluwo̧ma ötjönö weinadanö yötawaduwakwö. Diosnö wajwibadö sulabenö omukwatö tjuju̧kwi̧danöma omukwatö kwuju̧kwaduwa. Jobadöma Diosnö wajwitjobetjö̧ mikwa jwii̧ jawada omukwatö ja̧bö ju̧kwadö.

Deuteronomio 32:5

Jo̧kwaijayonö ökwödö israel jojodöma, jo̧ba kwabe'doduwi Dios otiwo̧ ö̧ji̧danöböködöja. Dios itji̧muköbaduwijayonö, jo̧ba itji̧mu otiwanö ja̧bö tjö̧ji̧danöma ja̧bö jö̧ködöja. Jau, kwabe'doduwi Diosnö öpöjödö, ökwödöma omöna yöba̧ladö ja̧danö jwiinö sulabedöja.

Filipenses 2:15

ökwödöma wene jwiinö, ja̧danö sulabe jwiinö böjȩnö kwö̧jaduwakobetjö̧. Jau chömöledö, ökwödöma sulabedö tjö'da̧detjö, jwaikwöda sulabenö ja̧badö tjö'da̧detjö kwö̧jaduwijayonö, Dios i̧tji̧mu sulabe jwibadö kwö̧jaduwo. Jau chömöledö, wanedö yötawa, böjȩ jojodö tjö'da̧de ja̧nö, ökwödöma dejewa'yu̧ ubi̧danö kwidejataduwo,

1 Tesalonicenses 2:11

Kwöwaisaduwa chömöledö, bakwo̧ iteda i̧tji̧munö yöawi̧danö yödawijatö ökwödönö.

1 Timoteo 4:16

Otiwanö ja̧bö kwö̧ji̧bi, ja̧danö Dios iwene yöbawö kwö̧ji̧bi omukwatönö kwö̧jo, Dios ösödi̧danö ja̧bö kwö̧jobö, ja̧danö jwaikwöda ökwönö yötawaja̧danö ja̧bö kwö̧jobö. Jejenö ja̧bö kwö̧jitjö̧ma, ökwöbi ja̧danö yökawi̧ a̧ja̧kwadöbi kwö̧jibaduwakwedöja.

1 Pedro 5:12

Chömöledö, Silvano mikwo̧ pjaatonö, ja'yubeda ökwödönö chiwȩyudajabe chömöledö. Silvanonö chöwaisökwe chömöledö, dömöledöso̧ otiwanö Dios wei̧ otidö jo̧ jö̧ba̧lö, ja̧danö ökwödönö chiwȩyudobö pjaatajabe. Omukwatö chiwȩyudi̧ma, baikwö yötawa chömöledö: Ökwödönö kwujuluwachibaduwanö pjatatobö chösöda. Ja̧danö ökwödönö baikwö yötawobö chösöda: Chömöledö, chöwaisa, Dios lȩlö̧jinö edö otiwa jawa iyi̧ wenema, kwösödaduwi̧ weneda, ja̧ wene ösödö 'diinö kwö̧jaduwobö jo̧be. Ja̧ wenema isabenö wene chömöledö, jo̧kwajabetjö̧ ökwödönö chiwȩyudajabe, jweinö kwomukwataduwakobetjö̧.