Hechos 19:40 - Dios Iwene

⁴⁰ Ökwödö labinö jwökeba̧laduwi̧ma Roma la'aka luwedöma tjöpöjödena. Yötja̧lena, Bidöma jwiinö sulabenö jwöbeba̧ladö, jö̧ba̧lö. Jejenö yötja̧litjö̧ma atadakwawa jwiinö dö̧jena chömöledö—yöbawijetö.

Hechos 19:40 ပူးပေါင်းရင်းမြစ်များ

1 Reyes 1:41

Ja̧ baledi̧ma, Adoniasbi, a̧debaja̧wö̧bi kwanö katjatajena, baledinobe. Ja̧danö trompeta pjutjobe a̧ja̧kwö, Adoniaskwö jo̧ Joabma abebö a̧ja̧kwinobe, —Comunidadtjö, tajawedö labinö ökwöobeda, —jö̧balö.

Mateo 26:5

Jejenö omukwatö yötja̧linobe: —Jojodö pjiesta tjujunonö jo̧banö do̧datoko, pjiesta tjujunonö jo̧banö do̧datitjö̧ma, jo̧banö do̧dati̧ edö jojodö tjölabipji jö̧ba̧lö— yötja̧linobe.

Lucas 1:1

Ötjö Lucasma böja kwialusöja wȩyudö weta jojodö otiwanö tjo̧mukwatökwe Teófilo mikwo̧nö. Chömöledöso̧ Teófilo, kwöwaisa, ba̧jekwadö wȩyudö tjotidinobe, dö'da̧detjö baledina jawa, Jesús ö̧jina jawa tjiwȩyudobö.

Hechos 19:39

Ikenama, ökwödöma ina bidö ja̧tjina yökawaduwobö jö̧ka̧laduwitjö̧ma kwite'ada̧laduwo ju'wi möle, ko̧ko̧kwö yödawakwa̧ mölema.

Hechos 19:41

Jejenö yöbawö kabatö jojodönö webijetö tjȩwa̧jobö.

Hechos 20:1

Ikenama Éfesotjö jojodö ölakwabikwawö katjatajena Pabloma jwöbijetö jobe ju̧kwadö Jesúsnö ösödadönö tjichobö. Jejenö jwöbajo̧ ichajadönö yöba̧lijetö tjo̧'wo̧ ösöwachibanö tjomukwatobö Diosnö. Yöba̧lö kabatö, Ötjöma tjo̧wi̧ chi̧'ya, jö̧ba̧lö, Éfesotjö labebö, 'yi̧jetö Macedonia nijibe.

Hechos 21:31

Ja̧danö, Pablonö tötöbajadöma, Kwabö lodonö, jö̧ba̧lö, omukwatijadötö. Jo̧kwaijayonö romano jojodö guardia jojodö tjuluwo̧ma ju'wedö yötjawi̧ a̧ja̧kwijetö judío jojodö jwöbeba̧lö tjölakwabi̧ma.

Hechos 21:38

Egipto jojokö̧, jö̧ba̧lö, chomukwatatö ökwönöma. Belöma, Egipto jojoma sulabenö ja̧inobe. Jo̧bama la'aka luwo̧nö öpöjödö ju'wedönö jwiinö sulabenö yöa̧linobe, la'aka luwo̧nö tjölakwabinö baibanö. Ba̧jekwadö, cuatro mil jenanö sulabedönöma, jojodönö kwabö lobadöma, la'aka luwo̧nö öpöjödö tjölakwabinö ja̧bö öbibö i̧'yinobe, jojodö deobekwö. Ökwöma jo̧badakö̧, jö̧ba̧lö, chomukwatatö— jö̧ba̧lijetö Pablonöma.

Hechos 24:22

Ikenama Félixma tupakwö yötjawobö öpöjödijetö, ji̧kwa mananö kwebachadö ötjabiwö̧ yötjawi̧ ida̧ökö öwaisobetjö̧. Jo̧kwaobetjö̧ jö̧ba̧lijetö: —Tjo̧wi̧ta, guardia jojodö tjuluwo̧, Claudio Lisias mikwo̧ ichena weawa yötawocha— jö̧ba̧lijetö.