Hechos 18:28 - Dios Iwene

²⁸ Jojodö tjeda̧lonö Apolosma judío jojodö öpöjödö atjeba̧li̧ma atadijetö. Ja̧danö, Dios iwene jweinö labebö lobö yöbawijetö, Jesúsda Dios weinökwema, jö̧ba̧lö, jojodö tjö̧jibinö pjabato̧ma Jesúsda, jö̧ba̧lö. Jejenö judío jojodönö jweinö labebö lobö yöawiawö̧, Jesúsnö ösödadöma a̧ja̧kwö tjo̧'wo̧ ösöwachibanö ju̧kwijadötö.

Hechos 18:28 ပူးပေါင်းရင်းမြစ်များ

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Lucas 24:27

Ja̧danö jemi ikenama Moisés iwȩyudinatjö jamatö, okobe jwiinö ju'wedö Dios yöawi̧ yöbawinadö Dios weakwo̧ jö̧a̧linökwenö tjiwȩyudinakwö bajalenö, okobe jwiinö Dios weakwo̧ jö̧a̧linökwenö tjiwȩyudina jawa labebö lobö yöawinobe, tjiwȩyudinama baikwö badekwachobe jö̧ba̧lö. Jejenö labebö lobö öwaetjöda i̧sebinobe, Jesúsnö baledinama jwaikwöda ajayinö tjiwȩyudinadanöda badekwachinobe jö̧ba̧lö.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 5:39

Ina yöawinobe: —Ökwödöma Dios iwenetjö edö isakwö ja̧döja, jojodö tjö̧jibina pjabato̧ jawa kwöwaisachibaduwobö. Yötawaduwakwö. Dios iwenetjö ötjönöda yöawobe.

Hechos 17:3

Pabloma jweinö yöbawö i̧sebijetö Dios iwenetjö, Dios yöawi̧ yöbawadö jawa wene laebi̧ma. Jo̧banö isabenö baledakwa̧ jawa wene laebi̧ma i̧sebijetö. Dios yöawi̧ yöbawinadö damötjö tjiwȩyudina eda̧lö i̧sebijetö jojodö tjö̧jibinö pjabato̧ usula emawakwa̧ wenebi, ö'wöchakwa̧ wenebi, yemidanö tjeachajakwa̧ wenebi laebi̧ma. Ja̧danö, yöbawijetö: —Chömöledö, Dios yöbawö ujuninökwema, ökwödö dö̧jibinö pjaatobö yöbawö ujuninökwema Jesúsda, ökwödönö yötawökwema— yöbawijetö.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Hechos 18:5

Ja̧danö, ju'wi möle Silás, Timoteo Macedoniatjö labebö Pablo ö̧jobekwö 'yi̧jadötö, Corintobe. Tjichibaja̧ ikena jemi tupakwöbi Pabloma ba̧kwȩlö̧jatebö yöbawöda yöbawiabijetö. Yöbawiabijetö, Jesúsda Dios weinökwema, jö̧ba̧lö. Dö̧jibinö pjabato̧ma Jesúsda, jö̧ba̧lö, yöbawiabijetö Pabloma judío jojodönöma.

Hechos 8:35

Ikenama Felipema, ja̧ Isaías iwȩyudinabi tupakwö ichibö, Jesús ö̧jina wenebi yöbawijetö.

Hechos 9:22

Ja̧danö, ja̧ möletjö tupakwö 'ya̧nö Sauloma ajayinö yöawinatjö o̧penönö juluwachibö yöbawijetö. Damasconö ju̧kwadö judío jojodönö jweinö yöbawijetö, Dios jojodönö tjö̧jibinö pjaatobö yöbawö ujuninökwema, Jesúsda, jö̧ba̧lö. Jweinö yöawawö̧ jobadöma atadakwawa jwiinö ba̧jijadötö.