Hechos 18:21 - Dios Iwene

²¹ Ikenama jö̧balijetö: —Tjo̧wi̧ chȩwa̧ja. Dios weitjö̧ma yemidanö chichocha— jö̧ba̧lijetö. Ikenama Éfesotjö ȩwa̧jijetö isowinö.

Hechos 18:21 ပူးပေါင်းရင်းမြစ်များ

Mateo 26:39

Webajo̧, ödöokobe 'ya̧wibö, öba nijakwö bamatö, Diosnö aebinobe: —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö Chabe'do, ökwöda kwösödi̧danö ja̧bi— jö̧ba̧lö.

Marcos 6:46

Ikenama öba̧ja̧di̧ waisachadö tji̧'yajabe okobe jojodönö: —Tjo̧wi̧ta. Ötjöma chi̧'ya— jö̧a̧laja̧ ikena, Jesúsma mö'ösa'obe 'yi̧jetö abe'donö abebö.

Lucas 9:61

Ja̧danö jelo̧ Jesúsnö yöa̧linobe: —Jau Chuluwo̧, kwökömanö chichocha, jo̧kwaijayonö chichakwa̧ abönö, tjebachajö chömöledönö chi̧'yakwa̧ wene yötawobö jö̧ta̧la— jö̧ba̧lö.

Hechos 15:29

Biya̧ jawada ja̧köbaduwobö jo̧be: Ju'wedö tjo̧'wo̧ jawa ösödö juwö iyawa kwakwawatjö u'yukwi̧ma kwukwaduwoko. Ju'wibi lȩdeba: Kwukwaduwakwo̧nöma abönö ökwösobuma nijibe ebawinö nubö kwönaduwo, ökwösobu jwiinö baibanö. Itebiya ökwösobukwö kwukwaduwoko. Ju'wi lȩdebi̧ma biya̧: Kwilekwobököjukwöbi kwö̧ja. Kwilekwebökökwöbi kwö̧ja. Ja̧ jawa ja̧bö kwuju̧kwaduwitjö̧ma otiwena dömöledö. Tjo̧wi̧ biya̧da yöbawö diwȩyuda— jejenö laebijetö tjiwȩyudinöjama.

Hechos 18:19

'Ya̧jadöma Éfeso comunidad tjolanö lamatijadötö. Lamatajadö, Pabloma, Prisilanö, Aquilanö junibö jo̧dawa'ye judío jojodö yötjaweju jo̧bekwö 'yi̧jetö. Jejunö tebachö Pablokwö judío jojodökwö yöba̧lakwawijadötö. Pabloma judío jojodö yötja̧li̧ a̧ja̧kwö atadijetö.

Hechos 18:20

Jobadöma, judío jojodöma, Pablonö jö̧ba̧lijadötö: —Ina ökwödökwö kwö̧jo ja'yubeda lekwe. Juluwanö ȩwa̧jökönuwi— jö̧ba̧lijadötö. Jejenö jö̧tja̧lijayonö Pabloma: —Chö̧jiboböma jwiobe chömöledö. Chȩwa̧ja— jö̧ba̧lijetö.

Hechos 18:24

Jobe kwebachö yöawonö jelo̧, judío jojo, Alejandria jojoma ichijetö Éfesonö, Apolos mikwo̧. Jo̧bama otiwanö waisanö yöbawo̧. Yelösöda waisijetö Dios iwene.

Hechos 19:1

Apolos Corintonö ö̧jibonö Pabloma yemidanö Éfesobe 'yi̧jetö, u'dakwöchobe mananö. 'Ya̧jo̧ma Éfesonö ichibö Dios iwene waisachadö edijetö.

Hechos 19:17

Ikenama ja̧ baledaja̧ yötjawi̧ma a̧ja̧kwö okobe deinö Éfesonö ju̧kwadöma, judío jojodöbi, judío jojodöböködöbi jwiinö yebabijadötö. Ja̧danö, Duluwo̧ Jesúsnö, Okobe jwiinö juluwo̧, jö̧ba̧lö, ösödö otiwanö yöba̧lijadötö.

Hechos 19:21

Ikenama ja̧ baledinemi tupakwöma Pabloma, o̧'wo̧ ösöwanö jö̧ba̧lijetö: —Aaa, ötjöma babema Jerusalénbe chi̧'yocha. 'Ya̧jo̧ma kwetachocha Macedoniabebi, Acayabebi. Ikenama, Jerusalénnö kwebachö kabatiböma Romabe yöbawö chi̧'yocha— jö̧ba̧lijetö.

Hechos 20:16

Jweinö di̧'yijatö Miletobe, Éfeso comunidadbema 'yö̧könö. Pablo ajayinö omukwatinobe, Jerusalénbe juluwanö chȩwa̧jobö jö̧ta̧la, pjiesta, Pentecostes mikwi̧ pjiesta baledakwa̧ abönö, chichibobö, jö̧ba̧lö. Jo̧kwaobetjö̧, Asianöma lekwe kwedachoböma chöpöjöda, jö̧ba̧lö, Éfeso comunidad baledö jweinö di̧'yijatö Miletobe.

Hechos 21:14

Jejenö jö̧a̧litjö̧, ina, Jobema kwi̧'yoko, jö̧ba̧lö, yemidanö lȩdeabijayonö öpöjödijatö Pabloma, Chi̧'yakwo̧sa, jö̧ba̧lö. Jo̧kwaobetjö̧ budekwabinö lȩdeabi̧ma kadatakwawijatö, Jau kwatjö̧ma, Duluwo̧ ösödi̧da baledakwo̧ja, jö̧ba̧lö.

Hechos 21:29

Ja̧danö, jobadöma ajayinö Pablonö jelo̧kwö kwetjachobe edijadötö. Jelo̧ma judíoso̧bö̧kö̧, Éfeso jojo, Tropimus mikwo̧. Jejenö tjedinobetjö̧ wajwibö omukwatijadötö, Pabloma Trófimonö teatajakö̧, jö̧ba̧lö, jeju okwa. Jejenö tomukwatijayonö Pabloma la'akatjöda tebatijökötö Trófimonö Dios eju okwa.

Romanos 1:10

Atebi̧ma, kabatökönö Diosnö atebobe, jo̧ba ösöditjö̧ma, bajaliyanö ökwödönö edö chichoböma weo jö̧ba̧lö.

Romanos 15:32

Ja̧danö, biya̧ judío jojodöböködö tjiyina Jerusalénnö ju̧kwadönö chiyaja̧ ikenama, Dios ösöditjö̧ma ökwödö Roma jojodönö edö chi̧'yena. Dios jejenö weitjö̧ma, cho̧'wo̧ ösöwanö ökwödökwö Roma jojodökwö chichibocha, ja̧danö ökwödökwö ja̧nö chösödocha chömöledö. Jejenö nöinö chotidajabetjö babema chö'wachibakobe chömöledö.

1 Corintios 15:32

Ja̧danö, isabenö woawatjö tjeachakwawa jwiitjö̧ma, ¿taji mikwawobeda ja̧ woto jö̧ta̧li̧ma chömöledö? Ja̧danö, bena Éfesonö ja̧nö jojodö labidö tebonö ju̧kwadödanö ichejekwadökwö ölakwabikwawö chö̧jijatö chömöledö. Ja̧ma ¿böjȩnö chö̧ji̧ pjaato jö̧a̧lenaji̧, otiwanö chö̧jo jö̧ba̧löma? Isabenö woawatjö tjeachakwawa jwiitjö̧ma, ölakwabikwawöma chö̧joko jö̧ta̧lajena chömöledö. Jau chömöledö, ju'wedöma baikwö yötja̧lobe, itekwayi möle wodena, jo̧kwajabetjö̧ babe mölȩma dösödi̧ jawada ja̧do owöbi, kwanöbi jö̧ba̧lö. Ja̧danö, isabenö woawatjö tjeachakwawa jwiinatjö̧ma, jobadö tjomukwati̧danö domukwato jö̧da̧lena.

1 Corintios 16:7

Jau chömöledö, sule baledöma ökwödönö chedobö chöpöjöda, ja'yubenö lekwe ökwödökwö chö̧jobö chösöda, ja̧danö Duluwo̧ jejenö weitjö̧ma, jejenö ja̧tocha.

1 Corintios 16:8

Pentecostes ötjabi̧ pjiesta baibenanö kabatö, ina benada Éfesonö chö̧jocha chömöledö.

1 Corintios 4:19

Jo̧kwaijayonö, Duluwo̧ weitjö̧ma, juluwanö jobe chichibakobe chömöledö. Ja̧danö, jobe chichibenama, chöwaisachibakobe jobadö juluwadösa jö̧ba̧ladönöma. Baikwö yötawa: Dios ömöayedö dö̧ji̧ mikwawi̧ma sule daanö yödawi̧maökö, okwa jawada, Dios ujuludaobe. Ja̧danö, jobadöma isabenö yötja̧li̧danö Dios ömöayedö juluwadö tjö̧jitjö̧ma, Dios ujulu tjujuna̧lena. Ja̧danö, jobe ichibö jobadönö chöwaisachibena, isabenö tjujuluwojobö, omöna yötja̧lojobö jö̧ba̧lö chömöledö.

2 Corintios 13:11

Tjo̧wi̧ta chömöledö, böja kwialusöja katatakwa̧ abönö, baikwö bajaleapo bakwamu jawa yötawiba chömöledö. Kwo̧'wo̧ luwo̧ ösöwachibanö kwö̧jaduwo, ja̧danö sulabenö ja̧bö kwö̧jaduwi̧ jwekekwaduwo, ja̧danö bakwo̧nökwena kwujuluwachibaduwobö pjakatakwawaduwo, ja̧danö kwömöledö Jesúsnö ösödadökwö bakwainö omukwatö kwö̧jaduwo, ja̧danö wene jwiinö kwö̧jaduwo chömöledö. Jau chömöledö, jejenö ja̧bö kwö̧jaduwo, ja̧danö jejenö ja̧bö kwö̧jaduwiökwe isabenö Diosma ökwödökwö ö̧jakwo̧. Jau chömöledö, Diosda dömöledönö ösödabikwawö dö̧jobö pjabato̧ma, ja̧danö dömöledökwö wene jwiinö dö̧jobö pjabato̧ma chömöledö, ja̧danö jo̧bama ökwödökwö ö̧jakwo̧.

Efesios 1:1

Ötjö, Pablo, böja kwialusöjanö yöbawö chiwȩyuda. Ötjöma Cristo Jesús webawo̧sa, Diosma jejenö omukwatö ösödinobetjö̧. Ökwödönö chiwȩyuda, Éfesonö ju̧kwadönö, Dios ömöledö babibinadönö, Cristo Jesúsnö kwo̧'wo̧duwi wana̧lö ja̧dönö.

Deuteronomio 16:1

Tupakwö yöawinobe Moisesma: —Chömöledö, kwöwaisaduwa, damötjö kwuluwo̧duwi Isabenö Jo̧ Dios ökwödönö Egipto nijitjö lakebaduwinö pjaatinenama, ajayi jawo̧ Abib jawo̧nö lakebaduwinö pjaatinobe, jö̧tö? Jau chömöledö, Abib jawo̧nö, yö̧te ja'ö jobetjö lakebaduwinö öibinobe, jo̧kwajabetjö̧ ja̧ baledina omukwatö, ba̧kwelöjatebö o̧ba bakwabakwena Abib jawo̧nö Dios mönö öbaledina omukwatakwawa ba'ali kwujunaduwo.

Hebreos 6:3

Ja̧danö, ja̧ ajayinö tjöba̧ja̧di̧ döwaisachinatjö tupakwö di̧'yobö jo̧be. Ja̧danö chö̧möledö, sule Dios pjaati̧nöda jejenö da̧peachö di̧'yakwedösa.

Santiago 4:15

Jo̧kwaobetjö̧ yötawaduwakwö. Bejenöda yöka̧laduwo: Duluwo̧ Dios weitjö̧ma ina 'yabayedö dö̧jakwedösa, itekwayi jelobe di̧'yobö, ja̧danö jobetjö dotidobö.

1 Pedro 3:17

Ja̧danö chömöledö, otiwanö ja̧bö kwö̧jaduwijayonö, ina usula kwemawaduwena. Jejenö usula kwemawaduwobö Dios weitjö̧ma, sulökö chömöledö, jo̧kwaijayonö sulabenö ja̧bajadö usula kwemawaduwitjö̧ma sula, sulabenö ja̧köbaduwobetjö̧.

Apocalipsis 1:11

Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.

Apocalipsis 2:1

Ja̧danö, chedökwema ina weijatö ötjönöma: —Juan, biya̧ yötawi̧ma wȩyudi weköbo, Éfeso jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma jelemutjö du̧ju̧tajanö si̧li̧'i̧dönö ömamu öwaisobekwöchobesamunö do̧ba̧lö jo̧ yöawi̧. Jo̧ba, biya̧ chiwȩyudi̧ yöawo̧ma, jelemutjö do'do̧latajanö la̧pa̧la̧yu̧bi̧ya junawa o'di̧ju, orotjö otikwa o'di̧ju, 'da̧denö kwebachö jo̧.