Hechos 18:11 - Dios Iwene

¹¹ Ikenama Pabloma bakwöta o̧ba tupakwö ja̧wo̧dö jelemutjö bakwo̧nö ji̧abijetö jobema, Corintonö, jojodönö Dios iwene yöbawö.

Hechos 18:11 ပူးပေါင်းရင်းမြစ်များ

Hechos 14:3

Jejenö tjölabijayonö Pablo, Bernabé juluwanö ȩwa̧jijöködötö. Ina lekwe ju̧kwijadötö jobema. Yebabökönö yöbawiabijadötö Duluwo̧ Jesúsnö. Ja̧danö, yebabökönö, Diosma jojodönö lȩlö̧jino edo̧, jö̧ba̧lö, yöbawijadötö. Ja̧danö, Diosma iteda ujulu iyijetö Pablonö Bernabénö. Jobadöma Dios ujulunö jojodö edajitjökö jawa i̧sebijadötö. Jejenö ja̧bö jojodönö i̧sebijadötö, Ökwödöma Dios ujulunö otidadösa, jö̧ba̧lö. Ja̧danö, Diosma iteda ujulu iyö i̧sebijetö jojodönö, Bidö yötjawi̧, Dios lȩlö̧jino edo̧, jö̧ba̧lö, yötjawi̧ma, ötjöda, Diosda yötawi̧ jweinö yöbawadö, jö̧ba̧lö.

Hechos 18:10

Bemi comunidad ju̧kwadö ba̧jekwadö ötjönö ösödadö batjibakobetjö̧, chiwene yöbawi. Ötjöma ökwökwö chö̧jobetjö̧ yebabökönö yöbawi. Bemi comunidadtjöma bakwo̧bi ökwönö inia tjököbinö ja̧obö do̧bato̧ma deobe— yöbawijetö.

Hechos 18:12

Ja̧danö, ja̧ mölema Roma la'aka luwo̧, gobernadordanö otido̧, Galión mikwo̧ webö ji̧jetö. Webö ö̧jena, judío jojodöma bakwainö tjo̧'wo̧ sulinö edö omukwatajadöma Pablonö do̧batibö öbibö 'yi̧jadötö gobernador Galión lȩekwa yöbawö wa̧kwawakanö ö̧bobekwö. Pablonö Galión öba a'otjö tjujunobö öbibö 'yi̧jadötö.

Hechos 19:10

Ja̧danö, jobetjöma döbalataja o̧biya jenanö yöbawijetö. Jejenö lekwe yöawobetjö̧ okobe deinö Asianö ju̧kwadöma, judío jojodöbi, judío jojodöböködöbi a̧ja̧kwijadötö Duluwo̧ iwenema.

Hechos 20:31

Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.