Hechos 17:26 - Dios Iwene

²⁶ Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.

Hechos 17:26 ပူးပေါင်းရင်းမြစ်များ

Génesis 3:20

Ikenama Adánma midijetö ilekwonö, Eva, jö̧ba̧lö, okobe deinö böjȩ ba̧kwemeachibanö ju̧kwadö la'aka tjojo'doobetjö̧

Génesis 9:19

Jobadö Noé i̧tji̧mu wa̧medukwama okobe deinö böjȩ ba̧kwemeachibanö ju̧kwadö abönö ji̧nadö.

Diosnö ösödo̧ Job mikwo̧ usula emawina jawa 12:23

Diosda tjitebosasokwena juluwaso batjibanö kabebö juno̧ma, ja̧danö juluwaso juluwököso batjibanö webo̧ma Diosda. Diosda tjitebo niji jalöjȩ baibanö webo̧ma, ja̧danö tjitebosaso jojodönö tjipjelekwachinö webo̧ma Diosda.

Diosnö ösödo̧ Job mikwo̧ usula emawina jawa 14:5

—Chuluwo̧ Dios, ökwöda omukwatö kwujunajabe, bakwo̧nökwena dokwa lekwe dö̧jakwojobö jö̧ba̧lö, ökwöda omukwatö kwujunajabe, jawo̧dö dokwa ba̧jȩkwadö dö̧jakwojobö, –Bitema bemi tupakwö ö̧joböma jwibo̧, –jö̧ba̧lö, jötö?

Isaías 14:31

Jo̧kwajabetjö̧ kwiteboduwi comunidad apjude a'o ja̧nö, kwubudekwaduwo, ökwödö comunidad jojodö yebabinö jwökeba̧laduwo, kwomajadeduwinö yebabinö kwö̧jaduwo, okobe deinö ökwödö filisteo jojodöma. Jau, imiyu'wo ichi̧danö, ökwödönö metjibakwedöma tjichobe, bakwo̧bi ime'dawachibökönö, ökwödönö metji̧bakwedö ölakwabikwawa jojodöma tjichobe, jo̧kwajabetjö̧ yekabiduwo, isabenö ökwödönö söbebö lotjakobetjö̧, —jö̧ba̧lö yöawobe Diosma, filisteo jojodönö.

Isaías 34:17

Diosda bakwo̧nökwena tjö̧jakwemikwena omudawö juno̧ma, ja̧danö omudawö ujunaja̧danö, pjiyuwakwenabi, tebo luwo̧kwenabi jobe tjö̧jakwedö. Ja̧danö, jobekwö iyiawö̧, ba̧kwelöjatebö jobe tjö̧jakwedö, jobadöbi, tjitji̧mu tupadanöbedöbi.

Isaías 45:21

Jobekwö a̧ja̧kwö, jobadönö dösödi̧ma otiwa jö̧ba̧lö kwomukwataduwitjö̧ma, baikwö abebö cha̧jakwaduwakwö: Bakobe yöba̧lakwawö kwedaduwo, ökwödö kwösödaduwawö̧tjö dite babe baledakwa̧ yöawinojobö, jö̧ba̧lö. Ina baledapji, dite jweinö yöawinada, —Bejenö baledakobe, —jö̧ba̧lö? Kwösödaduwawö̧tjö bakwo̧bi yöawinokobe, jö̧tö? Ötjö Isabenö Jo̧ Diosda babe baledakwa̧ yöbawinama. Ötjödasa Diosbo̧ma, jelo̧ diosbo̧, ötjödajayo̧ma deobe yelösöda. Ötjöda bakwainö otiwanö ja̧bö jo̧sa, ötjöda tjö̧jibinö pjabato̧ma, jelo̧ma deobe.

Daniel 11:27

Ja̧danö, ölakwabikwawajadö, jobadö du̧ju̧taja la'aka luwedöma mesasöte bakwötenö tjöbamatakobe, ölakwabikwawö dö̧ji̧ kadatobö jö̧ba̧ladösa jö̧ba̧lö. Jo̧kwaijayonö, jejenö wamenö tji̧sebijayonö, bakwo̧nökwena jelo̧nö suli̧ waedö tjujuluwotö jö̧ba̧lö omöna yötja̧lakobe. Jo̧kwaijayonö, Diosma jobadötjö bakwo̧ inesö la'aka luwo̧ baibobö badedö ujuninokobetjö̧, tjomukwati̧ma waekwakobe, Diosda tjö̧ji jawa webo̧obetjö̧.

Daniel 11:35

Jojodönö waisanö ba̧ja̧dadötjö ju'wedönö kwabö lotjakobe, ja̧danö usula tjemawakobe. Jejenö baledi̧ma jwiinö waiyakobe, jo̧kwaijayonö jwiinö waiyi̧jayonö, ja̧ wene tjöbaledi̧tjö Diosma jobadönö dichö loakobe, bakwainö otiwadö dewadö batjibanö. Ja̧danö jejenö usula tjemawakobe, Dios badedö ujunina möle badekwachenanö kabatö— jö̧ba̧lö yöawinobe ángelma, Danielnö.

Hechos 14:17

Jejenö ujunibinajayonö Diosma iteda pjaati̧ma ba̧kwȩlö̧jatebö i̧sebijetö. Jo̧kwaobetjö̧, israel jojodöböködö, wainö sulabenö ja̧bö ju̧kwadöma Diosnö wajwitjijayonö jo̧ba otiwanö pjaati̧ma edijadötö. Ja̧danö ¿ökwödöja? Babebi Dios otiwanö pjaati̧ma kwedaduwobe. ¿Tajida jo̧ba pjaati̧ma? Biya̧: Ojwiyo o̧bi̧ weobe kwujuninaduwi̧ pokwobö, ju'wi möle kwukwaduwakwa̧ma. Ja̧danö, otiwanö kwö̧jaduwobe, kwakwawa kwanö, Dios pjaati̧ma. Ja̧danö, kwo̧'wo̧duwi ösöwachibanö kwö̧jaduwobö pjaatobe Diosma. Jau, damötjöbi Diosma iteda pjaati̧ma i̧sebinobe. Ja̧danö, babebi i̧sebobe Diosma iteda pjaati̧ma ökwödönöma. Jo̧kwaobetjö̧ jo̧banöda kwösödaduwo, ökwödönömaökö— yöbawijadötö Pablo, Bernabé.

Hechos 15:18

Jejenö yöbawijetö Duluwo̧ma, ajayinö jojodö tjöwaisachibanö,

1 Corintios 15:22

Okobe deinö Adántjö dötewadö ja̧nö, wobadösa, ¿jö̧tö? Ja̧danö, Cristotjö dötewadö ja̧nö, okobe deinö 'yabayedö badibanö tjedachajakwedösa chömöledö.

1 Corintios 15:47

Ajayi jojoma, böjȩ luwo̧inobe, ja̧danö letiatjö otidinökweinobe. Jo̧kwaijayonö ikena luwo̧ma, mölejȩtjö ichina chömöledö.