Hechos 17:21 - Dios Iwene

²¹ Jobadöma, Atenasnö ju̧kwadöma, jelobetjö Atenasnö tjö̧jobö ichinadöbi kabatökönö ko̧ko̧kwajadö ju'wi jawabi, ju'wi jawabi, 'yayi̧ tja̧ja̧kwi̧ma, belö la'akatjöda a̧ja̧kwiatjökö jawama a̧ja̧kwöbi, yöba̧löbi ba̧nö yöba̧lakwawiabijadötö.

Hechos 17:21 ပူးပေါင်းရင်းမြစ်များ

Hechos 17:15

Ikenama Bereanö ju̧kwadöma Atenas comunidadbe 'yi̧jadötö ojwenö, Pablonö junö. Jobe ja̧nöma abebijetö Pabloma junibö ȩwa̧jadönöma: —Silasnö, Timoteonö juluwanö tjicho weköbaduwo— abebijetö Pabloma.

Hechos 17:16

Pabloma Atenasnö ja̧nö, Silasnö Timoteonö te'ada̧lö ja̧nöma jobe kwebachö edijetö nöinö jobe ju̧kwadö tjo̧'wo̧ tjöwana̧li̧ tjotidinama. Öpöjödö jwiinö labijetö Pabloma, Biya̧ma o̧'wo̧ jawada, jö̧ba̧lö.

Hechos 17:20

La'akatjöda ökwö yökawi̧danö yötjawi̧ma da̧ja̧kwajijökötö. Ökwö yökawi̧ labebö loawama döwaisachibobö yöbawi— abebijadötö la'aka luwedöma Pablonöma.

Hechos 2:10

Ökwödötjö ju'wedöma Frigia nijitjö ichinadö Panfilia nijitjö ichinadö, Egipto nijitjö ichinadö, Libia nijitjö ichinadö Cirene comunidad tupakwö. Ju'wedöma Roma nijitjö ichinadö judío jojodöbi judío jojodöböködöbi. Jobadö judío jojodöböködötjijayonö judío jojodö tjö̧ji̧danö ju̧kwadö.

Efesios 5:16

Babe möle ju̧kwadötjöma ba̧jekwadö jwiinö sulabenö ja̧böda tjuju̧kwobe. Jo̧kwaijayonö jejenömaökö ökwödö kwö̧jaduwi̧ma. Ökwödöma jejenö sulabenö ja̧bö jö̧könö bakwöta möle jwiinö otiwanö ja̧bö kwö̧jaduwo jö̧ba̧laduwi.

Colosenses 4:5

Chömöledö, ju'wedö Cristonö ösödöködökwö ja̧bö kwö̧jaduwi̧ma waisanö omukwatö ja̧bö kwö̧jaduwo. Jobadönö Cristo jawa kwi̧sebaduwobö jȩnama, i̧sebö kwö̧jaduwo, jobadöbi tjö̧jibo jö̧ba̧lö.

1 Timoteo 5:13

Ja̧danö, ju'wibi yötawa. Otidökönö sule jelejube jelejube kwebachadö batjibena, ja̧danö jemi tupakwö jojodö tjoma'apekwönö yöba̧ladö, ja̧danö ju'wedö jawa yöba̧ladö batjibena, jojodö yötja̧loko jö̧tja̧li̧ma yöba̧lö.