Hechos 16:32 - Dios Iwene32 Ja̧danö, Pablo, Silas jo̧ba te'ada̧lakwawa jojonöbi, jo̧bakwö ejunö ju̧kwadönöbi Duluwo̧ Jesús jawa yöbawijadötö. အခန်းကိုကြည့်ပါ။ |
Isabenö yötawaduwakwö, okobe deinö böjȩnö ju̧kwadöma Dios iwene tja̧ja̧kwobö jo̧be chömöledö. Ja̧danö, griego jojodönöbi, griego jojodöböködönöbi, waisadö ötjabiwö̧nöbi, wajwibadö ötjabiwö̧nöbi chumusidobe ichejekwökwesa chömöledö. Ja̧ chumusidobe ichejekwi̧ma, ina Dios iwene tja̧ja̧kwokobetjö̧, chumusidobe ichejekwa, jobadönöbi Dios iwene yötawo jö̧ba̧lö.
Jau chömöledö, tabada̧lökönö yöbawo̧sa otiwa jawa wenema, jo̧kwajabetjö̧ isabenö ökwödönöbi yötawobö jö̧ta̧la. Jau chömöledö, tabada̧lökönö yöbawo̧sa. ¿Tajawedö chötabada̧lobö chömöledö? Ja̧ weneda inesö mikwawi̧ wene, ju'wima jwiobe yelösöda, jojodö tjö̧jibobö chömöledö. Okobe deinö ja̧ otiwa jawa wene ösödadönöma, tjö̧jibinö ja̧akwo̧ Diosma, abönö a̧ja̧kwinadö judío jojodönöbi, judío jojodöböködönöbi. Ja̧danö, ja̧ weneda ji̧kwa weneobetjö̧, tabada̧lökönö yöbawo̧sa ötjöma chömöledö. Jau, ja̧ wene isabenö juluwi̧ ji̧.
Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.