Hechos 16:31 - Dios Iwene

³¹ Jejenö abebö a̧ja̧kwiawö̧ atadijadötö: —Jesúsnö ösödi. Jesúsnö kwösöditjö̧ma, chö̧jibinö pjabato̧, jö̧ba̧lö, kwö̧jibinö baledakobe. Ja̧danö, ökwökwö kwejunö ju̧kwadönöbi baledakobe, Jesúsnö tjösöditjö̧ma— jö̧ba̧lijadötö.

Hechos 16:31 ပူးပေါင်းရင်းမြစ်များ

Génesis 17:7

Abraham, ökwönö yöbawö chujuni̧danö isabenö badekwachakobe. Ja̧danö, bakwelöjatebö ja̧kobe, ökwötjö tupadanö jojodönöbi yöbawö chujunobetjö̧. Abraham, ötjöma ökwö Kwuluwo̧ Diossa. Ja̧danö, ökwötjö tupadanö jojodöbi Tjuluwo̧ Dioschakwo̧sa.

Génesis 18:19

Isabenö, Abrahamnöda omudawö chujunijatö iteda i̧tji̧munöbi, jo̧batjö tupadanö jojodönöbi öba̧jadobö, ötjö weti̧ a̧ja̧kwö tjö̧jakobetjö̧, jweinö omukwatö, ötjö chösödi̧danö ja̧bö. Jejenö tjuju̧kwitjö̧ma ötjö chiwene Abrahamnö yöbawö chujuninadanö badekwachakobe— jö̧ba̧lijetö Isabenö Jo̧ Diosma, itedada.

Isaías 45:22

Jau, ötjöda Diosbo̧ma, jo̧kwajabetjö̧ sulabenö kwomukwataduwi̧ kabatibö, balewachö ötjönö kwösödaduwo, ökwödönöbi kwö̧jibaduwinö pjatatakobetjö̧. Jau, okobe deinö bö̧jȩnö ju̧kwadö, bö̧jȩ bakwachö̧je ju̧kwadöbi ötjönö kwödösaduwo, ötjöda Diosbo̧chobetjö̧, ja̧danö jelo̧ diosbo̧ma deobetjö̧.

Marcos 16:16

Bakwo̧, ja̧ otiwa jawa wene ösödö, Jau Jesúsma dö̧jibinö otido̧, jö̧ba̧lö, ösödo̧nö, ojwenö ubu̧datajökwenöma jo̧ba ö̧jibinö otidökwe Diosma. Jo̧kwaijayonö, Jesúsnö öpöjödo̧ma Dios lȩebi̧ baibenama baledakwo̧.

Juan 1:12

Jo̧kwaijayonö jojodötjö ju'wedöma jo̧banö ösödö do̧batö tjeminobe, Biteda, jö̧ba̧lö. Ösödö do̧batö tjemobetjö̧, Bidöma Dios i̧tji̧mu, jö̧ba̧lö, yöawinobe dewinö jo̧ma.

Juan 20:31

Biya̧ chiwȩyudi̧ma ökwödönö pjabatö chiwȩyuda, kwöwaisaduwobö, Jesúsma Dios weinökwe jojodö tjö̧jibinö pjabatö, jö̧ba̧lö. Ja̧danö, Jesúsma Dios Itji̧, jö̧ba̧lö, kwöwaisachibaduwobö chiwȩyuda bi'yema. Jejenö waisinö, Jesúsma jojodö dö̧jibinö pjabato̧, jö̧ba̧lö, jo̧banö kwösödaduwobö chiwȩyuda bi'yema. Ja̧danö, Jesúsnö ösödö do̧batö kwemaduwobetjö̧, ba̧kwȩlö̧jatebö ja̧kwawa kwujuna̧laduwobö chiwȩyuda biya̧ jawama.

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

Juan 6:47

Isabenö yötawa. Ötjönö ösödadö, Bitema Dios weinökwe, jö̧ba̧lö, ösödadöma ba̧kwȩlö̧jatebö ja̧kwawa tjujuna̧lakwedö.

Hechos 15:11

Ja̧maökö chömöledö. Ökwödöma döwaisa. Duluwo̧ Jesúsma ökwödönö lȩlö̧jino edö dö̧jibinö pjabatijetö. Ja̧danö, jobadö judío jojodöböködönöbi Duluwo̧ Jesúsma bakwainö pjabatijetö, tjö̧jibinö pjabatö. Jejenö ji̧tjö̧ma ¿tajawedö wainö ja̧tjobö weköbaduwobö jö̧ka̧laduwa, Moisés weina tja̧ja̧kwoböma?— jejenö jö̧ba̧lijetö Pedroma.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Hechos 16:32

Ja̧danö, Pablo, Silas jo̧ba te'ada̧lakwawa jojonöbi, jo̧bakwö ejunö ju̧kwadönöbi Duluwo̧ Jesús jawa yöbawijadötö.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.

Hechos 4:12

Ja̧danö, jojodö tjö̧jibinö pjabato̧ma jo̧bada. Jelo̧ma deobe. Dios böjȩnö ju̧kwadönö tjö̧jibinö pjaatobö weinökwema bakwo̧da, Jesúsda— jejenö yöbawö atadijetö Pedroma.

Hechos 8:36

Ikenama, 'ya̧nö Etiopía jojoma edijetö ojwe se'do. Je'do edö jö̧ba̧lijetö: —¡Edi! Ojwese'do be'do. ¿Ojwe okwa kwubu̧datobö jo̧beji̧?— abebijetö.

Romanos 11:16

Chömöledö, wanedö yötawa: Bakwo̧ pan otidenama, ajayisapja̧da 'da̧batö ujunena, Diosnö iyawa baibanö, ¿jö̧tö? Jo̧kwaijayonö, ajayisapja̧da iyijayonö, ja̧ pan okobe jwiinö Dios u̧kwada baibobe. Ja̧danö, ju'wi wanedö yötawa: Bakwo̧ towi bö'dia Diosnö iyitjö̧ma, jowi towi okobe jwiinö Dios u̧kwa towi baibobe. Jau chömöledö, la'aka jawa Dios u̧kwaobetjö̧, dötewinö ji̧ jawabi Dios u̧kwa jo̧be.

Gálatas 3:14

Cristoma jejenö Dios lȩebi̧tjö eminobe, Cristo Jesúsnötjö Dios Abrahamnö yöbawö ujunina jawama judío jojodöböködönöbi baibakobetjö̧, ja̧danö, Dios yöawi̧ dösödiökwe, Dios yöbawö ujuninadanö Diosma iteda O̧'wo̧ Luwo̧nö ökwödönö iyakobetjö̧.

Gálatas 3:22

Jo̧kwaijayonö, Dios iwenema baikwö laebobe chömöledö: Okobe deinö böjȩ jojodöma sulabetjö ka̧lena tjö̧bobedanö ichejekwa. Ja̧danö jejenöobetjö̧, Diosma Jesucristonö ösödadönö chiyocha jö̧a̧linama, Jesucristonö tjösödobetjö̧ ösödadönö iyobe.

Gálatas 3:26

Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.