Hechos 16:20 - Dios Iwene

²⁰ Jejenö e'ewö junö, lȩekwa yöawakwawa jojodönö jö̧ba̧lijadötö: —Bidö judío jojodöma ökwödönö wene ji̧nö sulabenö yötjawobe ökwödö duju̧kwemi comunidadnö.

Hechos 16:20 ပူးပေါင်းရင်းမြစ်များ

Mateo 2:3

Jejenö abebö tja̧ja̧kwiökwe, la'aka luwo̧ Herodesbi, ju'wedö Jerusalénnö ju̧kwadöbi yetjabinobe, tajijö jö̧ba̧lö.

Hechos 16:19

Ikenama, jobuju juluwedöma jo̧'wo̧ luwo̧nö sulabo̧ laebajiawö̧ma, Babema baladama demökena, jö̧ba̧lö, tjo̧'wo̧ sulinö edijadötö Pablonö, Silasnö. Tjo̧'wo̧ sulinö edö jobadönö do̧batibö tötöbö e'ewijadötö comunidad ö'wejenö, romano jojodötjö la'aka luwedö tjö̧bobekwö, jobadö tjö'da̧denö tjujunobö.

Hechos 16:21

Ökwödöma romano jojodö wetjina a̧ja̧kwadösa. Ja̧danö, bidöma wainö ja̧dobö yötjawobe. Ökwödöma döpöjöda, da̧ja̧kwökö jobadö yötjawi̧ma— jö̧ba̧lijadötö.

Hechos 18:2

Corintonö ichiböma edijetö bakwo̧nö, judío jojonö, Ponto nijitjö bötjachino̧, Aquila mikwo̧nö. Jo̧bama, ilekwo Prisila mikwujukwö Italia nijitjö labebö, Corintobekwö ichina. Ajayinö, ina Italianö ö̧jena, jobe la'aka luwo̧, Claudio mikwo̧ma okobe deinö judío jojodönö Italia nijinö jalobe comunidad Roma mikwobetjöma, a'dewö lobijetö. A'dewö loawö̧ma, Aquila, Prisila Corintobekwö 'yi̧jadötö tjuju̧kwobö. Jobe tjichinobetjöma, lekwema tjö̧jaökena Pabloma ichibijetö Corintonö. Ichibö jobadö tjö̧jobekwö 'yi̧jetö.

Hechos 19:34

Ikenama, jobe ju̧kwadöma jo̧banö edö, Bitema judíoso̧, jö̧ba̧lö, a̧ja̧kwökönö jemi tupakwö labinö jwöbeba̧lijadötö: —Éfesonö ju̧kwadö dösödokoma, Artemisa mikwujuma jwiinö mikwawuju— jwöbeba̧lijadötö. Jejenö jwöbeba̧lijadötö dötölataja hora jenanö.

Hechos 28:22

Jo̧kwaobetjö̧ wajwida. Yöbawi. Kwo̧'wo̧ kwöwana̧li̧ma, yöbawi da̧ja̧kwo. Ökwödöma biya̧da, ja'yubeda da̧ja̧kwijatö, Ökwö kwo̧'wo̧ kwöwana̧li̧ma ba̧jekwadö jwiinö tjöpöjödobe, jö̧ba̧lö— atadijadötö.

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

Santiago 4:4

Chö̧ja̧wo̧dö, kwo̧'wo̧ luwo̧duwi jawa omukwatökönö böjȩ jawa kwösödaduwi̧da omukwatö kwöwanekwachaduwobe bakwuju jilekwenö omukwatökönö, jelo̧nö alewujudanö. Diosnö dösöda, jö̧ba̧lö, yöka̧laduwijayonö böjȩ jawabi jwiinö kwösödaduwobe. ¿Kwöwaisaduwököji̧? Bakwo̧ böjȩ jawa, Dios öpöjödi̧ jawa ösödo̧ma Diosnöbi ösödö̧kö̧ ¿jö̧tö? Böjȩ jawa ösödo̧ma Dios öpöjojo babibo̧ chö̧ja̧wo̧dö.