Hechos 15:26 - Dios Iwene

²⁶ Jobadö Pablo, Bernabé Duluwo̧ Jesucristo weina otidadö, ju'wedö kwabö lotjobö jö̧tja̧lenabi weina tjotidiawö̧.

Hechos 15:26 ပူးပေါင်းရင်းမြစ်များ

Hechos 13:50

Jo̧kwaijayonö Antioquíanö ju̧kwadö judío jojodötjö la'aka luwedöma ina öpöjödijadötö Pablonö, Bernabénö. Tjo̧'wo̧ sulinö edö yöba̧lijadötö jobenö ju̧kwadö ya̧dö la'aka luwedötjö ju'wedönöma Pablonö, Bernabénö tjölabobö. Jobadö ya̧döma judío jojodöböködö Diosnö ösödadöma. Ja̧danö, ömadö la'aka luwedötjö ju'wedönöbi yöba̧lijadötö, Pablonö, Bernabénö tjölabobö. Jejenö yötja̧liawö̧ jobadöma jwiinö labijadötö. Ikenama ju'wedönöbi yöba̧lijadötö, Pablonö, Bernabénö tjölabobö. A'dewö lododönö, jö̧ba̧lö, labinö yöba̧lijadötö. Jejenö yötja̧liawö̧ jobadöma Pablonö Bernabénö jobetjö a'dewö lobijadötö.

Hechos 14:19

Ju'wi möle ju'wedö judío jojodöma, Antioquíanö ju̧kwadöbi, Iconionö ju̧kwadöbi Pablo Bernabé tjuju̧kwobekwö 'yi̧jadötö, Listrabe. Jobe ichibö jobadöma tjo̧'wo̧ sulinö eda̧lö yöba̧lijadötö jobe ju̧kwadönöma, Pablonö tjölabobö. Jejenö yötja̧liawö̧ jojodöma jwiinö labijadötö Pablonö. Ja̧danö, labijidöma Pablonö inawiya ikwawijadötö, ö'wöchinö. Ikenama, tjo̧wi̧ ö'wö baibajabe, jö̧ba̧lö, tötöbö lobijadötö Pablonöma comunidad ö'öböbe.

Romanos 16:4

Ja̧danö, ötjökwö otidö, jobadöma debö tji̧'yo jö̧tja̧linobe, ötjönö sulabenö ja̧badötjö chö̧jibobö pjatjatinobetjö̧. Jejenö pjatjatinobe omukwatö, jobadönö chösöda, Otiwanö pjabatinadö, jö̧ba̧lö. Ja̧danö, okobe deinö ju'wedö judío jojodöböködö Jesúsnö ösödadö tjoko̧ko̧kwena ju̧kwadöbi, jobadönö tjösödobe ja̧danö, ötjönö pjatjatinobetjö̧.

1 Corintios 15:30

Ja̧danö, jojodö woawatjö tjetjachajökötjö̧ma, ¿tajawedö kabatökönö labi jawa chöbaledobö chömöledö?

Jueces 5:18

Jo̧kwaijayonö jobadö tjichököjayonö, Zabulonsaso jojodöbi, Neftalisaso jojodöbi otiwanö tjölakwabikwawinobe, debö tji̧'yo jö̧tja̧lijayonö, yayonö jwaikwöda tjölakwabikwawinobe.