Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 14:9 - Dios Iwene

9 Jo̧bama Pablo yöawobe ba̧nö a̧ja̧kwa̧lijetö. Ja̧danö, Pabloma jo̧banö jweinö edö omukwatijetö, Bitema jweinö omukwato̧, Dios ujulunö otiwanö batibakwo̧sa, jö̧ba̧lö.

အခန်းကိုကြည့်ပါ။ ကော်ပီ




Hechos 14:9
13 ပူးပေါင်းရင်းမြစ်များ  

Ja̧danö, jobe jojodöma jo̧banö Dios weakwo̧ jö̧a̧linökökwe jö̧ba̧lö tjöpöjödobetjö̧, jobetjö nöinöma i̧sebinokobe jojodö edajitjökö jawama.


Yöja̧lökwe, Jesúsma jobujunö yöa̧linobe: —Jojosuju, isabenö otiwanö kwo̧'wo̧ wana̧lujuja. Akebaja̧danö isabenö baledakobe— jö̧ba̧lö. Ja̧danö, jejenö yöa̧lenama, jitjijuma juluwanö otiwanö bajibinobe.


Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.


Jejenö majiökwe, Jesúsma jalachibö jobujunö edinobe, ja̧danö jobujunö yöa̧linobe: —Chitjiju, kwujuluwachibanö yötawakwö, isabenö juluwo̧ jö̧ba̧lö ötjönö kwösödobetjö̧, otiwanö babibajuja— jö̧ba̧lö yöa̧linobe. Ja̧danö, jenada jö'wöchi̧tjö otiwanö bajibinobe.


Jejenö jö̧a̧lökwe Jesúsma jö̧ba̧lijetö jo̧banö: —Jau kwatjö̧ma 'ya̧wi. Ötjönö kwo̧'wo̧ kwöwana̧lobetjö̧ kwöbajalema kwedinö chotidajökweja—jö̧ba̧lijetö Jesúsma. Jesús jö̧a̧lemi jo̧bama omönanö öbajale tjewawökönö otiwanö edijetö. Ikenama jo̧bama Jesús ökömanö 'yi̧jetö mananö.


Jejenö 'wabo̧nö pjatjatiökwe, Jesúsma jobadönö edö omukwatijetö, Aaa, isabenö bidöma ötjönöma jweinö omukwatadö, Jesúsma isabenö dömöledöso̧ otiwanö baibobö otidö lobo̧, jö̧ba̧lö. Jejenö omukwatijetö Jesúsma jobadönöma. Ja̧danö, 'wabo̧nö ichejebadö jejenö jweinö tjomukwatiökwe Jesúsma 'wabo̧nö edö jö̧ba̧lijetö: —Chömöledöso̧, a̧ja̧kwitjö. Kwo̧'wo̧ luwo̧nö kwusuli̧ma söbebö lotakwö— jö̧ba̧lijetö Jesúsma 'wabo̧nöma.


Ikenama Jesúsma yemidanö ömamijunö 'bibebijetö tjewawökwe öbajalebiya wamenö. 'Bibebö kaatena jo̧ba öbajale tjewawajökwema edemi otiwanö öwawijetö okobe jwiinö öwawinö.


Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.


Jejenö aebiawö̧ Pedro, Juan jo̧banö edijadötö. Ja̧danö, Pedroma jö̧ba̧lijetö: —Chömöledöso̧. Ökwödönö edi— jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ