Hechos 14:14 - Dios Iwene

¹⁴ Ikenama jobadö juwö iyö tji̧'yakwa̧ yötjawi̧ a̧ja̧kwijadötö Pabloma, Bernabéma. A̧ja̧kwö tjo̧'wo̧ tjo̧bekwibijadötö yelösöda, tjökamisi kȩ'ekwö lobö. Kȩ'ekwö lobajadöma jojodö ösödö tji̧'yobekwö 'yi̧jadötö. Ichibö, omönanö jojodö tjö'da̧denö ja̧nö jö̧ba̧lijadötö:

Hechos 14:14 ပူးပေါင်းရင်းမြစ်များ

2 Reyes 18:37

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

2 Reyes 5:7

Jobekwö iyajökwe, yeaibinobe Israel la'aka luwo̧ma, ja̧danö ökamiji̧do̧ kȩ'ekwö lobö yöa̧linobe, —Ötjöma Diosbö̧kö̧sa, ötjöma ö'wö batjibanö wetoböbi, 'yatja̧linö wetoböbi juluwö̧kö̧sa. Siria la'aka luwo̧ ötjönö weaja̧ma, tajawedö weobejö, bite ömöayo̧ ö'wöchi̧tjö ö̧bibajinö pjatatoböma. Ötjönö suli̧ öwaedotö jö̧ba̧lö jobekwö weajena, pjabatökönö chöjiökwe, sulabenö pjabatö̧kö̧ jö̧ba̧lö ötjönö ölakwabikwawakobetjö̧, —jö̧ba̧lö.

Mateo 26:65

Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.

Marcos 14:63

Jejenö jö̧a̧lökwe, ö'weje la'aka pjabato̧ma, Jesús jö̧a̧li̧ a̧ja̧kwö jwiinö labijetö. Labikanö i̧sebö ökamijido̧ kȩ'ekwö lobijetö. Ikenama jö̧ba̧lijetö jojodönöma: —Jo̧kwadanö. Tjo̧wi̧ta. Jemi tupakwöma jojodönö adeba̧laduwoko, bitenö jwöbeba̧lo̧nöma.

Hechos 14:4

Jejenö Pablo, Bernabé yöbawöbi, Dios ujulunö i̧seböbi tji̧sebiawö̧ jobe ju̧kwadötjö ju'wedöma ösödijadötö. Jo̧kwaijayonö ju'wedö jobe ju̧kwadöma öpöjödijadötö Pablonö, Bernabénö, judío jojodötjö öpöjödadö tjomukwati̧danö omukwatö. Ja̧danö, jobe ju̧kwadöma pjeikwena ju̧kwijadötö, Pablonö, Bernabénö ösödadöbi, öpöjödadöbi.

1 Corintios 9:1

Chömöledö, ötjö Pabloma ju'wedö tjömöayo̧bö̧kö̧sa, ¿jö̧tö? Ja̧danö, ötjöma Jesús webawo̧ chö̧jobe, ¿jö̧tö? Ja̧danö, Duluwo̧ Jesúsnö chedinobe, ¿jö̧tö? Ja̧danö, ökwödö Corintio jojodöma ötjönötjö Duluwo̧nöma kwösödinaduwobe, ¿jö̧tö?