Hechos 14:11 - Dios Iwene

¹¹ Ikenama jojodöma Pablo ömasapiya 'wabo̧nö otidaja̧ edö labinö ösödö jwötjeba̧lakwawijadötö, idöda tjiwenenö, Liconionö ju̧kwadö tjiwenenö baikwö: —¡Edaduwi! Bidö du̧ju̧tajama ökwödö do̧'wo̧ döwana̧lawö̧ena. Mölejȩbetjö tjichajena, jojodödanö ichejekwadö— jwötjeba̧lijadötö, Pablo, Bernabé tjo̧'wo̧ tjöwana̧lawö̧ena omukwatö.

Hechos 14:11 ပူးပေါင်းရင်းမြစ်များ

Hechos 12:22

Jobadöma, Herodes yöawonö kabatökönö jwöbeba̧lakwawijadötö, Bitema Diosdanö yöba̧lo̧. Jojobökena, ida̧ökö Diosdanö babibajo̧, jö̧ba̧lö.

Hechos 14:12

Ja̧danö, jejenö omukwatö yöbawijadötö Bernabénöma: —Chömöledö, itema ökwödö do̧'wo̧ döwana̧lökwe Zeus, jö̧ba̧lö— yöbawijadötö. Ja̧danö, yöbawijadötö Pablonöma: —Itema ökwödö do̧'wo̧ döwana̧lökwe Hermes— yöbawijadötö. Jobadöma tjo̧'wo̧ tjöwana̧lökwe Hermes mikwo̧nöma, Yöbawo̧, jö̧ba̧lö, laebobe. Pablobi, yöbawo̧obetjö̧, Bitema do̧'wo̧ döwana̧lökwe Hermes, jö̧ba̧lö, omukwatijadötö.

Hechos 14:6

Jejenö tjomukwatijayonö Pabloma, Bernabéma, ju'wedö ja̧ tjomukwati̧ yötjawiawö̧ jelobe döbibajijadötö, Licaonia nijibe. Jobe comunidades, Listra mikwenabi, Derbe mikwenabi, jobe ö'öböbi yöbawiabö kwebachijadötö,

Hechos 28:6

Jobe ju̧kwadöma omukwatö tjitje'ada̧lijatö, Ömamusako ye'yeachena. Omönanö mebö ö'wö baibena, jö̧ba̧lö. Jo̧kwaijayonö lekwe tjite'ada̧lobetjö̧ ina, tjomukwati̧ma baledijökötö. Jo̧banö suli̧ baledijököwö̧ ju'wi omukwatö jö̧tja̧lijatö, Isabenö bitema jojobö̧kö̧, ökwödö do̧'wo̧ döwana̧lökwenönö luwo̧, jö̧ba̧lö.

Hechos 8:10

Okobe deinö, jo̧kwada̧lobedöbi, la'aka luwedöbi jo̧ba meawa boobe eda̧lö, Juluwo̧, Dios ujulunö ja̧bo̧, jö̧ba̧lö, tjöbeba̧lö̧jönö a̧ja̧kwijadötö jo̧ba yöawi̧ma.