Isabenö, Abrahamnöda omudawö chujunijatö iteda i̧tji̧munöbi, jo̧batjö tupadanö jojodönöbi öba̧jadobö, ötjö weti̧ a̧ja̧kwö tjö̧jakobetjö̧, jweinö omukwatö, ötjö chösödi̧danö ja̧bö. Jejenö tjuju̧kwitjö̧ma ötjö chiwene Abrahamnö yöbawö chujuninadanö badekwachakobe— jö̧ba̧lijetö Isabenö Jo̧ Diosma, itedada.
Hechos 13:10 - Dios Iwene10 jö̧ba̧lijetö: —Awetja itji̧ja. Ökwöma jojodö tjoma'apekwönö ja̧bo̧ja. Jojodönö jelobekwö yöba̧lö sulabenö ja̧bo̧ja. Okobe jwiinö Dios jawa, otiwa jawa öpöjödo̧ja. Ökwöma ba̧kwȩlö̧jatebö pjeanö yöawi̧kwö Duluwo̧ jweinö yöawi̧kwö pjabacha̧lö yöbawo̧ja. အခန်းကိုကြည့်ပါ။ |
Hechos 13:10
23 ပူးပေါင်းရင်းမြစ်များ
Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.
Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.
Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.
Israel jojodö tjuluwedö fariseo jojodö ötjabiwö̧tjöbi, saduceo jojodö ötjabiwö̧tjöbi ju'wedö tjichinobe, jobadönöbi Juan ojwenö ubu̧dato jö̧ba̧lö. Jo̧kwaijayonö, sulabenö tjomukwati̧ kabatibö balewachökönö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja a̧ko̧'dö̧ nibadödanö, ja̧danö sulabenö kwomukwataduwi̧ balewachökönö, Dios lȩebakwa̧tjö kwö̧jibaduwobö omukwatadöja.
Jejenö omukwatiökwe, Jesúsma jo̧banö yöawinobe baikwö: —Ökwödö fariseo jojodönö baikwö wanedö yötawa: Dȩja̧'do̧bi ja̧danö dȩja̧pa̧bi wamenö tjidichi̧danö, wamenö otiwanö dichawadöja, jo̧kwaijayonö okwanö isabenö yȩbadöja ökwödöma, jwaikwöda ökwödöda kwemaduwotö jö̧ba̧lö omukwatadöja, ja̧danö jwaikwöda sulabenö ja̧köbaduwobö omukwatadöja.
¡Isabenö usula kwemawaduwakwedöja ökwödö Moisés iwȩyudina ba̧ja̧dadöma! Ökwödönö baikwö wanedö yötawa: Moisés iwȩyudinama isabenö waisakwawa yawepi̧danö ichejekwa, yöba̧lö jojodö isabenö waisakwawa tjöwaisachibakobetjö̧. Jo̧kwaijayonö, ökwödöma sulabenö ba̧ja̧dö, ja̧ yawepi̧ 'dökebaduwobedanö ichejekwa, isabenö waisakwawa tjöwaisachibapji jö̧ba̧lö. Ökwödöma tebachö kwöwaisachibaduwobö öpöjödadöja, ja̧danö jemi tupakwö jojodö tebachö tjöwaisachibapji jö̧ba̧lö pje'datadöja. Jo̧kwajabetjö̧ jejenö sulabenö ja̧köbaduwiökwe Dios isabenö lȩebakwawö̧ja ökwödö Moisés iwȩyudina ba̧ja̧dadönö— jö̧ba̧lö yöa̧linobe Jesúsma.
Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.
Ina yöbawijetö: —A̧ja̧kwaduwitjö, ju'wibi yötawa. Ökwödöda jojodötjöbi ju'wedöma omöna yötjawakobe idöda tjomukwati̧da. Omöna yötjawakobe Jesúsnö ösödadönö, Dios iwene, jweinö tja̧ja̧kwina wene kabatibö idöda omöna tjomukwati̧danö tjomukwatobö. Jejenö jobadö omöna yöbawadöma ökwödö kwite'ada̧laduwawö̧nö ökwödötjöma 'dötjebobö omöna yötjawakobe.
Jejenö da̧peachadö badibenama, ökwödöma tjemu wajwibadödanö dö̧jökena, Dios iwenema. Ja̧danö, waisanö ja̧nö, ju'wedö wainö omukwatö yötjawi̧ma da̧ja̧kwökena. Wanedö yötawa chömöledö: Isowi, tjolanö nubökönö nönawowi, jwa̧lȩ'epjo ichobe balawa loobö jwa̧lȩ'epjo e'ewibobekwö 'yo̧wi. Ökwödöma jejenö dö̧jaduwoko. Jowi isowi balawa loobö jwa̧lȩ'epjo e'ewibidanöma e'ewibököwö̧sa, do̧'wo̧ luwo̧nö da̧peachö dö̧jenama. Ja̧danö ju'wedökwöma, ökwödönö tjo̧'wo̧ sulinö edö, sulabenö doma'a o̧pekwönö ja̧badöma tje'ewibököwö̧sa, isowi tjolanö nubökönö nönawowidanöma.
Jau, sulabenö ja̧bökönö 'yo̧ma Dios wei̧ a̧ja̧kwö i̧'yobe. Jo̧kwaijayonö sulabenö ja̧bö 'yo̧ma Awetjada öibökwe, Awetjakwöda dötewinö 'yo̧. Isabenö chömöledö döwaisa, ajayitjöda babe baibanö Awetjama sulabenö ja̧böda jo̧, jö̧ba̧lö. Jo̧kwaobetjö̧ sulabenö ja̧bö 'yo̧ma ¿tikwö i̧'yobeda? Awetjakwöda dötewinö 'yo̧, Awetja sulabenö ja̧i̧danö ja̧bö. Ja̧danö chö̧ja̧wo̧dö, Dios Itji̧ma böjȩkwö ichinobe Awetjanö ujuluwobö, jo̧ba jojodönö sulabenö ja̧tjobö öibi̧ma juluwokobö.
ကြော်ငြာတွေ