Hechos 12:23 - Dios Iwene

²³ Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

Hechos 12:23 ပူးပေါင်းရင်းမြစ်များ

2 Reyes 19:35

Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.

Diosnö ösödo̧ Job mikwo̧ usula emawina jawa 19:26

Ja̧danö chöwaisa, nöinö chö'wöchi̧tjö chi̧sȩdo̧ suli̧ waekwijayonö, ina chiteba'onö chö̧jayi, isabenö Diosnö chedakwo̧sa, jö̧ba̧lö.

Diosnö ösödo̧ Job mikwo̧ usula emawina jawa 7:5

Chiteba'o ba̧kwemeachibanö, sa̧dö ji̧ wale'debiya samökwesa, chi̧sȩdo̧ kököachibi̧ kelawo̧sa, ja̧danö chi̧sȩdotjö dewa'be laebökwesa, isabenö usula emawo̧sa, —jö̧ba̧lö yöa̧linobe Jobma, usula chemawi̧ 'dö̧ibajobö chiteada̧lijayonö, jwaikwöda usula emawö jo̧sa, jö̧ba̧lö.

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 12:12

Ja̧ yö̧tema Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö lotakwo̧sa, ja̧danö tja̧jwi̧mu̧ tji̧tji̧mutjöbi abönö damönö. Jejenö lȩtebemi okobe jwiinö Egipto jojodö tjo̧'wo tjöwa̧na̧lawö̧nöma lȩtebocha. Jejenö lȩtebobö juluwo̧sa, Isabenö Jo̧chobetjö̧.

Éxodo 12:23

Ja̧ yö̧tema Isabenö Jo̧ma Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö loakobe. Ja̧danö, kweachena kwejubiyaduwi apjudebiya tjökwösobu dukebaja̧duwa edö ja ejubiyanöma tebachökönö wameda öbaledakobe. Ja̧danö, iteda weökwe ángel, ö'wö batjibanö lȩbebo̧nöma kwejuduwinö kwabö lobö teachobö weökakobe, Isabenö Jo̧ma.

Éxodo 12:29

Ja̧danö, yö̧te ja'ö Isabenö Jo̧ma okobe deinö Egipto jojodö tji̧tji̧mu̧ ömadönö, abönö damönö kwabö lobijetö. Faraón inesö la'aka bo̧ itji̧ abönö pöenöbi ja̧danö, ka̧lȩna ba̧kwaweju okwa bo̧ itji̧ abönö pöenöbi, ja̧danö okobe deinö Egipto jojodö tji̧tji̧mu̧ ömadönö abönö damönö kwabö lobijetö Isabenö Jo̧ma. Ja̧danö okobe deinö tja̧jwi̧mu̧tjö̧ ajayinö ömadönöbi kwabö lobijetö.

Éxodo 9:17

Farónma, ökwöma ina ökwöda kwösödi̧da omukwatö labinö webo̧ja chömöledönöma, latjebobö öpöjödö.

Proverbios 12:8

Ju'wibi yötawa: Jojodöma ö'wiyawakwawönö omukwato̧nö otiwanö tjedökwe, otiwanö omukwato̧, jö̧ba̧lö. Jobekwö tjedokobe jelobekwö sulabenö omukwato̧nö. Jo̧banö jwiinö tjöpöjödobe, sulabenö omukwato̧, jö̧ba̧lö.

Isaías 14:11

Inesö otiwi̧ kwi̧sȩbina jawa, ju'wedötjö bajalekwönönöbo̧sa jö̧ba̧lö kwi̧sebina jawabi, kwejutjö lo̧awa jawa ökwöi̧bi 'dö̧ibajabe, bakobenö ö'wö babibinadö tjö̧jemibe kwichibajabe. Ja̧danö inesö otiwapjo camapjo kwabinajayonö, babe kwitea camapjoma sa̧dö tju̧ju̧kwemida bo̧ja, ja̧danö sabana'wodanö kwumuchekwi̧ma, sa̧döda pja̧tja̧kwo̧ja, –jö̧ba̧lö obö yötja̧lakwedö.

Isaías 37:23

Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.

Isaías 51:8

Jobadö ökwödönö obadöma juluwanö detjakwedö chömöledö, baikwö wanedö yöta̧la: Pjȩlȩbö̧ kamijido̧ suli̧ tjöwaedi̧danö, ja̧danö sa̧dö obejadö tjöwö'yetjö otikwa̧do̧ tjukwi̧danö, baledakwawö̧ ökwödönö obadönö, jobadönö yekabiduwoko. Jo̧kwaijayonö ötjö chujulunö kwö̧jibaduwinö pjatati̧ma, ba̧kwelöjatebö ji̧ jawa, ja̧danö kwö̧jibaduwinö pjatatobetjö̧, 'dö̧ibajökönö ba̧kwelöjatebö otiwanö ji̧bajadö kwö̧jaduwakwedöja, jö̧ba̧lö yöa̧lobe Diosma

Hechos 12:22

Jobadöma, Herodes yöawonö kabatökönö jwöbeba̧lakwawijadötö, Bitema Diosdanö yöba̧lo̧. Jojobökena, ida̧ökö Diosdanö babibajo̧, jö̧ba̧lö.

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö:

2 Tesalonicenses 2:4

Jo̧ba Awetja ömöayo̧ma okobe deinö diosbedö ötjabiwö̧nö, ja̧danö okobe deinö jojodö tjösödawö̧nö öpöjödakwo̧, Jobadönötjö bajalekwönönö jo̧sa, jö̧ba̧lö. Ja̧danö, ju'wibi Dios weineju okwa tebachibö, öbamatakwo̧, Ötjödasa Diosma, jö̧ba̧lö.

1 Samuel 25:38

Ikenama, domulataja möle jenanö baledaja̧ ikenama, Diosma yemidanö Nabal ö'wöchinö weinobe, ja̧danö debö i̧'yinobe Nabalma.