Hechos 12:18 - Dios Iwene

¹⁸ Ja̧danö, ju'wi dewachö ka̧lena ba̧kwawejutjö otidadö guardia jojodöma, Pedro deiawö̧: —¡Ayö!, ¿dakwö laebajajö? Jo̧bama ¿dai döibajajö?— yöba̧lakwawijadötö.

Hechos 12:18 ပူးပေါင်းရင်းမြစ်များ

Hechos 12:17

Jejenö jwötjeba̧liökwe Pedroma ömamu kabebijetö jobadönö, Ö'wainö ju̧kwaduwi, jö̧ba̧lö. Ikenama Duluwo̧ pjaataja̧ma yöbawijetö, weajökwe ángelma ka̧lena ba̧kwawejutjö öbibö laebaja̧ma. Ikenama webijetö: —Yökawaduwo Jacobonöbi, ju'wedö Jesúsnö ösödadönöbi— webijetö. Ikenama jejutjö labebijetö Pedroma jelobe 'ya̧nö.

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.

Hechos 16:27

Ikenama te'ada̧lakwawa jojoma wiluibö okobe jwiinö apjudebiya po̧duwaibajobe edijetö. Jo̧kwaiökwe, ¡Ayö!, chuluwedöma ötjönö kwabö lotjakwo̧sa, beju okwa ba̧jadöma latjebajabe, jö̧ba̧lö, itedada bulatakwawö lootö jö̧ba̧lö emijetö kwölöte'o.

Hechos 19:23

Pablo ina Éfesonö ö̧jena jobe ju̧kwadöma Pablokwö nöinö wene juna̧lakwawijadötö. Jobadöma öpöjödijadötö Pablo yöawi̧ma, ji̧kwa mananö ichikwa wenema.