Hechos 11:8 - Dios Iwene

⁸ Jejenö a̧ja̧kwö jö̧ta̧lijatö, Chuluwo̧ kwabö chukwökena, la'akatjöda kwiachijökötö jobadöjayedönöma, judío jojodönö tjukwoko, jö̧ba̧lö, wetjinawö̧nöma, jö̧ba̧lö, jö̧ta̧lijatö.

Hechos 11:8 ပူးပေါင်းရင်းမြစ်များ

Marcos 7:2

tjedemi Jesús öba̧ja̧di̧ waisachadötjö ju'wedöma, judío jojodötjö ajayinö ji̧nadö wetjinadanö, tjukwakwa̧ abönö tjömamiju tjidichawobö wetjinadanö dichawökönö kwijadötö.

Hechos 11:7

Ikenama iwene cha̧ja̧kwijatö, baikwö yöawi̧: Pedro a̧laibö kwabi kwukwo, jö̧ba̧lö.

Hechos 11:9

Jejenö jö̧ta̧lijayonö yemidanö mölejȩbetjö iwene cha̧ja̧kwijatö, Pedro babema bidöma otiwadö jö̧ta̧la. Sulabedö jö̧ka̧la Pedro, Dios bidöma otiwadö, jö̧ba̧lö, kwukwobö weawö̧nöma, jö̧ba̧lö, cha̧ja̧kwijatö.

Romanos 14:14

Biya̧ wene labebö lobö yötawa chömöledö: Ötjöma, chuluwo̧ Jesúskwö ja̧nö chöwaisa, Okobe jwiinö kwakwawama, wame jawada, suli̧ waedökö, jö̧ba̧lö. Jejenö chöwaisijayonö, jelo̧ omukwatena, Aaa, biya̧ chukwoböma webö̧kö̧ Diosma, jö̧ba̧lö. Baikwö yötawaduwakwö chömöledö: Ja̧ kwakwawa sulököjayonö, jejenö omukwato̧nö suli̧ waedobedanö ichejekwa, Dios öpöjödi̧ jawa jö̧ba̧lö omukwatobetjö̧. Ja̧danö, jo̧ba ja̧ kwakwawa ukwoböma, sulena chömöledö.

1 Corintios 7:14

Jo̧kwaijayonö, bakwo̧ Jesúsnö öpöjödo̧ma ilekwo Jesúsnö ösödujukwö ja̧kwawa öpöjöditjö̧ma, ja̧danö bakwuju Jesúsnö öpöjödujuma jilekwe Jesúsnö ösödo̧kwö ja̧kwawa jöpöjöditjö̧ma, jo̧kwada, ölakwabikwawö tjö̧japji jö̧ba̧lö 'da̧bachibö tji̧'yena. Jau chömöledö, ölakwabikwawa jwiinö dö̧jobö jwöinobe Diosma. Ja̧danö, Jesúsnö öpöjödadö tji̧lȩkwa̧mu Jesúsnö ösödadökwö tjö̧jobö tjöpöjöditjö̧ma, 'da̧bachibö tji̧'yena. Jo̧kwaijayonö tji̧lȩkwa̧mukwö tjö̧jobö tjösöditjö̧ma, otiwa, jobadönö katjatiboko Jesúsnö ösödadöma. Ja̧danö, bakwuju Jesúsnö ösöduju jilekwema Dios ömöledöso̧danö ichejekwo̧, ja̧danö bakwo̧ Jesúsnö ösödo̧ ilekwoma, Dios ömöledösujudanö ichejekwuju. Jau chömöledö, jejenö jo̧be, jobadö tji̧tji̧mu Diosnö öpöjödadö tji̧tji̧mudanö tjichejekwapji jö̧ba̧lö. Ja̧danö, Dios ömöledödanö tjichejekwobetjö̧, tji̧tji̧munöbi edö ösödo̧ Diosma, chömöledödanöbedö jö̧ba̧lö.