Hechos 11:29 - Dios Iwene

²⁹ Ikenama Dios yöawi̧ yöbawo̧ Agaboma, jejenö yöawiawö̧: —Balada pjabatakwawö wedo— jö̧ba̧lijadötö Jesúsnö ösödadöma. Jejenö jö̧ba̧lajadö balada ko̧ko̧dijadötö, bakwo̧nökwena tjujuna̧li̧tjö Judea nijibe wetjobö.

Hechos 11:29 ပူးပေါင်းရင်းမြစ်များ

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

Hechos 11:1

Ja̧danö, ba̧jekwadö Jesúsnö ösödadöma Cesareatjö baledi̧ wene yötjawi̧ a̧ja̧kwijadötö, Cesareanö ju̧kwadö judío jojodöböködöbi Dios iwene a̧ja̧kwö, Jesúsma dö̧jibinö pjabato̧, jö̧ba̧lö, tjösödinobe Jesúsnöma, jö̧ba̧lö, yötjawi̧ma. Judea nijinö comunidadeskwena ju̧kwadö, Jesúsnö ösödadöbi, ja̧danö, Jesús webawedöbi, Jerusalénnö ju̧kwadöma, ja̧ yötjawi̧ma a̧ja̧kwijadötö.

Hechos 11:26

'Ya̧jo̧ma, Saulonö badekwajö öbibö ȩwa̧jijetö Antioquíabe, Saulobi Dios iwene yöawobö jobetjöma. Jemi tupakwöma Bernabékwö Saulokwö Antioquíanö bakwöta o̧ba ja̧nö ba̧jekwadönö, Jesúsnö ösödadönö ba̧ja̧dijadötö Dios iwene. Ja̧danö, jobetjöma Jesúsnö ösödadönöma, ajayinö jamatö öbabijadötö, Cristo ömöayedö, jö̧ba̧lö.

Hechos 13:52

Ja̧danö, tji̧'yajabe okobema Antioquíanö ju̧kwadö Jesúsnö ösödadöma tjo̧'wo̧ ösöwanö ju̧kwijadötö. Jobadöma Dios O̧'wo̧ Luwo̧ jobadö tjo̧'wo̧ luwo̧nö öba̧ja̧donö ju̧kwijadötö.

Hechos 14:20

Ja̧danö, jobadöma, Tjo̧wi̧ ö'wö baibajabe, jö̧ba̧lö, tjomukwatijayonö, ö'wö babibijökötö. Ikenama Jesúsnö ösödadöma Pablonö tötöbö lotjajobe 'ya̧nö, i̧sȩko̧nö tjuju̧kwachakwaibena Pabloma omönanö a̧laibijetö. A̧laibajo̧ ȩwa̧jijetö yadakwöda. Ikenama ju'wi dewachö jobetjö labebö, Pablo, Bernabé Derbebe 'yi̧jadötö.

Hechos 14:22

Jobe comunidadkwena 'ya̧nö Jesúsnö ösödadönö pjabatö yöbawijadötö, Kwo̧'wo̧ luwo̧duwi juluwachibanö tupakwö kwi̧'yaduwo, jö̧ba̧lö. Jesúsnö kabatibökönö kwö̧jaduwo. Ja̧danö, jo̧banö omukwatö kwö̧jaduwo, jö̧ba̧lö, pjabatö yöbawijadötö. Jobadönö jö̧ba̧lijadötö: —Chömöledö ¿wajwiköbaduwiji̧? Ökwödö Jesúsnö ösödadöma, usula demawobö jo̧be. Isabenö ökwödöma usula emawadösa. Ökwödöma Dios webö ö̧jena ja̧nö, do̧'wo̧ ösöwachibanö duju̧kwenanö baibanö, usula emawadösa— jö̧ba̧lijadötö.

Hechos 24:17

Ina atadijetö: —Jemi ikenama, ötjöma ja'yubeda lekwe o̧biya baledibanö Jerusalénbe chi̧'yijökötö. Ikenama lekwajabetjö chi̧'yijatö Jerusalénbe balada iyö pjabatö chömöledönö. Diosnö juwö iyöbi chi̧'yijatö.

Hechos 4:34

O̧do niji juna̧ladöma mikwanö jö̧ba̧lö iyijadötö ju'wedönö. Ja̧ midö tjemaja̧ baladama Jesús webawedönö pjabatö iyijadötö, usulasedönö jobadöda tjiyobö. Jo̧kwaobetjö̧ Jesúsnö ösödadötjö bakwo̧bi deijetö u̧kwa tea jwibo̧ma.

Hechos 6:1

Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

Hechos 9:19

Ikenama Sauloma kwakwawa kwijetö. Kwajo̧ma juluwijetö. Ikenama Sauloma ja'yubeda lekwe ji̧jetö Damasconö, Jesúsnö ösödadökwö.

Hechos 9:25

Jo̧kwaobetjö̧ Saulo yöawawö̧ Jesúsnö ösödadöma, ju'wi yö̧te Saulonö, wi̧lȩyu̧ a̧jo̧nö, mönö, inawiyatjö otikwa tjöekwemi ja'ösa'donö a̧petukwöchobe jwibatijadötö Saulonöma, wi̧lȩyu̧ okwa a̧jo̧nö.

1 Corintios 13:5

Ja̧danö, ju'wedönö sulabenöma ja̧bökönö ji̧, ja̧danö a̧'dȩlökönö ji̧, ja̧danö dameakwökönö ji̧. Ja̧danö, ju'wedö sulabenö ja̧tji̧ ba̧ja̧dökönö ji̧ jojodönö ösödabikwawö ja̧kwawama chömöledö.

Gálatas 2:10

Sule bakwöta jawada atjebinobe ökwödönöma chömöledö, balada jwibadö usula jojodönö omukwatö pjadatobö, ja̧danö jejenö atjebi̧ma chösödijatö, jwibadönö pjadatobö chösöda jö̧ba̧lö.