Hechos 11:17 - Dios Iwene

¹⁷ Chömöledö, yötawaduwakwö, Diosma jo̧ba O̧'wo̧ Luwo̧nö judío jojodöböködönöbi weijatö, Jesúsnö ösödadönöma. Jejenö weijatö jobadönö, ökwödö judío jojodönö bakwainö weinadanö, Jesúsma dö̧jibinö pjabato̧, jö̧ba̧lö, dösödinena Jesúsnöma. Jo̧kwaobetjö̧ chömöledö abebö cha̧ja̧kwa ötjödada, ¿Ötjöma Diosnö wetenaji̧, Dios bidönö Kwo̧'wo̧ Luwo̧nö weköba, jö̧ba̧lö? Ja̧maökö chömöledö. Ötjöma Diosnö webökösa— yöbawijetö Pedroma.

Hechos 11:17 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 33:13

Jo̧kwajabetjö̧ isabenö jo̧bakwö kwölakwabikwawobö jwiobe Job, –Abebö cha̧ja̧kwijayonö, sulabenö atadö̧kö̧ Diosma, –jö̧ba̧lö yöka̧lobö jwiobe.

Diosnö ösödo̧ Job mikwo̧ usula emawina jawa 40:2

—Job, ökwöma ötjö Okobe Jwiinö Juluwo̧ Dioskwö jwöjwöbakwawö, jwekebobö jö̧ka̧li̧ji̧? Ötjö Diosnö yöka̧lajabe, –Diosma sulabenö ja̧ajabe, –jö̧ba̧lö, tajawedö abebö cha̧ja̧kwaja̧ atadökönö kwö̧jobeda? Isabenö ötjönö jwekebobö ji̧tjö̧ma, kwatado jö̧ka̧lena, —jö̧ba̧lö yöa̧linobe.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Hechos 10:45

Ja̧danö, Pedrokwö ichajadö, Jesúsnö ösödadöma judío jojodöma eda̧lö, ¡Ayö! Bidöma judío jojodöböködötjijayonö Dios O̧'wo̧ Luwo̧ tebachibö öjamatobö weajabe Diosma, jö̧ba̧lö, omukwatijadötö.

Hechos 10:47

—Bidönöma, Israel jojodöböködönöma, Dios O̧'wo̧ Luwo̧ tebachibö öjamatajabe, ökwödönö Israel jojodönö tebachibö öjamatinadanö. Jo̧kwaobetjö̧ ojwenö dubu̧datodönö. Bakwo̧bi deobe, jobadönö ojwenö bu̧datökönuwi yöba̧lo̧ma, Dios O̧'wo̧ Luwo̧ öjamatajobetjö̧— jö̧ba̧lijetö Pedroma.

Hechos 11:15

Ina yöbawijetö: —Ikenama Cornelionö, ejunö ju̧kwadönöbi, Dios iwene otiwa jawa wene yötawijatö. I̧ya̧nö yötawena Dios O̧'wo̧ Luwo̧ma ichö tebachibö öjamatijatö jobadönöma, bakwo̧nökwena, judío jojodöböködönöma, ökwödönö ajayinö tebachibö öjamatinadanö.

Hechos 5:39

Jo̧kwaijayonö, Dios jawaitjö̧ma yelösöda 'dö̧ibajokobe. Dios jawaitjö̧ma ökwödöma dujuluwökena jobadönöma. ¿Tijidöda Dios jawa 'dö̧ibajobö juluwadöma? Deobe chömöledö. Jo̧kwaobetjö̧ yöta̧la, tjöbeba̧lö̧jönö deda̧laduwo—yöbawijetö Gamalielma judío jojodötjö la'aka luwedönöma.