Hechos 10:41 - Dios Iwene

⁴¹ Öwawachinö ja̧ijayonö okobe deinö tjedobö ja̧bijökötö. Ökwödönöda, Jesús ö̧jina yödawobö Dios 'da̧batö ujuninawö̧nöda öwawachijatö Jesúsma. Jesús tjeachaja̧ ikenama du̧kwabi jo̧bakwö dukwijatö, ja̧danö, owöbi dowijatö jo̧bakwö.

Hechos 10:41 ပူးပေါင်းရင်းမြစ်များ

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 24:48

Jejenö laebobe tjiwȩyudinama chömöledö, ja̧danö tjiwȩyudinadanö ökwödöma chöbaledina edajadö yökawaduwakwedöja.

Juan 14:17

Jo̧bama Dios O̧'wo̧ Luwo̧, jweinöda yöbawo̧. Ja̧danö, jo̧bama otiwanö öba̧ja̧da̧lakwo̧ ökwödönöma, otiwanö kwöwaisachibaduwobö. Diosnö öpöjödadöma jo̧ba pjaati̧ma tjemökakwedö, tjomajade okwanö wajwitjökweobetjö̧. Jo̧kwaijayonö ida̧ökö ökwödöma kwöwaisaduwökwe babema ökwödökwö ö̧jobetjö̧. Ju'wi möle ökwödö kwo̧'wo̧ luwo̧duwi okwa tebachibö ö̧jakwo̧, ba̧kwȩlö̧jatebö ö̧jobö— yöawinobe Jesúsma öba̧ja̧di̧ waisachadönöma.

Juan 14:19

Babema lekwokobe ötjö wotakwa̧ma. Wotaja̧ okobema ötjönö öpöjödadöma ötjönö yemidanö tjedökakwedö. Jo̧kwaijayonö ökwödöma ötjönö yemidanö kwedaduwakwedöja. Ja̧danö, ötjöma wobajaletjö tjetachajakobetjö̧ ökwödöbi wobajaletjöma tjekachajaduwakwedöja, ba̧kwȩlö̧jatebö kwö̧jaduwobö.

Juan 14:22

Jejenö yöawiökwe, jelo̧ Judas, Judas Isacariotemaökö, abebö a̧ja̧kwinobe: —Chuluwo̧ ¿tajawedö kwi̧sekwakwa̧da ökwödönöda, ju'wedö böjȩnö ju̧kwadönö i̧sekwökönö?—jejenö abebö a̧ja̧kwiökwe:

Juan 15:16

Ja̧danö, ötjöma omudawö chujunijatö ökwödönöma ötjö chömöledö bakibaduwanö. Ökwödömaökö. Ötjönö omudawö juninöködöja. Ötjödasa. Ja̧danö, ökwödönö 'da̧batö chujunijatö ötjö yötawi̧ jojodönö yöbawö kwi̧'yaduwobö. Wanedö yötawa: Jojodöma ba̧jekwadö, nöinö wa̧ji̧danö, ökwödö yökawaduwi̧ a̧ja̧kwö ötjönö tjösödakobe. Ja̧ wa̧ji̧ma kököbachibö woökönö ba̧kwȩlö̧jatebö 'wa̧jakobe— wanedö yöawinobe—. Chömöledö, jejenö jojodönö yöbawö 'ya̧nö, okobe jwiinö ötjö chiminö Chabe'donö akebaduwinö jo̧bama a̧ja̧kwö pjaatakwo̧.

Juan 15:27

Ja̧danö, ökwödöbi ötjönö yökawaduwakwedöja jojodönöma. Ötjökwö, ajayinö chotidina jamatö tupakwö kwö̧jaduwobetjö̧ ötjö jawa yökawaduwakwedöja.

Juan 21:13

Ikenama Jesúsma pan 'delawö iyabinobe jobadönöma. Ja̧danö ba̧i̧bi 'delawö iyabinobe.

Hechos 1:4

Ina, Jesúsma jobadökwö ö̧jayi jö̧ba̧lijetö: —Ina Jerusaléntjö lakebaduwoko. Kwite'ada̧laduwo chabe'do wetonöcha jö̧a̧linökwenöma, ökwödönö belö yötawinökwenöma, Dios O̧'wo̧ Luwo̧nöma— jö̧ba̧lijetö Jesúsma iteda öba̧ja̧di̧ waisachadönö—.

Hechos 10:39

Ja̧danö, ökwödöma dedijatö Jesús otidobe, Jerusaléntjöbi, jelobe judíos tjuju̧kwobetjöbi. Ju'wibi yötawa: Jojodöma jo̧banöma ö'wöchinö ja̧bö towisa'onö bȩbö tjujunijatö.

Hechos 13:31

Yemidanö tjeachaja̧ ikenama jo̧bakwö ajayinö Galileatjö labebö Jerusalénbe kwebachiabinadönö öwawachijetö. Ju'wi mölebi, ju'wi mölebi lekwe möle öwawachijetö Jesúsma. Öwawachinawö̧ma babema jojodönö jweinö yöbawadö, Jesús tjö̧jibinö pjaatina wenema— yöbawijetö Pabloma.