Hechos 10:32 - Dios Iwene

³² Babema kwömöayedönö webi Jopebe tji̧'yo, bakwo̧ Simón mikwo̧nö, ju'wi imi Pedro mikwo̧nö öbibö tji̧'yo baikwö icho. Jo̧bama jelo̧ Simón mikwo̧kwö, chi̧wo̧dö tji̧sȩdi̧ju jawa otido̧kwö ö̧jobe, nöödö ojwe ö'öbösejunö. Jejenö weijatö Diosma ötjönöma.

Hechos 10:32 ပူးပေါင်းရင်းမြစ်များ

Juan 18:28

Ja̧danö, ju'wi dewachö judío jojodö la'aka luwedöma Jesúsnö öbibö tji̧'yinobe Caifás ejubetjö Roma la'aka luwo̧ Pilato ö̧jobekwö. 'Ya̧jadöma jobe ichibö judío jojodötjobetjö̧ Pilato, judío jojobö̧kö̧ eju okwa tetjachinokobe, sulabedö batjibapji jö̧ba̧lö. Judío jojodö pjiesta tjujuni̧ möle baibena tjukwakobetjö̧ tetjachinokobe, Dios öba a'otjö sulabedö batjibapji, jö̧ba̧lö.

Juan 4:9

—Ojwiyo chowo iyitjö— aeboko: —Ökwöma judío jojoja. ¿Tajawedö akeba ötjönöma, Samaria jojosujunö ojwiyo chiyokwöbö?—abebö ja̧ja̧kwinobe jobuju, Samaria jojosujuma. Ja̧danö, judío jojodöma Samaria jojodönö tjöpöjödinobetjö̧ jejenö abebö ja̧ja̧kwinobe Samaria jojosujuma. Yöba̧löbi yöba̧liatjinokobe judío jojodöma Samaria jojodönöma. Jejenö omukwatö jobujuma abebö ja̧ja̧kwinobe Jesúsnö ¿Tajawedö akeba ötjönöma ojwiyo chiyokwöbö, jö̧ba̧lö.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 10:33

Jejenö weitjö̧ chömöayedönö wetijatö ökwönö öbibö tji̧'yobö baikwö kwichobö. Ökwöma otiwanö kwichajabe. Babema ökwödöma okobe deinö, Dios öba a'o bena dö̧ja da̧ja̧kwobö okobe jwiinö Duluwo̧ weina ökwönöma—jö̧ba̧lijetö Cornelioma.

Hechos 10:5

Babema kwömöayedönö webi Jopebe tji̧'yo, bakwo̧ Simón mikwo̧nö öbibö tjichejebo, baikwö icho. Jo̧bama ju'wi imi Pedro mikwo̧.

Hechos 11:14

Jo̧ba Pedroma ökwödö kwö̧jibaduwinö pjaatakwawa wene yöawakwo̧, ökwönöbi okobe deinö kwejunö ju̧kwadönöbi, jö̧ba̧lö, yöawinobe ángelma Cornelionöma. Jejenö yöawijatö Cornelioma ökwödönöma— yöbawijetö Pedroma.

Hechos 11:3

— Pedro ¿Tajawedö sulabenö tebachö jobadökwö kwukwinada? ¿Tajawedö judío jojobö̧kö̧ eju okwa tebachö jobadökwö kwukwinada, Pedro?— öpöjödö abebö a̧ja̧kwijadötö.

Hechos 15:7

Lekwe yötja̧lakwawaja̧ ikenama Pedroma jamatö jö̧ba̧lijetö: —Chömöledö, ökwödöma kwöwaisaduwa ötjönö baledinama. Ajayinöma, Jesús weina dotidobö yöba̧lakwawö doko̧ko̧kwena Diosma ötjönö 'da̧batö ujuninobe judío jojodöböködönö yötawobö otiwa jawa wenema, jobadöbi a̧ja̧kwö Jesúsnö tjösödobö.

Hechos 16:9

Jobe ichibajadö tjichibaja̧ yö̧te, Pabloma abemi i̧'wi̧dinö edijetö bakwo̧nö, Macedonianö jo̧nö. Jo̧ba Macedonianö jo̧ma o̧'wo̧ tjo̧bekwö aebobema a̧ja̧kwijetö: —Macedonia pebibö ichö pjabatidönö— aebobe a̧ja̧kwö 'wi̧di̧kwijetö Pabloma.

Hechos 9:43

Ikenama Pedroma ji̧bijetö lekwe möle Jopenö, jelo̧ ejunö, Simón mikwo̧ ejunö. Jo̧ba Simónma chi̧wo̧dö o̧bȩja̧dö tji̧sȩdi̧ju jawa otidiabijetö.

Hechos 9:6

Ja̧danö, a̧laibö 'ya̧wi Damascobe. Jobe jo̧ma yöawakobe ja̧köbakwa̧ma— yöbawijetö Jesúsma Saulonöma.