Hechos 10:24 - Dios Iwene

²⁴ Jemi ikena dewachö mölema Cesareanö ichibijadötö. Ja̧danö, Cornelioma te'ada̧lijetö jobadönöma, ömöledökwö, ejukwö tjichobö jwöajawö̧kwö.

Hechos 10:24 ပူးပေါင်းရင်းမြစ်များ

Isaías 2:3

Jau, ba̧jȩkwadö tjitebokwena jojodöma yöba̧lakwawö yötja̧lakwedö, –Isabenö Jo̧ itea mösa'obe di̧'yaduwo, ajayinö ji̧na Jacob ösödinökwe Dios ejube di̧'yaduwo. Jobe di̧'yaduwo, Diosma ökwödönöbi iteda wei̧ ö̧ba̧ja̧dakobetjö̧, ja̧danö ökwödöbi Dios wei̧ a̧ja̧kwö dö̧jakobetjö̧, –jö̧ba̧lö yötja̧lakwedö. —Jau, Sion mösa'otjö laebakobe Dios wei̧ma, Jerusalen comunidadtjö Isabenö Jo̧ yöawi̧ laebakobe, bö̧je ba̧kwemeachibanö tja̧ja̧kwobö.

Mateo 16:13

Cesarea de Filipo ötjabi̧ nijibe ichibajadö, Jesúsma iteda öba̧ja̧di̧ waisachadönö abebö a̧ja̧kwinobe: —Chömöledö, ¿dakwö yötja̧lobe jojodöma ötjö jojo baibanö jeminökwenö, tijö jö̧ba̧lö?—

Lucas 5:29

Jemi ikenama, iteda ejutjö Levíma pjiesta ujuninobe, Jesúsnö ösödö. Ja̧danö tjukwenama ba̧jekwadö Leví otidi̧danö otidadö impuesto balada emajibadöbi, ju'wedöbi ba̧nö tjukwinobe Jesúskwö Levíkwö.

Hechos 10:1

Bakwo̧ romano jojo, Cesareanö jo̧ma Cornelio mikwo̧ ji̧jetö. Jo̧bama ciennö guardia jojodö, italianos mikwadö tjuluwo̧bijetö.

Hechos 10:27

Ikenama Cornelioma, Pedrokwö yöba̧lakwawiabö eju okwa tebachijetö. Eju okwama jojodö ba̧jekwadö ju̧kwijadötö.

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.